غازي القصيبي: أنت الذي لاتفهم 000 رساله إلى مؤثرة إلى خادم الحرمين

نايفكوم · #1 (**permalink**) 26-02-2008, 09:26 PM

السلام عليكم ورحمه الله وبركاته

موضعين جمعتها لكم في موضوع واحد 00
..........

د- القنيبط للقصيبي: أنت الذي لاتفهم....(أنت رجل والرجال قليل يالقنيبط)

في أجرأ حلقة أشاهدها في قناة الحرة الأمريكية ( للأسف ) وأقول للأسف لاني كنت أتمنى أن تكون في أحد القنوات السعودية الرسمية , تحدث الدكتور القنيبط عضومجلس الشورى عن أسرار وخفايا تخص المجتمع السعودي خطيرة ومهمة جدا..

ساحاول أن أضعها في نقاط لمن لم يشاهد الحلقة :

# قال أن الكثير من الأمور لاتصل للملك عبدالله حفظه الله...

من ضمنها ان هناك تسعة كراسي شاغرة في مجلس الشورى لم يتم تعيين أعضاء فيها منذ سنة ..

# قال أنه منع من الظهور في التلفزيون السعودي عمداً بعد كتاباته عن سوق الأسهم وأسباب انهياره..

# قال ان جماّز السحيمي كان كبش فداء ..

# اتهم القصيبي بأنه لايفهم متطلبات السوق السعودي وانه غير كفؤ لهذا المنصب , وأنه أتى لكي يعيد امجاده التي فقدها وبأنه جاء للمملكة بعد غياب عشرين سنه في الخارج مما يدل على انه غير مهيّأ لمثل هذا المنصب..

# انتقد بشدة حضور القصيبي لمجلس الشورى قبل فترة لأنه لم يقنعهم إطلاقاً بإجاباته وأنه أحرج رئيس المجلس ..

# تحدث عن أخطاء القصيبي التي لاتعد ولاتحصى واستغرابه من بقاءه في منصبه بينما في الكثير من الدول يتم إقالة الوزير بعد خطأ أوخطأين ..

# قال عن القصيبي بأنه لايهتم بما يكتب عن وزارته ويتهم من ينتقده بأنه "لايفهم" , بينما مؤخراً قام بإلغاء أغلب القرارت التي أصدرها والتي كتب عنها الكثيرين منتقدين لها..

# قال ان تراجعات القصيبي عن بعض القرارات جاءت بعد خراب مالطا وأنه قد أصدر قرارا قبل عدة أيام بالسماح بإصدار أكثر من مليون وسبعمائة الف تأشيرة..

# اتهم الوزراء بأنهم " يلتفون" حول مجلس الشورى وأنهم يتلاعبون بالقرارت والأنظمة عند استجوابهم من المجلس..

# تحدث عن جامعة الملك عبدالله وقارن بينها وبين الـ(18 ) جامعة "الخائبة" , وكيف أن مستشاري الملك عبدالله حفظه الله يتلاعبون بالقرارت التي تهم الدوله وأنهم يحابون جامعة الملك عبدالله لأن الملك حفظه الله كان قريبا ومهتم شخصيا بالجامعة وانهم اختاروا لها مديراً اجنبياً وتركوا الكفاءات السعودية وكانه لايجد سعودي جدير بهذا المنصب..

# تحدث عن المدن الاقتصادية وقال انها " مشاريع ورقية "..

# تحدث عن البيروقراطية والفساد وضرب مثالا على شركة " زين " التي ستضخ المليارات للدولة بينما ظل قرار السماح لها بالدخول للسعودية لأكثر من سنة..

# قال أن مجلس الشورى اليوم يعتبر في أضعف مراحله التي مر بها..

# تحدث عن استضافة المجلس لوزير البترول وعند سؤاله عن احد النقاط التي جاء من اجلها أفاد الوزير بأن هذه النقطة سرية ولايريد التحدث عنها امام الصحافة والإعلام, وبعد عدة ساعات تصفح القنيبط احد المواقع في الانترنت فوجد كل مايتعلق بما قال عنه الوزير بأنه سري وخطير..

......................................

حقيقة اعجبت جداً بشجاعة هذا الرجل وعرفت أنه مُحارب من الكثيرين جدا لأنه قام بفضح الكثير من تلاعباتهم وفضائحهم التي تسببت في انهيار السوق السعودي للأسهم وغيرها الكثير ..

مثل هذا الرجل من الظلم أن يكون " مهمشاً " في مجلس الشورى , وهو الوطني والشريف الذي لايخاف في الله لومة لائم وهمه خدمة دينه ووطنه ومليكه..

أتمنى أن أرى اليوم الذي أرى فيه د القنيبط يتبوأ احد المناصب التي يفيد بها الوطن والمواطن ..

رسالة مؤثرة إلى خادم الحرمين الشرفين الملك عبد الله بن عبد العزيز

رسالة مؤلمة وصلتني انشرها كما هي

أوجه رسالة للوالد القائد خادم الحرمين الشرفين (حفظه الله وأطال في عمره)
من واجبات الأبووووه أن الأب يستمع لصرخات أبنه ويضمه على صدره وإذابة كل الآمه
والملك زي أبوي لاأحد يتدخل بين أب وطفله
أبشرك يا خادم الحرمين الأسعار مضبوطة
والمواد الغذائية متوفرة
ما نقصنا بس إلا الخبز يرفعون سعره لاتراهم رفعوة أمس
وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات أرتفعت 30 % الأدوية 25 %
تخيل يا خادم الحرمين جبن كرافت والمراعي السايل أرتفع طيب وش نسوي لبزارينا المشكلة يقدرون الكرافت السايل مع الصامولي يعني وش نفطر الطحين زاد والبيض زاد حتى الشابورة الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز أبو كاس أرتفع لا وأزيدك من الشعر بيت رزمة الكراث والبصل صارت بريالين شفت شلون حنا بنعمه
بس تكفى كلمة راس..؟؟؟
ما ودك.. تنزل رواتبنا شوي..؟؟؟ عشان.. نبني للأردن 70 ألف وحده سكنيه ثانيه!!!ونعطي لبنان مليار ونص دولار!!! ونرسل لمصر المعونه السنويه!!!ولايهون أهل المغرب اللي بعض المناطق الكهرباء ببلاش !!عشان الصيد يطلع لة طعم !!! أجل غزلان ببلاش !! وحنا ضبان وجرابيع وواجد علينا ناحسونا فيها...لا وصار فترة صيد يامال الفقر !!!ونرسل أعانة لساوث كالوراينا ونبني لهم مرة ثانية مثل أرامكو السعودية في نيوأورلينز!! اللي مازادت موظفينها شئ بس ترسل عيال الأجانب يدرسون ويتعالجون في أحسن الجامعات والمستشفيات وتتبرع لأمريكا بأكثر من مليارين غير بناء 2500 وحدة سكنية للمساكين وحنا آة من الحنا تراة غلا بعد يخلف اللة علينا ننتظر الله لايقول زلزال يمكن الجماعة يعطفون ويعطون فلل زي رعاة البقر وياقلب لاتحزن !!!
تعرف ماشاء الله حنا..؟؟؟ من كثر الفلل التمليك..؟؟؟ الناس صارو يأجرون ببلاش ممكن طلب طال عمرك.. أبي سلف 12000 ريال لأخر العطلة نبغى الفقع مبطين عن الفقع !!! يافقعي فقعاة؟؟؟ عندي دين أسدد فيه لي سنه ولا خلص.. كل شهر 500 ريال الله يرحم حالنا والله..أبشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير وشعبك بخير
الله يرحم زايد والعمر زايل اللي قال عز شعبك يعزك وربعنا ذل شعبك يمشي وراك بس ربك فوق ويمهل ولايهمل ياحسابات سويسرا وصفقات الطايرات الخربانة والمشاريع الوهمية
أحب أطمنك صرنا نسوي رجيم غصب عنا تعرف اللحم ما عاد نعرفه عقب ماذبحنا الكرم ألحين الواحد معاد عندة عشان يعزم حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا وتدور في النت توأم تفصلهم توائمنا ليش ينفصلووون صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا

أبشرك طال عمرك شعبك تطور أستبدل البكاء بطعم الملح؟؟؟ ببكاء بطعم الدم؟؟؟آآآآآآآآآآآآآآه يا حلو مذاقه ودك تجربه؟؟؟ أنا أقولك وشلون؟؟؟ نظف منزلك من حليب الأطفال!!!والبامبرز عشان تطلع الريحة صح وتعرف معنى الحياة نظف جيبك من الفلوس؟؟؟ نم ومخباك فاضي؟؟؟ خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى كلهم أنس أنك ملك وأرجع للبيت بتدخل على أنغام بكاء طفلك عندها ستحتقر نفسك وأنت عاجز عن أشباع طفل عندها ستلعن اليوم اللي أنولدت فيه عندها ستلعن اليوم اللي أنولد طفلك وصرت مسؤول عنه؟؟؟ عندها ستضمه وستبكي من القهر ستنزل دموعك وتحس بطعم الدم في حلقك وتستغفر ربك لأن الجوع كافر والطفرة طق أصبع وهبال على خبال والنتايج قريبة !! سوف يكثر الفساد والطمع والسرقة في عز النهار والقتل والقوي ياكل الضعيف تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم
ودي أقولك شي قبل ما أروح وأصيح تدري وش معنى الرجل يبكي قدام زوجته وأطفاله معناها تساقط كل قيم الرجولة والوطنية اللي تعلمناها في طفولتنا معناها إحساس المرأة بالأنكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة ما راح تفهمها..
أرسلها لكل من تعرف عسى أن يصل صوت المعاناه الى مليكنا
فيعرف مدى سعادتنا وفخرنا بوطنيتنا
وسلامتكم ودعواتكم لي
كلمة بسيطة تنقال في الشخص اللي احبه
(((للأســـف اني حبيتك))))

دمتم بود

أم الوظائف · #2 (**permalink**) 26-02-2008, 10:21 PM

مشكوووووووووووووووووووووووووووووور

وغازي يارب يجي اليوم اللي نتفك منه

brms · #3 (**permalink**) 26-02-2008, 10:24 PM

دولة تعز ولا دولة تهينك
جاينك ياقطر اقسم بالله لو أضمن واحد وحده مو مهم يتوسط لي عشان اخذ الجنسية القطرية والجنسية السعودية.......................................... ................