السلام عليكم ورحمة الله وبركاته

الى كل من عمل مقابلة مع شركة ارامكو او شركات متعاقدة معها .
ابي معلومات عن كيفية المقابلة وكيف تبي تكون !!!
في اسئلة انجليزي ولا
يعني ابي كل اللي تعرفونه !!!
لاني عاطل وخريج كلية التقنية قسم قوى كهربائية ولي سنة جالس بالبيت

والمقابلة يوم الاثنين يعني بعد بكرة



تكفووووووووووووون اعطوني معلومات

وعليكم السلام ورحمة الله وبركاته

االمقابلة راح تكون على شقيين الشق الاول بيتكون اسئلة شخصيه و معلومات عامه عن تخصصك مثلا
تكلم عن نفسك , ليش اخترت تخصصك , ليش قدمت على ارامكو , لو جاك عرض من شركة ثاني ايش تفضل وليش .
الشق الثاني من المقابلة راح يكون على حسب القسم اللي طالبينك للمقابلة فمثلا لو طلبك قسم الدرلينغ بيسولك ايش تعرف عن الحفر ...الخ

اخر شيء حاول تبين انك مهتم بالوضيفه اسئلهم كيف بتكون و كيف البرنامج بعد التوضيف و هل في دورات في الخارج و زي كذا

طبعا اللي يقابلوك بيتراواح عددهم مابين 4 -6 , وفي الغالب بتكون انجليزي و بعض الاحيان يقلب عربي

نصيحه لك لا تشيل هم المقابلة ادخل واثق من نفسك اللي يسئلك رد عليه بثقه و اهم ال eye contact
ثاني شيء اذا سئلك انجليش رد عليه انجليش واذا عربي رد عليه عربي

بالتوفيق اخوي و ان شاء الله تكون الوضيفه من نصيبك

يعطيك الف عافية اخوي فاموس ارخنتينا

افدتني بالكتير

معليش سوال ...هل بعد المقابلة يختبروني ... لانهم راسلين لي سيكون لديك اختبار انقلش ورياضيات

ماني عارف كيف ادخل الاختبار ونا ماني عارف ايش بيجبون اسئلة ...

اختبار سهل اسمه اسسيسمنت تيست مثل اختبار القدرات لكن كله بالانجليزي و متقدم شوي
فيه مواقع لو تبحث عنها في قوقل تعطيك امثله عليه
على العموم هو ثلاث اجزاء
الجزء الاول انجليزي
والثاني رياضيات
والثالث رسومات

تمنياتي لك بالتوفيق

بالتوفيق ان شاء الله

اخوي فاموس ارخنتينا الثالث اجزاء اختبرها بنفس الوقت

وماعليش لو تكتب اسم اسسيسمنت تيست با الانجليزي عشان يسهل البحث


اخوي عبدالله الله يوفقك معاي

Assessment Test

شوف هذا الرابط بيعطيك معلومات و بعض النصائح

http://skfupm.kfupm.edu.sa/vb/showthread.php?t=48930

لقيت دا الرابط والاسئلة

https://www.btalah.com/t278895.html

يمكن نفس اللي تتكلم عليها انت

اللهم اكفني بحلالك عن حرامك واغنني بفضلك عمن سواك اللهم اني اعوذ بك من الهم والحزن والكسل والبخل وضلع الدين وغلبة الرجال.
اللهم ارزقني رزقا لاتجعل لاحد فيه منَه ولا في الاخرة عليه تبعه برحمتك ياارحم الراحمين .
اللهم صب علينا الخير صبا صبا ولا تجعل عيشنا كدا كدا .
اللهم ان كان رزقي في السماء فانزله وان كان في بطن الارض فاخرجه وان كان بعيدا فقربه وان كان عسيرا فيسره وان كان قليلا فاكثره وبارك فيه برحمتك ياارحم الراحمين