[align=center]
[align=center]
السلام عليكم ورحمة الله وبركاتة
[/align]

طبعا انا موظف ولاكن براتب بسيط جدآ مع ان شهادتي جامعية بس يلا ماعليه ,, بصراحه ابي مشروع لو ببداية بسيطة بحث يكون لي دخل طيب منه . .

طبعا واحد من الشباب قالي وش رايك في موقع تسويقي مثلآ وانت تكون راعيه وكل شي بيدك وانت تديرهـ الموقع ,, ,,



الي ابيه منكم تكفون عطوني رايكم في هالمشروع !!!

كم يكلف إنشــاء الموقع ؟؟
وكيف انشر الموقع لو سويته ؟؟
وش العيوب والمميزات ؟؟
وكم النسبة الي اخذها على الشي المباع من خلال الموقع ؟؟؟
وكيف اضمن حقي من الاشياء المباعه ؟؟



تــكـــفــــــــووون لآ تحــــــرمـوني مــشــــووورتـكــم
[/align]

الله يعطيك الف عافيه اخوي " انا سعودي " بس ودي اوضح اكثر الموقع الي يقصده انه يكون موقع تسويقي يعني للكل ( الي يبي يعرض للبيع / سياره - ارض - فله - اجهزه وكل شي ) وراح يكون فيه اقسام يعني مثلآ / قسم للسيارات - الاجهزه - العقار .... الخ , طبعا ممكن اقولك مثال مثل موقع حراج وغيره .. يعني الموقع مفتوح الي بيسجل ويعرض الي الي يبيعه وبيكون فيه مثلا نقول < قسم وتعهد ان يحول للموقع نسبه 2,5% من قيمه البيع > ومثل ماقلت يعني يبي له وقت على ماينشهر الموقع بس اقدر انشر الرابط في الشاتات وغيره ..


انا جامعي تخصص تربيه فنيه ( لي خبره في الرسم و تصاميم المجلات والشعارات وغيره ..)

ياحسافه

ربي يوفقك ويفتحها بوجهك ويرزقك من حيث لا تحتسب

انت طلبت المشوره وهذا شوري والاختلاف في الاراء شي طبيعي

اسمع وانا اخوك


تكلفة انشاء موقع ماراح يكلف الشي الكثير طبعا مساحة 2 جيجا - حجز مساحه دومين 50 ريال - استضافه سنويه

600 ريال طبعا ال 600 ريال كان عندي موقع اسلامي حتى ال 600 ريال كان مبالغ فيها وفي اقل من هذا السعر وفي اكثر منه

اعتقادي مع تصميم بسيط مايكلفك حدود 1500 الى 2000 ريال


لكن السؤال هل المشروع مجدي او لا

الارزاق بيد الله عز وجل ومحد يدري رزقه وين

لكن السؤال كيف تظمن حقك - فردي مثل ماقال لك الاخ انا سعودي الضامن هو الله مافي ضمان ابدا

البايع رااح مثلا يعرض رقم جواله والمشتري بيتصل عليه وهذي من الاشكاليات وحقك راح

لكن ممكن تكون في عضويات باسعار رمزيه لاعضاء تجار يعرضو سلعاتهم عندك تفرض عليهم مثلا بالشهر 100 ريال

طبعا هذا الكلام راح يبي له فتره الين يكبر الموقع

في سلبيات بالمشروع

اولا انت بحاجه الى اشهار الموقع وهذي سهل تحط موقعك في مواقع اشهار المواقع او حتى يتكفل بها صاحب الاستضافه

لكن السلبيه الاكثر اهميه هو ان الموقع بحاجه الى اعضاء وزوار كبير عشان يكبر ويمشي الموقع ويبي له جهد ممكن

لسنتين ثلاث

وانت بحاجه في هذي الفتره لزيادة دخلك وهذا المشروع في حالة نجااحه يبي له سنتين ثلاث وراح يكلفك جهد كبير ومتابعه

وبكذا اقل شي يبي لك اربع ست ساعات متابعة الموقع يوميا فانا اشوف لو تقضي هالاربع الست ساعات في مثلا تشتغل

لموزين افضل بكثير ومردوده كبير وسريع

اسال الله ان يوفقك لما هو خير لك وان يرزقك من حيث لا تحتسب

بارك الله فيك

مشروعك منتاز وشوف بعض الربع حطموك وصعبوه شوي المسأله سهل ومشروع ومنتاز جدا اذا كان عندك استعداد تقوم بنفسك صدقني رايح ينجح وتبعد الحياء وتعمل في بسكات البدايه رايح تكون في المجان لان تصميم المواقع غير مكلف ابد زي حراج وغيره وحراج اللمملكه وغيره اول شي تروح للمعارض الي عندكم وتنقي السيارات الحلوه وتستاذن من العامل الموجود وتصورها وتضعها في موقعك والسعي للمعرض اذا اراده احد ارسله للمعرض وذهب لسوق الخميس والجمعه وخل احد العماله يصور لك السيارات المعروضه في الساحه بعد الاذن من صاحب السياره وضع رقمه ويتصلو عليه حتى يشتهر موقعك وكذلك صور قطع غيار مكائن وغيرها وعرضها لديك حتى تشتهر البدايه تبي صبر سنه لاتسأل عن الدخل نهائيا ارجو ان اتضحت فكرتي

الله يعطيكم الف عافية ياشباب ماقصرتو بمشورتكم .. والله يحفظكم ويرزقكم والله شجعتوني وحمستوني ..

اخوي القلعة التجارية مالي في الموزين وتعرف هالايام كثرت مشاكلة ,,

طيب ياشباب ابي الحين اعرف كيف اضمن حقي بالشي المباع !!!

* هل احط صفحه تعهد وقسم يوافق عليها المشتري (بوضع علامة صح وموافق قبل الدخول للمعروض ) اذا تمت البيعه يحولي نسبة الموقع 2,5% من قيمة البيعة على رقم حساب الموقع ..

لا تحرموني من مشورتكم الله لا يحرمكم الرزق

لا تحرمونـآ من مشورتكم ياشباب بانتظار ارائكم ومشورتكم بااسرع وقت ,, الله يوفق الجميع يـآآآآرب

[align=center]اخوي يا حسافه حياك الله يالغالي ...
بكل صراحة يااخوي فكرة انك تضع نسبة من كل صفقة شيلها من بالك
والمواقع الي تضعها الصراحه بوجهة نظري فاشلة الانترنت مفتوح للجميع
واكبر مواقع العالم الي زوارها بالملايين مش عاملة هذا الموضوع واعتقد بيكون
اعتمادك على الربح على الاعلانات والاعلانات المربحه الى هو اعلانات الفوريكس وهي
اكثر الاعلانات الظاهرة على قوقل ادسنس اعتقد والله اعلم انها حرام وتقدر تتاكد بنفسك
لكن ممكن تعمل فلتره لها وتعتمد عالاعلانات الاخرى واعلانات الشركات والمواقع وغيرها ....
واذا تبي نصيحتي كأخ : مواقع الاعلانات المبوبة انتشرت بشكل كبير جداً في الاونه الاخيره وانصحك ان تبتعد عنها الا اذا كان لديك شيء جديد ومميز جداً يمكن ان تضيفه توكل على الله وابدا المشروع والله يوفقك ان شاء الله[/align]

[align=center]
هلا وغلا اخوي تاجر مبتدئ
بس بوضح لك النسبة حقت الموقع انها موحده يعني مثلا 1,5 او 2 % سواء المباع غالي ولا رخيص
وبيكون فيه طبعا اعلانات لشركات او معارض وغيره

بس اعلانات الفوريكس هذي ماعرفها والله ؟؟؟ ياليت توضحها لي اذا امكن..
[/align]