اللى سبق إن فتح محل كمبيوتر أوله خبرة

fa8381 · #1 (**permalink**) 26-02-2008, 01:28 AM

بسم الله الرحمن الرحيم
السلام عليكم ورحمة الله وبركااته
يالاخوان علشاني لا اجيد المقدمات بدخل بالمووضوع على طول ومحسوبكم متخرج من كلية تقنية وطافح عطال واخاف تجينى حالة نفسية منه
المهم ودى افتح محل كميبوتر لكنى غشيم بقوة بهالامور من ناحية التكاليف و كيف اجيب البضاعة ووش اهم مستلزمات المحل وكيف اتعرف على المندوبين وياليت اللى عنده دراية بهالامر او سبق له فتح محل كمبيوتر او اشتغل فيه يفدينى ولحد يقولى دراسة جدوى ومدرى وش لانه بصراحة هالدراسة اللى شفتها بالموقع كلام فاضي فالرجاء اللى عنده علم يفدينى واللى يامر فيه راح اقوله لبيك ان شاء الله وخصوصا اذا كان من المدينة

abn-waiil · #2 (**permalink**) 27-02-2008, 03:51 AM

up---------------- لرفع الموضوع--------------up

والله للاسف مهنا خبره بس راح يفيدونك الرجال الموجودين انشاء الله

والله يرزق انشاءالله

heavenmoon · #3 (**permalink**) 28-02-2008, 10:06 PM

اقتباس:

المشاركة الأصلية كتبت بواسطة fa8381

بسم الله الرحمن الرحيم

السلام عليكم ورحمة الله وبركااته
يالاخوان علشاني لا اجيد المقدمات بدخل بالمووضوع على طول ومحسوبكم متخرج من كلية تقنية وطافح عطال واخاف تجينى حالة نفسية منه

المهم ودى افتح محل كميبوتر لكنى غشيم بقوة بهالامور من ناحية التكاليف و كيف اجيب البضاعة ووش اهم مستلزمات المحل وكيف اتعرف على المندوبين وياليت اللى عنده دراية بهالامر او سبق له فتح محل كمبيوتر او اشتغل فيه يفدينى ولحد يقولى دراسة جدوى ومدرى وش لانه بصراحة هالدراسة اللى شفتها بالموقع كلام فاضي فالرجاء اللى عنده علم يفدينى واللى يامر فيه راح اقوله لبيك ان شاء الله وخصوصا اذا كان من المدينة

[GRADE="FF1493 FFA500 00BFFF 32CD32"]
الله يوفقك يا رب بمشروعك .. حبيت افيدك بالنسبة للبضاعة تقدر تحصلها من دبي او الصين :

و كمان عندك فتى نجد و مجتهد اعضاء مشاركين معانا بالمنتدى و لهم مكاتب ايستراد من الصين يقدرون ان شاء الله يزودونك بالبضاعة اللي تحتاجها .. و موفق
[/GRADE]

جنآآ · #4 (**permalink**) 29-02-2008, 05:33 AM

بالتوفيق اخي الكريم
اذا كنت بجدة ( جدة تفي بالغرض ) روح عند محلات الكمبيوتر وباذن الله يساعدونك
دمت بحفظ الرحمن

a7sn1 · #5 (**permalink**) 10-03-2008, 05:00 AM

ما اقول الا حسبي الله ونعم الوكيل

<<<< له 3 سنوات عاطل
<<<< حاصل على دبلوم شبكات من كلية تقنية
<<<< حاصل على 5 دورات حاسب
<<<< حاصل على 3 دورات انجليزي
<<<< حاصل على شهادة خبره 3 سنوات

الحالة النفسية زفت * زفت
<<< ماعنده مانع ياخذ تمويل قرض بس خاااااااااايف من المشاريع التقنية مثل محل كمبيوترات (شبكات برمجة تصميم صيانة ....الخ)
وش تستشيرونه به ؟؟؟؟

المشكلة ان النظام مايطبق الا على الـ........
اكثر من 85% من الوظايف بالواسطة ....

اعذروني اذا كان غلطت في الكلام .... بس الحاله سيئة جدا
حسبنا الله ونعم الوكيل

black355 · #6 (**permalink**) 10-03-2008, 09:01 AM

اقتباس:

المشاركة الأصلية كتبت بواسطة fa8381

بسم الله الرحمن الرحيم

السلام عليكم ورحمة الله وبركااته
يالاخوان علشاني لا اجيد المقدمات بدخل بالمووضوع على طول ومحسوبكم متخرج من كلية تقنية وطافح عطال واخاف تجينى حالة نفسية منه

المهم ودى افتح محل كميبوتر لكنى غشيم بقوة بهالامور من ناحية التكاليف و كيف اجيب البضاعة ووش اهم مستلزمات المحل وكيف اتعرف على المندوبين وياليت اللى عنده دراية بهالامر او سبق له فتح محل كمبيوتر او اشتغل فيه يفدينى ولحد يقولى دراسة جدوى ومدرى وش لانه بصراحة هالدراسة اللى شفتها بالموقع كلام فاضي فالرجاء اللى عنده علم يفدينى واللى يامر فيه راح اقوله لبيك ان شاء الله وخصوصا اذا كان من المدينة

سلام عليكم

انت كم راس مالك ؟ وهل انت شايل الوظيفة من راسك وناوي تركز على المحل ولا لا ؟

الان ابكلمك بصفة اجمالية :

الحين مافية بيت الا فية كمبيوتر او اكثر سواء كان لاب توب ولا مكتبي وحجم النمو في مبيعات الاجهزة يعتبر عندنا في السعودية من اعلى معدلات النمو يعني بالعامي فية سحب كبير علية جدا .معنى هذا راح يكون فية طلب على الاجهزة والصيانة والاكسسوارات .

المطلوب منك :

1- تفتح محل في شارع مكتض بالحركة وتقسمة قسمين الامامي للبيع والخلفي كورشة صيانة .

2- الحركة عادة بعد العصر فانت تستغل الفترة الصباحية في اللف على المؤسسات والمكاتب ومقاهي الانترنت وتعرض خدماتك من صيانة وبيع اجهزة عليهم .

3- التعرف على المناديب سهل وهم اللي راح يجونك واكيد في المدينة المنورة فية سوق جملة واذا مافية رح لجدة واشتر اغراض المحل وهم بعدين راح يجونك لحد محلك اذا عندهم بضاعة جديدة . طبعا هما مايعرفونك فبالتالي راح يبيعونك كاش ولما يثقوا فيك بعد مدة راح يدونك بضاعة بالاجل او على التصريف .

4-طبعا البضاعة الاساسية هيا كم جهاز مكتبي على كم جهاز لاب توب بالاضافة الى الاكسسوارات من سماعات ومايكات وخلافة .كذلك( الاقراص الصلبة) الهارد دسك والكروت علشان تسوي تجميع اجهزة عندك في المحل .

انا انصحك تركز على الصيانة لانها مطلوبة اكثر وتشوف لك شاب سعودي تشتغلون مع بعض وربي يوفقكم .

طبعا التكلفة التقريبية للتنفيذ من ثلاثين الى خمسين الف ريال لانة شوف ايش هيا مصاريفك :
1- استئجار محل
2- رفوف وستاندات وفترينات
3- رخصة بلدية ولوحة وربما يطلب منك سجل تجاري
4-بضاعة مشكلة
5- معدات الصيانة من اجهزة ومفكات .
6- فواتير وكروت ومطبوعات
7- هاتف ثابت
8- رخصة دفاع مدني وطفاية حريق
بودي انتا لو تمر محلات مثل اللي انتا ناوي تفتح وتشوف اللي هما عاملينة وتقلدهم وممكن تستفسر منهم وتاخذ منهم ارقام شركات الجملة او المناديب وتكلمهم وتتفق معهم .

طبعا الاستيراد من البداية وانتا ماعندك خلفية نهائيا عن التجارة ماانصحك بيها وممكن هادا الشيء تعملة بعد ماتكسب خبرة وتفهم الشغلانة .

ممكن تجرب تاخذ دليل التلفون وتشوف شركات الجملة اللي في جدة والرياض وتتصل بيهم وتسالهم عن اللي عندهم ربما يكون عندهم مكتب في المدينة او مندوب فتوفر على نفسك السفرة .

الله يوفقك ويرزقك بس لاتصير محبط ومتشائم وان شاء الله تعالى ماتجيك حالة نفسية ولا شيء طالما انتا طموح ومجتهد واحنا معاك لايردك الا لسانك واسال وحنا تحت امرك باللي نعرفة .

موفق يارب

black355 · #7 (**permalink**) 10-03-2008, 11:38 AM

اقتباس:

المشاركة الأصلية كتبت بواسطة a7sn1

ما اقول الا حسبي الله ونعم الوكيل

<<<< له 3 سنوات عاطل
<<<< حاصل على دبلوم شبكات من كلية تقنية
<<<< حاصل على 5 دورات حاسب
<<<< حاصل على 3 دورات انجليزي
<<<< حاصل على شهادة خبره 3 سنوات

الحالة النفسية زفت * زفت
<<< ماعنده مانع ياخذ تمويل قرض بس خاااااااااايف من المشاريع التقنية مثل محل كمبيوترات (شبكات برمجة تصميم صيانة ....الخ)
وش تستشيرونه به ؟؟؟؟

المشكلة ان النظام مايطبق الا على الـ........
اكثر من 85% من الوظايف بالواسطة ....

اعذروني اذا كان غلطت في الكلام .... بس الحاله سيئة جدا
حسبنا الله ونعم الوكيل

السلام عليكم ورحمة الله تعالى وبركاتة ...

افعل الاتي :

طلع سجل تجاري وحط النشاط كل مايتعلق بالحاسب الالي .

اطبع كروت باسم المؤسسة واسمك وطبيعة عملك فيها انك مندوب تسويق ورقم جوالك

قم من فجر الله ورح للشركات والمؤسسات واعرض خدمات المؤسسة وانك انت مندوب لها المؤسسة . طبعا تروح للراس الكبير فيها مهوب لاقرب موظف اكيد يبي يصرفك .

مر على الدوائر الحكومية ورح دوما للشئون الادارية والمالية فيها وتحديدا مديرها واعرض عليه خدمات المؤسسة يبي يصرفك ربما ولكن اقل شيء يبي يقولك انة حنا عندنا مناقصة قريبة لصيانة حواسيب وزارتنا قدم عليها وان شاء ترسي عليك . طبعا انت في الحالتين تدخل عليهم بثقة وعدم تردد مو تكون مستحي ومتردد .الانطباع الاولي ترى يؤثر في الحكم على جديتك ومصداقيتك.

لو قدمت على مناقصة ورست عليك الحمدللة واذا مارست ممكن تعرف المؤسسة اللي رست عليها المناقصة وتروح لهم وتعرض عليهم انك تاخذها منهم من الباطن او على الاقل تنفذ جزء منها .

تبدا تتابع المناقصات اللي خاصة بنشاطك وتركز في البداية على المناقصات الصغيرة اللي قيمة رسومها من الالف وتحت .

ماعندك فلوس تشتري اوراق المناقصة .. احضر يوم فتح المظاريف وشف من رست علية وسو اللي في الفقرة السابقة

هذة الافكار كلها بدون اية مصاريف عليك من مكتب واجار وخلافة يعني شنطة فيها اوراقك كروتك وختم المؤسسة .

بدا شغلك يتوسع ساعتها ممكن تاخذ قرض من الجهات اللي تدعم مثل صندوق المئوية وعبداللطيف جميل او تشوف شخص ثقة تشاركة هو بفلوسة وانت بالجهد .

طبعا الفكرة اعلاة مهيب سهلة ويبي لها طول نفس وربما تطرق مائة باب 99 باب تغلق في وجهك والباب المية ينفتح لك .

اترك عنك السهر والتلفزيون ومتابعة الكورة وجلسات الاستراحات وربك سيرزقك لامحالة .

الله معك بس اسعى ياعبدي وانا اسعى معك .

وان شاء الله تبي تتحسن امرك ولاعاد تكون النفسية زفت*زفت

طبعا كلامي هذا اذا انت في مدينة كبيرة اما اذا كنت في مدينة صغيرة فماعليك الا ان تشد الرحال الى اقرب مدينة كبيرة وتسوي فيها اللي ذكر اعلاة .

a7sn1 · #8 (**permalink**) 11-03-2008, 12:43 AM

بيض الله وجهك اخوي black355 وجزاك الله الخير كله

اخوي هل صحيح ماسمعته !!!! لاني سمعت من واحد عنده محل كمبيوترات يقول ان عقود المناقصات وغيرها التابعه للقطاع الحكومي(بالذات) والقطاع الخاص(الشركات الكبيرة والمتوسطة) ماتلتفت لاصحاب المؤسسات المبتدءة ولوكانت هذه المؤسسات الصغيره تمتلك موظفين متخصصين ؟؟؟

كم عدد العمال اللي توافق مكتب العمل اني اجيبهم ؟؟؟

اسال الله ان يوفقك في الدارين والمسلمين

black355 · #9 (**permalink**) 11-03-2008, 11:00 AM

اقتباس:

المشاركة الأصلية كتبت بواسطة a7sn1

بيض الله وجهك اخوي black355 وجزاك الله الخير كله

اخوي هل صحيح ماسمعته !!!! لاني سمعت من واحد عنده محل كمبيوترات يقول ان عقود المناقصات وغيرها التابعه للقطاع الحكومي(بالذات) والقطاع الخاص(الشركات الكبيرة والمتوسطة) ماتلتفت لاصحاب المؤسسات المبتدءة ولوكانت هذه المؤسسات الصغيره تمتلك موظفين متخصصين ؟؟؟

كم عدد العمال اللي توافق مكتب العمل اني اجيبهم ؟؟؟

اسال الله ان يوفقك في الدارين والمسلمين

ويجزاك خير حبيبي ..

المناقصات لها شروط وكل ماكانت قيمة المناقصة كبيرة كل ماكانت شروط المتقدمين تكون اصعب وتتطلب خبرة ومشاريع سابقة مماثلة .

انت ماعليك من اللي تسمع انت اسعى وابدا بالمناقصات الصغيرة واللي يعطونك عليها شهادة ةهالشهادة تنفعك كخبرة في المناقصات المستقبلية .

اهم شيء اخي الحبيب ابدا وتحرك .

black355 · #10 (**permalink**) 11-03-2008, 11:02 AM

نسيت اجاوبك على سالفة العمال .

العدد مااعرف بصراحة ولكن لو رست عليك مناقصة وانت محتاج لعمالة الجخة صاحبة المناقصة تعطيك شيء اسمة تعزيز عمالة ومكتب العمل يوافق عليها بدون تعطيل .

اكرر كلامي تحرك واترك السهر والاستراحات واللة ان تعين خير .

اللى سبق إن فتح محل كمبيوتر أوله خبرة

قسم مشاريع وأفكار

بسم الله الرحمن الرحيم السلام عليكم ورحمة الله وبركااته يالاخوان علشاني لا اجيد المقدمات بدخل بالمووضوع على طول ومحسوبكم متخرج من كلية تقنية وطافح...

اللى سبق إن فتح محل كمبيوتر أوله خبرة

تسجيل الدخول

اللى سبق إن فتح محل كمبيوتر أوله خبرة

قسم مشاريع وأفكار

بسم الله الرحمن الرحيم السلام عليكم ورحمة الله وبركااته يالاخوان علشاني لا اجيد المقدمات بدخل بالمووضوع على طول ومحسوبكم متخرج من كلية تقنية وطافح...

اللى سبق إن فتح محل كمبيوتر أوله خبرة