اسمع هالحكمة وانا خوك وبإذن الله راح تذهب عنك الحيرة :
لو كنت تمشي في بر وأنت جايع .. المهم شفت لك خبزة بر على الطريق ؟ ولكن أنت حاسب حساب مفطح في ديرة احتمال توصلها بعد كم ساعة واحتمال تكون مهيب موجودة على الخريطة .. وش راح تسوي ؟؟
خذ خبزة البر وحطها في جيبك , وواصل المسيرة فإذا وصلت الديرة اللي فيها المفطح ( ارم الخبزة)

يعني لا تترك هالوظيفة مهما صار .. والجايات أكثر بإذن الله وفيه مفاضلات أخرى من حقك تقدم عليها حتى لو كنت موظف على مفاضلة سابقة. لأنك تطالب بمرتبة أعلى وهذه من شروط الدخول في المفاضلات بالنسبة للموظفين.

الله يجزاه بالجنة كل من رد ويوسع له رزقه ياكريم , ويسعدك يالغالي بو تمم كلامك والله نورني ولايهون الجميع
احتاج معلومات واراء من اخواني العائدين من الابتعاث هل احد في نفس موقفي حتى يفيدني ,,, او على الاقل نستفيد برايكم
والشئ الثاني اللي باشر في الوظائف الادارية اخواني يفيدني بالاجراءات المتبعة
الله لايهينكم ويرفع قدركم

انا مثلك ,, خريج بكالوريوس نظم معلومات من جامعة الامام ,, ومعي دورات ومعدلي يبيض الوجه ,, وجاني التعيين بالوظائف الادارية وعلى المرتبه السادسه ,, لكن ّ الى الآن موقفي الرفض منها لأنها اقل من المرتبه المستحقه + انت عارف التعب في هالتخصص والوثيقه ماجات بالساهل وبعض الردود بالادارية تخصصاتهم ماهي حاسب وهم اللي يستاهلون يفرحون فيها واكثرهم يدافع عنها وهذا من حقهم ,,

بكره راح اتجه للخدمة المدنيه واستفسر ,, اذا هالوظيفه اقدر اخذها مؤقتاً ماعندي مشكله بمعنى لو جا تني فرصه بهيئة او ادارة او بنك حكومي او اللي مثله ,, هل اقدر انقبل فيها بدون مشاكل او الوضع فيه اجراءات !


والله يوفقنا ويرزقنا على تعبنا

السلام عليكم
انا رايي تقبل بالوظيفه وتقدر تقدم بعدين على وظائف اخرى واذا جتك وظيفه افضل تسوي نقل خدمات
ومنها يكون معك خبرة هذا بحد ذاته يكفي وترى لو قبلت بهذي الوظيفه عادي تقدر تقدم على وظايف حكومية اخرى وانت على راس العمل وتسوى نقل خدمات
ولاتنسى الاستخارة اهم شي والله يكتب لك اللي فيه الخير

اعذرني ع الاسلوب مقدما مودي زفت
بس والله اخاف تروح منك الوظيفه عشان كدا برد
اول شي لاتقارن هذا الراتب برواتب غيرك قارنه بوضعك اللحين 6000 بالشهر ولا 000 بالشهر ؟؟؟
انا رايي انك تقبلها وتبحث عن الافضل موتتركها ....ولا تقبلها وتوقف طموحك
واتمنى لك مانه مرموقه كما تستحق

السلام عليكم
بالمختصر المفيد من الظلم ان ترضى بالمرتبة السادسة وانت تستحق الثامنة
وبذات انك كنت مبتعث وجربت العناء والتعب الي طير وشيب شعر روسنا,الا اذا كنت في اليمن او السودان فهادى شي ثاني!
انته تخصصك مناسب لكثير من الشركات وبخاصة البنوك وشركات التامين ادخل عليها وعب الابلكيشن وايضا مواقع التوظيف العالمية وصدقني رح يجيك رد سريع رواتبها ماتقل عن عشره غير البدلات للماستر. صحيح انها كرف بس فيها امان ومع الوقت رح تتعود واضمنلك بعد سنتين توصل العشرين زي غيرك واسئل وتاكد من الف واحد.

من واقع تجربتي ماستر قانون من امريكا اشتغلت من ثاني شهر رجعت فيه بخمسه الاف ريال في مكتب صغير كتجربه ليه ولصاحب العمل والشهر الثالث رفع راتبي لعشره ومازلت ابحث عن عرض افضل.
لاتفكر في العمل الاداري على المراتب ابدا اما محاضر ولا السوق قدامك وتاخذ قد ماتعطي.

وللعلم انا قبلت علا المرتبه السادسه قبل اربع سنين بالبكالريوس وتركتها وماني ندمان ولا واحد في الميه

الله يعطيكم الف عافية لردودكم

اخواني اللي قالوا انه ممكن اقدم على الوظائف التعليمية وانا على راس العمل في الوظيفة الادارية مثل الاخوان مووعوود وقهوة مرة ... هل ممكن تفيدني متى كان القرار او اذا كان له رابط خبر في موقع وزارة الخدمة المدنية الله يعافيك ؟

لانه انا رحت لادارة التربية والتعليم وقابلت رئيس قسم التوظيف وقال لي انه "لايحق لك ان تقدم على الوظائف التعليمية اذا باشرت وظيفتك الادارية وغير كذا انه مو معروف متى يتم اعطائي المرتبة المستحقة فيها .... فقلت له والحل ... قال اذا تريد الوظائف التعليمية اذا لاتباشر الوظيفة الادارية " والله العظيم انه هذا كلامه واليوم رحت له

يااخوان انا الى الان ماباشرت مو عارف الوضع فيها ,,, بصراحة اذا راح انحرم حقي في الوظائف التعليمية فوق ماانا محروم من وظائف اكاديمية بسبب هالوظيفة الادارية فنتركها والشكوى على الله ....

انا يااخوان مااتكبر على الوظيفة اللي جاتني ونويت اباشرها كوظيفة مؤقته حتى القى افضل منها ولكن صدموني اليوم بقولهم انه اذا باشرت وظيفتي الادارية فلا يحق لي المطالبة بالوظائف التعليمية ,,, بالله مو ظلم؟؟

الاخوان اللي في مثل حالتي او اللي باشروا او عندهم اخبار من ادارة التربية والتعليم بشان هذه الوظائف فأرجوكم بالله عليكم ان تفيدوني الله يوسع عليكم رزقه

تحياتي الطيبة لكم

حسبي الله ونعم الوكيل ,,,
والله يااخوي جامعي طفران واقولها لكل اخوني العائدين من الابتعاث او لديهم شهادات جامعية وعاطلين ... ياجماعة الخير لايجب ان نرضى باقل من حقنا ,, لانريد الا حقنا اللي يكفله النظام ....
والله الذي لااله الا هو اني ارسلت اوراقي لاحد الجامعات حتى اعمل كمحاضر ولكن وبكل اسف قالوا مانقبلك لان البكالوريس تبعك هو من كلية المعلمين !والمواد المطلوبة في التخصص اقل من المطلوب , ,, اقسم بالله ان هذا رد رئيس قسم الحاسب في الجامعة وفي جامعة اخرى ايضا قالوا لي ان اوراقك راح تتأخر دراستها شوي ,,, ليش ؟ لان البكالوريس كلية المعلمين !!!!!

!! طيب وهل كلية المعلمين كلية ليست تابعة للتعليم العالي؟ هل انا اللي وضعت الخطة الدراسية وقررت المواد اللي ادرسها ؟! عجبي

ثم ان نسبة المواد التي تعتبر تربوية بحتة او عامة هي تقريبا 34% و66% كلها مواد علمية بحته او مواد تخصص مشتركة مع طلاب قسم الحاسب وتقنية المعلومات !!!
درست رياضيات محدودة , احصاء واحتمالات , تفاضل وتكامل , جبر خطي , شبكات 1 و2 وقواعد بيانات وبرمجة بلغة سي وتظم تشغيل وتقنية معالجات وصيانة الحاسب وذكاء اصطناعي وغيره وغيره وغيره !!!! ومعدلي فيه فوق الـ 4 وهذا غير مواد الماستر التي هي مواد حاسب بحتة جدا جدا وهي 16 مادة !!!!!

لماذا هذا التمييز ؟ انا بالبكالوريس ابتعثت وحصلت على ماستر ايضا فهل اصبح البكالوريس تبعي غير مرغوب الان

هل الحل اروح ارجع ادرس بكالوريس من اول وجديد حتى ينال اعجاب مسؤولي التوظيف ؟؟؟ هل ابحث من جديد في الجامعات بشهادة الثانوية التي مر عليها حوالي 9 سنوات ان ابحث على بكالوريس من اول وجديد ؟؟!!! ومن سيقبلني اصلا الان

اقسم بجلال الله ان هناك من زملائي في البكالوريس ومن نفس التخصص ومن كلية المعلمين وهم تعينوا معيدين في جامعات وابتعثوا لدراسة الماستر والدكتواره بل وقابلتهم في بلد الابتعاث الذي كنت فيه والله اني لااحسدهم الله يوفقهم ويرزقهم ويرزقنا ولكن بالله ليش التمييز وايش اللي حلل لهم وحرم علي انا ,,, وانا الان عدت بماستر ومو عاجبهم

يامسوؤلين ارحموا عقولنا !!!
على الاقل ادخل اي اختبارات يرونها في الجامعات واذا لم اثبت جدارتي فانا مقتنع تماما وسأغادر من الباب الواسع ولكن ان يكون هذا التمييز لاسباب واهية والاجنبي يسرح ويمرح في جامعاتنا وربما بشهادة مزورة .... لا وكمان ان تعلن احد الجامعات عن وظائف لغير السعوديين وبالبنط العريض في ظل وجود خريجي شهادات عليا عاطلين فهذا والله اكبر المصائب ولاحول ولاقوة الا بالله العلي العظيم