اول شيء السلام عليكم ورحمة الله...
انا بنت عمرى 26 سنة جامعية في السنة اللى قبل الاخيرة قدر الله انى تعرفت على شاب عن طريق الانترنت وتطورت العلاقة بيننا وصارت لحب اكيد بتقولون كيف صارت؟؟ طبعا شفنا بعض بس شوفات والله باماكن عامة يعنى يمكن في الست سنوات اللى فاتت خمس مرات لان ظروفي صعبة واهلى متشددين بس الولد طلع اخلاق يعنى مايطلب ابدا ويقول يكفينى انى اسمع صوتك المهم في السنيين اللى فاتت كان عاطل والحمد لله اشتغل وتحسن وضعه وصار افضل وطول هالفترة بصراحة تكلمنا في موضوع الارتباط وتواعدنا على هالكلام يعنى نرتبط بس انا خايفة من اهلى يرفضونه وهو اهله فقعوا مرارته كل مره يجونه يكلمهم بس هم مطنشين وعلى فكرة هو متغرب عن اهله وجالس في نفس المدينة اللى ساكنتها يعنى يالغرام يسمونه يتنفس هواى والله انى فاضية بس لاتلومونى من القهر واتفقنا على الزواج والسفر وعلى الدراسة نكملها برا وعلى الرواية اللى كتبتها وبطبعها وشجعنى كثير ووقف جنبي كثير وياما ياما نشكى لبعض ونبكى مثل كل اللى يحبون بعض وكل مره كان يجينى عريس مااعلمة عشان ماينقهر وكنت ارفض بعنف عشان حبيب القلب واستنى متى بس نرتبط ونحقق احلامنا اما من ناحية الدين فالشهادة لله اننا كلنا نصلى الحمد لله وكنا نحث ونشجع بعض على الدين غير النقاشات الدينية اللى دايمن نتكلم فيها؟ طبعا هو ماشاء الله كان في تحفيظ قران لمن كان صغير بس اكبر ذنب في حياته انه عرفنى وحبنى يعنى سبحان الله مفصل تفصيل مثل ماابغى وزيادة .. طبعا الين الحين ماقلت الكم وين المشكله؟؟
المشكلة طول الله في اعماركم ان يوم الخميس الماضى انخطبت لواحد وابوى بيتجنن عليه يعنى لو ماتزوجتة ابوى ذابحنى ذابحنى يعنى بيزعل زعل عالمى ليه كرة قدم.. يعنى من جد ضايق عشانى قلت ماابيه وقال والله اذا ماخذيت هذا الرجال لاجلس غضبان عليك وقال هذا عقوق ومررره زعلان نسيت اقولكم انه ابوى مريض بالقلب ويقول خايف اموت والبنات يجلسون كذا طبعا يقول لجدي هالكلام ؟؟ ومرره زعلان ومعصب ويبينى اوافق لانه يعتبره الرجل المناسب وانا بصراحة مااعرف هذا الرجال بس يمدحونه بس ورب البيت ماابية عشان القلب متعلق بواحد ثانى ومحلي الدنيا بعينى ؟ امانه بعناقكم اللى بيقول شيء زين يكتبة واللى بيجرح لا يكتب شيء كفاية مروره طبعا انا عارفة انى غلطت بعلاقتى بهذا الشاب وانا والله كنت ناوية اصلحها وطبعا حتى هو يبي يصلح هالعلاقة لانه مو راضي اننا نجلس معلقين على السماعه بس القدر كان اسرع وابتلشت بهذا الخاطب الجديد ... نسيت اقولكم انى اموووت اموووت في ابوي طبعا هو قدوتى في الحياه وانا مااتخيل انى ازعله ومن الخميس جالسه اسايرة بس هوصامل على راية ؟؟ وهو الله طيب صح مطوع متشدد بس والله انه طيب وطوال علاقتى بالشاب اللى احبة صورة ابوى ماتفارقنى عارفة انه غلط بس شسوي والله حبيتة وتعلقت .... وانا بين نارين ياارضى ابوى والا ارضي حبيبي؟؟ وانا عارفة انه ابوي ابد له الفضل بعد الله بتربيتى وتعليمى وكل شيء بحياتى؟ بس كمان هذا الشاب اللى حبيتة حرااام سنين من عمرة تضيع معى على حلم يموووت قبل يتحقق ارجوكم سلمحونى على الاطاله والله لا ادعى للي يرد عليه بأنسانيه؟نسيت اقولكم انى دايمن اصلى استخاره ان الله يختار لى الخير ... ومشكورين مقدما

يا عمري انا ما عندي حل بيدي
لكن اطلب منك انك تستخيري
و ذكرتيني بواحدة مثلك تماااااااام .. بس الفرق انها اتعلقت بواحد و هي اصلا متزوجة >>و ما تدري ايش الحل؟؟
المهم الله يكتب لك يا قلبي اللي يسعد قلبك >>> مزولا
ترى مزولا المقصود به اي واحد ممكن انه يسعدك

اول شي وعليكم السلام ورحمة الله وبركاته...

صدقيني صدقيني صدقيني يا اختي.....مهما حبيتيه وحبك....بيجي يوم ويعايرك ويقول انه تعرف عليك عن طريق النت.....

وابوك له نظرة في العريس اللي جاك.....ويعرف وش اللي يناسبك.....ويحب لك الخير لو العريس مافيه خير ماكان اصر عليه.....

نصيحتي لك يا اختي....طيعي كلام ابوك.....واعتبري اللي صار تجربة وانه جزء من الماضي......وانظري للمستقبل بعين واعية ....


اخوك الدبلوماسي

يا عمري انا ما عندي حل بيدي
لكن اطلب منك انك تستخيري
و ذكرتيني بواحدة مثلك تماااااااام .. بس الفرق انها اتعلقت بواحد و هي اصلا متزوجة >>و ما تدري ايش الحل؟؟
المهم الله يكتب لك يا قلبي اللي يسعد قلبك >>> مزولا
مشكوره اختى بسكويتة على مرورك وتعليقك بس والله لو تزوجت مابفكر اخون مأمني على بيتة وحياته بس انا عزبـــــــــــــــــــــــــاء وتعرفين البنت في مرحلة الجامعه تحب تكتشف وتتعرف وخصوصا بعض رفيقات السوء اللى لازم كل وحدة منهم عندها بوي فرند وكنا نحسبة تطور والله لو بعقلي الحين انا ماحبيت وتورطت بس الله يخارجنا منها..

السلام عليكم :

********حكمي عقلك ....ولا تاخذكي العواطف<<<
الوالد ين من اهم الموجودات في الحياة بعد عبادة الله فلا تعقيهم ...واذا كنتي صادقه بعبادتك فادعٍِِ الله لنفسك ان يرفع عنك البلاء لان هذا اختبار لكي هل انتي صادقه بعبادتك؟>>>الدعاء سلاح المؤمن<<<
كل انسان في هذه الدنيا الزائله ...مبتلى على قدر ايمانه,,

اخير ا>>>اتقي الله في نفسك .... حافظي على صلاتك ...استخيري الله في هذا الشاب الذي خطبك واطيعي والدك