السلام عليكم ورحمة الله وبركاته انا اتصلو علي برنامج طاقات وقالو لي لازم اجيهم يوم السبت عشان يعرضو علي بعض الوظائف وطبعا كالعادة طرت من الفرح ظنيت اني بعد صبر سنين ولله الحمد اخير راح اتوظف قبل لاموت ورحت من بدري لقيت امت لااله الاالله متجمعين وكعادة الناس كل مامريت من عند وحدة علي طول تقولي الله يعينك اول كنت اتحسس من هالكلمه بس من كثر ماسمعاه من الناس الي اعرفهم اولا صار عندي تبلد لاني مصابه بشلل اطفال ومشيتي فيها ميله كثيره بس تاقلمت مع الوضع والحمدلله علي كل حال المهم كنت انا الوحيدة الي دقو علي من ذوي الاحتياجات الخاصه المهم دخلونا اولا 9ونص علي محاظره عن برنامج طاقات بعدين خلونا نروح لقاعه ثانيه نجاوب علي 100 سوال عن الذات اختارمن 4 اجابات المهم خلصت وبعدين حولوني علي الاخصائيه النفسيه عبيت ورقه وقالت خلاص راح اتصل عليكي وقالت اذا تبغي اناقش معكي جوابات 100 سوال علي الهاتف عشان ماتعبكي وتجين بغيت احب راسها لاني صدق تعبت اليوم المكان ابدا ماهو مهي لذوي الاحتياجات الخاصه لانه احنا تكون مشكله كبيره اذا واجهتنا درجة سلم فما بالك بسلم طويل والارضيه سراميك واحنا نلبس جهاز ويزحلق مع السراميك اني دعيت ان ربي يسترها معاي والحمدلله وعلي كل المرمطه قالت لي مافيه وظيفه لكي بس عبي البيانات ولاجاء شي نتصل عليكي والحمدلله علي كل شي والله يكتب الي فيه خير والله يوفق الجميع

الله يوفقك ياقلبي ويرزقتس بالوظيفه عاجلا غير اجل

الله يرزقك

الله ييسرلك الوضيفه المناسبه
اكثري من الاستغفار

موفق بإذن الله ... لك مني أجمل تحية .

الله على طاقات

انا ابشرحها لكم باختصار

اتحداااااااااااااااهاا هنا في هالمنتدى او خارج المنتدى الي لقولها وظيفه راتبها اكثر من 1600

معروفه وانعرفت طاقات خلاص

يجمعون الشركات عشان توظيف السعوديات قال تطوير وخرابيط اي تطوير والوظيفه لاتبت للتخصصات البنات بشي

جامعيات

دبلومات

جميع التخصصات اجتمعو في يوم ماااااء في برنامج طاقات ولاعليهم من الشهاده والتخصص العلمي

قالولهم وظيفه تناسب السعوديات لاتخلون الاجانب تضحك عليكم تحفيز قالك

و و و وشرح انه مافي زيكم بالشطاره والسنع عشان يطيرون بالعجه لوووووول

وبالاخير مصنع اخر الدنيا مخابز

والوظيفه تلف ورق عنب وعمل المعجنات وتغليف الاكياس وحمل الصناديق

واجازه لمدة يوم بالاسبوع تخيلتو يوم غير محدد متى يمكن يصادف السبت يمقن الاحد ويمقن الاثنين وهكذااااااا

الدوام من 6 اليين 2 ويمقن من 2 الى 9 ثمان ساعات الدوام ووين باااخر الدنياا لاتنسون

هذا على حسب يمقن يتغير الشفت تخيلو شفتات

هذا التطوير العلمي الثقافي هذا القضاء على البطاله هذا وهذااا لالالا تشكولي ابكيلكم

خلوني قلت خلوني احد كلمهااااااااااا لووووووول بس هذا فيض من غيض مدري غيض من فيض الي تجي

اجلس في بيتي جنب شهادتي وخبراتي بلا اختلاط وقلة ادب

ياحياتي ربي يوظفك بالوظيفه الي تريحك
كلنا نفسنا بوظائف بس هالمرمطه هي الي تخلينا نكره الوظائف ونظرات الناس
لما تكلمتي كأنك تتكلمين عن نفسي الالم غير النظرات بس ربي يأجرنا

ان شاء الله تلاقي الوظيفه اللي تحلمي فيهااا

السلام عليكم ورحمة الله وبركاته وشكرا لكل من دخل الموضوع او رد بعدين صدمتيني لماتقولي 1600 احنا قالت تعليميه 3000 وفوق الله يعين وعلي 1600 اجلس بيتي معززه مكرمه مع عيالي ولا المرمطه جامعيه اخرتها عامله 1600 الحمدلله علي كل حال بعدين انا استغربت لما عرضو عاملت نظافه علي البنات ب1100 وقالت لان ماعندهم الا الابتدائيه الله يعين ويرزقنا من اوسع ابوابه ولايحيجنا لاحد غيره يارب اللهم ان كان لي رزق لي اولعائلتي اولاخواتي واخواني بالمنتدي رزق فالسماء فانزله وان كان لنا رزق في الارض فاخرجه وان كان بعيدا فقربه وان كان قريبا فبارك لنا فيه يارب