الله يجزاكم خير انا معلقه اكثر من7 سنوات وبنفس الوقت جامعيه عاطله
وعندي اطفال وهو الله لايوفقه ولايفتحها بوجهه وين ماراح حتى عياله
مايصرف عليهم عجزت ما ادري وش اسوي كيف اعيشهم كيف اصرف عليهم
ماغير اطلب من اخواني المصروف عشان اصرف على عيالي
لاتقولون تطلقي لاني اشتكيت طلبت الطلاق لكن لاحياه لمن تنادي رافض يطلق
الا ارجع له المهر وهو لاهو اللي راحمنا ولامخلي رحمه ربي تنزل علينا
والله ساعات اهني المطلقات لان لهن حقوق اما انا تكفون ارشدوني ماني عارفه
وش اسوي ضاقت بي
وربي كرهت حياتي واشوف عيالي غير عن الاطفال الباقين وانا عاجزه اسوي لهم شي
ماغير اخذ من اهلي المصروف واذا بتقولون توظفين وين هي الوظيفه بكالوريوس وعاطله
أأأأأأه ياربي افرجها علي يارب حسبي الله عليه ونعم الوكيل حرام يكون اب والله حرام
ضيعنا وضيع حاله بأدمانه الله لايوفقه وربي بقلبي حرقه منه ما كأن عنده اطفال بنتين ولد
ولايسال عنهم ولايصرف عليهم تحملت مسؤليتهم وتعبهم ومرضهم الحالي وهو لاهي بحياته
امانه قولولي انصحوني وربي تايهه عشان عيالي ابي اسعدهم ابي اسوي لهم كل اللي يبونه بس
لاحول ولاقوه انتظر الفرج من الله

اختي لك الله بلا شك ولكن اخوانك وش دورهم ادري انهم مو مقصرين ان شاء الله ولكن يعني ماتوصلوا لحل معه والا كيف

كلمي احد من قرايبك او كبار قبيلتك يكلمون ابو عيالك
بااان يطلقك وتعيشين حياتك او يصرررف عليك ماايصير كذا معلقه ولا لك 7 سنوات وش هالظلم
حسبي الله ونعم الوكيل

اعتقد والله اعلم اذا ما طلق فإنه مجبور على النفقه
كان الله بعوونك

لك الله ثم لك حقوقك وأخوانك اذا حطونه تحت الجزمه صدقيني رح يعرف الطريق المستقيم ويمشيه صح

الله يعينك
هاتي شهود انة مدمن واعتقد حيطلق
ايش هذا على الاقل لك شي من الدولة
سجلي بحافز

الله يسعدكم جبت شهود وجبت ادله وانه يعالج بالامل حق الادمان بس مافي فايده الشيخ حكم اني ارجع له المهر يقول لانك انتي اللي تبين الطلاق وقسما بالله ظلم انا ماهربت منه من فراغ خلا عيشتي ضلام معاه جنني وجنن عياله لدرجه يقفل علينا ابواب الغرف ويسجنا وطايح فينا ضرب وصراخ موحرام بالنهايه يحكم الشيخ يا ارجع فلوسه او ابقى على ذمته وانا رجعت له اكثر من عشرين مره على امل يتغير بس مافي فايده واما بالنسبه لاخواني هم اثنين وموضفين بشركه بس اعمارهم ٢١و ٢٣ تكلمو بالبدايه بس بعدها قالو مالك الا المحكمه ولما حكم االشيخ خلاص تركوا كل شي على حاله وبالنسبه لاقاربي كلموهم بس مايردون عليهم لانهم ظلمه يقولون رجعو المهر او بعلقك طول عمرك وانا من وين ارجع لهم المهر حسبي الله ونعم الوكيل الله يوريني فيهم يوم الظلمه كيف يواجهون ربهم بيوم الحساب ،،،وانا كتبت بالمنتدى عشان اعرف هل لي حقوق لاني جاهله بامور المعلقات وسلمت امري لله

وبالنسبه الحافزاذا نزلي,, ياربي لك الحمد هذا فرج من الله وانا سجلت فيه بس لسى مانزل شي

الله يكون بعونك ويفرج همك عاجلا غير اجل ويفتحلك ابواب رزق من حيث لا تحتسبين ويفكك منه ومن شره باقرب وقت يارب العالمين

|:|

ونعم بالله هو القادر و هو المدبر لكن لازم تتخذين الاسباب
عشان تتيسر امورك و الاسباب كثييرة !
ابوك ليه ما يروح لابو الولد او عمانة او اخوالاه و يجلس معهم
ويحكي لهم كل شي !
اخوانك كبار يقدرو يمسكون هالزوج و يربطونه و يدخلونه مستشفى الامل !
القضاه هو يبالهم قاضي يحكم عليهم > حسبي الله ونعم الوكيل
حافز ان شاء الله ينزل لك هالشهر !
باب رزق يطلب موظفات و انتي اعتقد بالبكاريوس راح يشوف لك وظفية ع طووول روحي لهم بكره !

و لا تنسين ان هذا ابتلاء من الله عز وجل > وبشر الصابرين !
ان ما نفع معك و لا سبب اصبري و اجرك ع الله
ولا تنسين ركعتين قبل اذان الفجر وبأذن الله راح تفرج !

اسأل الله ان يفرج همك و كربك و ان يسهل لك كل أمورك !