السلام عليكم ورحمه الله وبركاته

اخواني واخواتي اتمنى لكم التوفيق وتيسير الامور وان يرزقكم ربي من حيث لاتعلمون ..

اتمنى منكم مساعدتي بترتيب اوراقي ..
انا جالسه انسق مشروعي وحايسه وماعندي خبره كافيه
مشروعي معمل طبخ نسائي يعني استاجر شقه واجهزها كمطعم
لعمل الماكولات شعبيه وشاميه وغيرها الطلبات كلها توصيل
مافي محلي راح اعمل فريق تسويق من ثلاث مسوقات فقط
وعاملات النظافه ثنتين فقط والطباخات ثلاث وانا الرابعه

الادراه والمحاسبه راح امسكها انا احتاج منكم مساعدتي بالاتي :

موظفة التسويق انا حاطه في بالي ان راتبها يكون الف ريال ونسبه 5%
اسعار الطلبات راح تكون معقووله ورخيصه يمكن مثلا صحن المقبلات ب4-7-10
اقصد صغير وسط كبير طبعا االاسعار راح ترتفع بعد شهرين بس بالبديه عشان يتعرفو ع المطعم ومذاق الاكل .
الطباخات راح يكون راتبهم ثابت 2000 ريال هل راتبهم صح او عندكم ملاحظه عليه
كمان هل ممكن اقدر امسك لمحاسبه والاداره واطبخ ..ولا لازم اجيب موظفة محاسبه .
كمان الشقه كم ممكن يكون سعر الايجار السنوي .
والاجهزه ماهي الانواع وكم اسعارها .
التموين لاول مره اجيبها من وين وكم راح تكلفني تقريبا .
واعتذر كثير ع الاطاله .. اتقبل كل نصيحه وانتقاد دون الاساءه ../
واتمنى لو كنت سلكت طريقا خطا تصحيح مساري ../
وجزاكم ربي خيرا../

بسم الله ...

هلا بك اختي
أولا ياليت تتأكدي هل النظام يسمح بمثل هذا المشروع أو لا
ثانياً بالنسبه للاداره والمحاسبه التفصيليه فباعتقادي والله اعلم انه لا تستطيعين وحدكِ إلا في حال التفرغ التام
يمكنكِ الاداره وكذلك الاشراف على المحاسبه وليست المحاسبه عينها وبالنسبه للرواتب أشوفها معقوله وبالنسبه لإيجار الشقه فالله يعينك مرتفعه لاسيما اذا تبغين بموقع واضح الوصف ومميز واعتقد ما تحصلين اقل من 20 طبعا موقع كويس وسهل التوصيف بمدينة الرياض واحتمال تحصلين اقل عاد بتوفيق الله والاجهزه المعذره لا علم لدي فيها وقد يفيد في هذا المجال الاخوات او اصحاب المطاعم هنا وبالنسبه للتموين فمحلات الجمله كثيره واحرصي على عدم المبالغه في الشراء (الاكثار)

تمنياتي لكِ بالسداد والتوفيق

تاجرة الرياض


باختصار


الكلفة ؟ زيدي على ايجار الشقة 10 الاف ريال تكفي المشروع بالكامل وعلى مسئوليتي


الرواتب ؟ حسب الجنسية وحسب الاتقان والتمرس تعطى الرواتب اما التحديد من البداية مو حلو وكل ما زاد دخل المشروع ضروري تزيد الرواتب ولكل مجتهد نصيب


المحاسبة والطبخ والادارة ؟ يمديك بالراحة ليه انا اقولك


المحاسبة كلها الدعوة دفتر ين صدر ووارد

الصادر المشتروات وهذي بفواتير وكلها قص ولزق يعني تعبئة فراغات ساعة وانتي مخلصة منها اما باول اليوم والى باخر اليل


الادارة ؟ في البداية سهله ولا فيها تعقيد وتكليف يمديك تدريرين مشروعك وانتي تطبخين تاكلين تكتبين مو مشكلة بس في المستقبل اذا تطور الشغل وتوسع النشاط لابد من تفرغك للادارة


موظفة تسويق ؟ اذا سعودية مو مشكلة اذا اجنبية ما يحتاج ولا هي ضروري

كم منشور وكم كرت وكم عرض وشوي اتصالات وتعاون مع الاقارب وصرتي مشهورة وهنا بيجيك الشغل الى حدك



بس اهم شي جربي قبل البداية


يعني حاولي تسوين عزومة عندك بالبيت وتكتبين جميع الاصناف اللي بتقدمينها وتسوينها بالعزومة ويكون معك الاستاف اي الكادر

وشوف تقدرين تخلصين جميع الاصناف في الوقت المحدد وبالكمية المحددة


وشوفي رد الفعل عند اللي جربو شغلك ووشوفي وش رايهم ولو تطلبين تقييم من كل اللي جربو الطبخ يكون احسن مثلا


وش رايك في الكبسة مثلا


من ناحية الرائحة تستحق ؟؟؟؟ من 10
من ناحية المذاق ؟؟؟ من 10
من ناحية التقديم ؟؟؟؟ من 10
وكذا


على العموم الله يوفقك وويييسر امرك ويعينك



ويرزقك الرزق الحلال

وين الباقي ليه مافي ردود ..

اتمنى الي عنده مطعم او وحده تبيع اكل من البيت

يوضحون لي استفساراتي ..