03-02-2012, 09:09 PM
|
عضو جديد
|
|
تاريخ التسجيل: Dec 2011
المشاركات: 30
معدل تقييم المستوى: 27
|
|
اقتباس:
المشاركة الأصلية كتبت بواسطة اكبر عواطلية
السلام عليكم ورحمة الله
بنات اللي حضرت معرض لقاءات بالرياض أو تعرف وحدة حضرت المعرض ولم يتم إستدعائها ولم تتلقى أي رسالة على جوالها ولا على إيميلها تجي هنا وتقول لنا من متى متخرجة ووش تخصصاتها
في بنات لقيتهم بالفيس بوك معي بحساب (لقاءات) يقولون أنهم توظفوا عن طريقهم وبعضهم تقول في نفس اليوم سووا لي مقابلة شخصية وقبول فوري للوظيفة وباشرت من ثالث يوم من اللقاء !
ارجوكم نبغى نشوف مدى مصداقية هالبرنامج .. وفي مسؤول كبير بهاللقاءات قال لولد أختي اللي حضر بلقاءات للشباب أن الأولوية في التوظيف للأقدم من ناحية التخرج واللي تبينوا من خلال رقم هويتها أنها باحثة فعلا عن وظيفة من زمان بالمواقع الحكومية عن طريق الداتا بيس وتم استدعائها لـ للقاء وحضرت .. هالاشياء كلها تنطبق علي وأن شاء الله بيساعدني في البحث عن وظيفة بالإضافة إلى بحث البرنامج وودي اساعدكم من القديمة بتخرجها وحضرت المعرض ؟  |
انا متخرجه من زمان وسجلت في حافز يعني باحثه عن عمل ( الشهر الاول نزلوا لي اما هالشهر استبعدوني لاني طالبه) وسجلت في لقاءات وجاتني رسايل منهم عالايميل كلها مافي شي جاني عالجوال طلبوا مني حضور اختبار التحليل المهني وحضور المعرض ورحت لهم كلهم ، في المعرض قدمت سيرتي على الشركات اللي حسيتها مناسبه لي بس المقابلات ما طلبوني الا مقابله وحده فقط ( تضايقت توقعت اسوي اكثر من مقابله بناءً على المؤهلات والدورات والخبره اللي عندي!!) وكانت في مستشفى رعاية الرياض قدمت في اليوم الاول الصباح وعالظهر دقوا علي لقاءات مرتين يبلغوني انه عندي مقابله شخصيه في المساء قلت اوكيه وبعد المغرب دقوا للمره الثالثه يسألوني اذا جايه ويأكدون لي الموعد قلتلهم جايه اكدوا لي ، وسويت المقابله مع موظفة الموارد البشريه التابعه للمستشفى وكانت مقابله جدا بسيطه واسئله عاديه وقالتلي هذي مقابله مبدئيه فيه مقابله اخرى مع اللجنه بس بعدين . قلت متى ؟ قالت الين مايخلص المعرض ونفرز السير (عاد مدري وش قصدها هل معناته انهم خلاص رشحوني للوظيفة ام باقي فيه شغلات اخرى ) والى اليوم ماعاد دقوا بس بشكل عام احس المعرض ممكن يحضره اي شخص حتى لو ما جاته دعوه منهم لان اخوي توه متخرج هالترم حتى وثيقته باقي ما استلمها من الجامعه وسجل في البرنامج يوم الجمعه بالليل وراح اليوم الثاني يوم السبت الخاص بالرجال وقالهم انه توه متخرج ومسجل وما جاته دعوه ،طلبوا منه يفتح البرنامج عندهم ودخل رقم الجوال وطلع اسمه وعلى طول اعطوه البطاقه ودخلوه المعرض وصديقه كان معه ماسجل نهائياً من قبل وعادي سجل بياناته عندهم وطلعوا له بطاقه ودخلوه ايضاً المعرض ..يعني المعرض عادي يدخلون اي واحد يسجلونه عندهم في السيستم .لكن اختبار التحليل المهني والمقابلات هذي يدققون فيها .
لكن ودي اعرف هل اللي دخلوهم مقابلات شخصيه يعني خلاص وظفوهم؟ خصوصا وان هذي المقابلات مسجله في موقع كل متقدم في لقاءات وموضحين فيها اليوم والوقت والوظيفه المعروضه .
|
نداء للبنات اللي حضروا معرض لقاءات بالرياض فقط
العرض العادي
