السلام عليكم ورحمة الله وبركاته
الأسبوع الماضي و أنا أتصفح مواقع التوظيف وجدت شركة كبرى محتاجه لموظفات خدمة عملاء و أرسلت السي في و أتصلوا للمقابله و رحت وجدت عماير كأنها سكنيه و اتصلت قبل ما أطلع للعماره قالت أطلعي أحنا في الدور الاول المهم الشقه ماعليها لوحه و لا في حارس امن او اي شيء دخلت لقيت الموظفات ممكن 4 و مدير و مديره بس انا مره خفت و كان كل شيء زي اي شركة يعني المقابله عاديه و الاوراق الي طلبوها و قبلوني و المفروض ادوام من امس السبت بس انا خفت اروح لأنها مكانها ما ادري كيف ايش رأيكم
علما باني بحثت في الأنترنت عل اسم الشركة و عنوانها ما وجدت اي شيء
شكرا و جزاكم الله خير

يُنقل لقسم استفسارات القطاع الخاص ..

ذكرتيني باحدى المقابلات اللي اجريتها >> شكلي بسوي كتاب في الاخير عن مقابلاتي

كانت وظيفة كول سنتر و انا ما كنت عارفة انه كول سنتر
و رحت و كانت في العقارية ما اذكر اي مبنى بس قسم المكاتب و بعدين ندخل ممر طوويل
كاني رايحة غرفة في فندق
انا و الوالدة الله يطول في عمرها و انا امشي اقولها مستحيل اشتغل هنا قلبي انقبض

و فعلا ما كان فيه اي اسم على المكتب و لا شئ
دقيت الباب تفتح لي واحدة
و داخل فيه مكتب و غرفة اجتماعات و كل شئ
بس سبحان الله ما ارتحت و تعمدت اني ما انجح في المقابلة

يعني شركات زي هذي ايش حيضرها لو تحط لوحة واضحة و بوابة واضحة خاصة اذا صار فيها موظفات