ياخوان الي عنده نماذج من اختبارات الكفايات ياليت يعطينا ونستفيد

على مااعتقد ان فيه نماذج في النت بس حلولها على كلامهم ماهي صحيحة .وماعاد ندري نحفظ منها والا نروح الاختبار على عماها وياتصيب ياتخيب ..

السلام عليكم ورحمة الله

على فكره يا شباب أنا مجتاز للقياس وما ترشحت بسبب الرغبات وعدلت عليها قبل 7 / 10 حسب احتياجهم المعلن عنه ..
رحت للخدمة المدنية حسب كلام منتظر أن المطابقة التعليمية 859 اليوم ..
اللي حصل الموظف في الخدمة قال لي بالحرف الواحد المطابقة لكم بعد اختبار القياس لإن فيه احتياج وإلا ما كان سووا اختبار استثنائي للرياضيات فذاكروا والله يوفقكم ..

وبالنسبة للمطابقة الاعلان بيكون عن طريق الموقع للخدمة أو تصل رسائل ..

طيب اخوي بينقو انت بتخبتر القياس ولا يكفي اختبارك الاول ،، لاني نفس وضعك

لا ماني مختبر مره ثانيه
شرطهم إنك مجتاز قياس وأنت مجتازه خلاص ليش تختبر ثاني ؟
انتظر المطابقة فقط والله يوفقنا واياك وجميع الشباب هنا

ياشباب

نصيحة اخو لاخوه

لاتعتمدون على النماذج

والله فيه واحد يستعمل النماذج

لم يفلح في ثاني اختبار

وانا دخلت الاختبار بدون مذاكره واذكر واحد من اصحابي

دخل الاختبار بدون مذاكره وعدينا فيه

اخاف ان المذاكره تضيعكم

استعين بالله وادخل الاختبار

وكثرو من الدعاء والاستغفار

بالنسبه للي يطلبون نماذج او اختبارات سابقه لقياس يعني على بالكم ان مركز القياس جايب دكاتره وتصرف عليهم ملايين على اساس انهم يحطون اسئله لاختبار القياس بجميع المواد واخر شي تتوقعون بيعدون الاسئله او بيجبون لك شي من المواد اللي قد اخذتها ؟؟؟؟
واحد يقول ذاكرو منهج اول ثانوي حتى لو ذاكرته بيجيب لك السوال بطريقه ملتويه ويخليك تفكر وتشغل مخك ما بيعطيك اياها كذا مثل ما هي !!!!!
انتم بس توكلو على الله وكونو متفايلين بالنجاح والتعيين باذن لله سمعت للي بيجتازه او ما بيجتازه وانما ااختبار هذا يبون يرضوون القياس بكم مليون ههههههه

انا الحين مو محيرني الا العضو مملكه العلم قال لنا لا حد يسجل في اختبار القياس وووو
واخر شي سحب سيفوووون علينا ابن ايه
اتمنى منه يقنعنا ليه قال لا حد يسجل في القياس الا بعد الاجتماع .....
اجتمعو وخلصو واتوقع انههم فسرو الماء بعد جهدآ بالماء
توكلو علىىالله وروحو اختبرو ولا عليكم من اي عضو يقول لاحد يختبر

فعلا العضو مملكة العلم اختفى ..
وايضاَ حساب ( خريجي الرياضيات ) في تويتر .. اختفى صاحب الحساب وماعاد كتب شي !!

ولا ندري وش صار .. وش الموضوع , هل صار في تجمع , هل فيه امور جديده , الامر غريب ومحير جداَ
على العموم الآن امامنا الاختبار .. واتمنى ان الاعضاء بصحة وعافية
واسأل الله التوفيق لي ولكم اجمعين ..