السلام عليكم
والله من فين ابدأ ما اقول غير حسبي الله ونعم الوكيل والله يكفيني وياكم من شرهم
طبعا هالرقم دقوا علي اكثر من مره واخر مره رد زوجي عليه المهم وطلعت رساله صوتيه عطاني زوجي يقولي تعالي شوفي عليكي مديونيه للاتصالات بقيمة 1400ريال
المهم خذيت السماعه وجلست اسمع ومو مصدقه ومو مستوعبه من فين هالفاتورة وكمان يعطيني رقم رقم المشترك تبع هالفاتورة ويطلب مني الاتصال على رقم ثاني المهم انا عن نفسي متأكده هالرقم مو رقم الاشتراك تبع تليفونا لاني انا اسدده دائما فحافظته بس إلي خفت منه احد سرق بياناتي وطلع رقم جوال او تليفون بهويتي او شي
فهمتوا علي
المهم طبعا رقم تليفون البيت باسمي المهم وادق على الرقم الي عطوني وهو 8001166696
بالنهايه ادق طبعا قالوا انهم شركة الاتصالات السعوديه للحسابات الختاميه واضغط عربي رقم 1 ومن هالقبيل المهم وانتظر الرد تبع الموظف وادق ادق ما احد حولي وانا قلبي يوقف
من وين هالفاتورة؟؟؟؟؟
المهم دقيت على 905 وسألتهم عن هالرقم قالوا لي هذولي نصاااابين ماهم الاتصالات وانتبه منهم

والله يستر منهم ونسيت ما اعطيه الرقم الثاني تبع ابوا 800
بس والله خفت انوا يوم دقيت عليهم يكونون خلاص نصبوا عليه الله يستر بس

طبعا دقيت على 907 وسألتهم عن فواتير باسمي ورقم هويتي وقال لا مافيه شي

المهم حبيت اقولكم وانبهكم انهم نصاااااااااابين
وترى هالحركة احسها مكرره معنا احنا إلي عاطلين ومقدمين على حافز وجدارة

المهم انتبهوا .....وما اقول إلا حسبنا الله ونعم الوكيل والله يكفينا شرهم ياااااااااارب
حبيت انبهكم والله لان الاغلبيه يوم بحثت بالنت لقيتهم كل يحسبونها وظايف
او شي

فانتبهوا منهم لايطالبونكم بارقام هوياتكم ومعلوماتكم
والله يستر علي وعليكم يارب
ويكفينا شرهم
دعواتكم