السلام عليكم ورحمة الله

مابي أطول عليكم. للأسف أنا واحد من خريجي برنامج خادم الحرمين للابتعاث الخارجي. متخرج من أمريكا ومعاي ماجستير شبكات وأمن معلومات. معدلي ممتاز. اللغة ممتازة والحمدلله. كل شي تمام. طبعا توقعت مثلي مثل أي مبتعث أنه أول ماأرجع للسعودية راح ألقى الوظيفة اللي تناسب مؤهلاتي. بس أفكر وش أختار!!!
الواقع مرير الصراحة وسيء جداً لأبعد حد. متخرج من رمضان اللي راح وللحين عاطل عن العمل. بدون وظيفة. ماخليت مكان ماقدمت فيه شركات جامعات وظائف حكومية. عن طريق النت أو زيارة موقع الشركة اللي أول ما أجيهم اسمع الرد التقليدي (قدم عن طريق الموقع) وأقدم وإلى يومكم هذا. حتى حافز قدمت عليه ورفضني بسبب إني كنت برا المملكة "خلال الاثنا عشر شهر الماضية" :S!!!!!!!!!
من جد شي يقهر. مع أني حاب تخصصي ومبدع فيه والحمدلله.
ماخليت أحد ماكلمته لدرجة أن بعض الناس اللي عرضوا علي واسطتهم (للأسف لازم واسطة) صاروا يتهربون مني ومايردون.
بغيت أحط عرض بالسي في (تجربة شهر مجانا!!) عشان اثبت نفسي لهم....<<<<<<يمكن اسويها
الوضع كلما له يتدهور أكثر وأكثر.......وش الحل؟
اعذروني هذا مو اسلوبي لو تعرفوني بس واحد من الاسباب اللي خلتني أكتب هو عشان افضفض قبل لا أنفجر....
ابي حل وشاكر لكم مقدما

اي منطقة اخي الكريم؟

على العموم في تقديم محاضر بجامعة شقراء باقي عليه كم يوم ويقفل التسجيل
سجل فيه أو حتى معيد
دآم معدلك ممتآز أن شاءالله يقبلونك ~

شكرا على الرد..
هذا ايميل وصلني لما كنت بامريكا:
ترغب جامعة شقراء في إستقطاب المتميزين من خريجي برنامج خادم الحرمين الشريفين بالولايات المتحدة الأمريكية، وترشيحهم للعمل كأعضاء هيئة تدريس ومن في حكمهم بجامعة شقراء، وعلى الراغبين تزويد الجامعة بما يلي:

· التخصص العام والدقيق للدراسة.
· الجامعة التي تدرس بها حالياً.
· برنامج الدراسة: بكالوريوس أو ماجستير أو دكتوراه.
· التاريخ المتوقع للتخرج.
· معلومات أخرى تسهل التواصل مستقبلاً.

على الطلاب والطالبات ممن لديهم رغبة بالعمل بالجامعة، التواصل مع سعادة الدكتور مساعد العبدالمنعم على البريد الإلكتروني التالي:

Recruit-su@hotmail.com

لا انا ولا اللي اعرفهم ردوا عليهم... نفس الكلام ينطبق على جامعات ثانية مثل جامعة المجمعة وغيرها

عموما أنا سجلت بالموقع هالمره وان شاءالله تكون هالمرة غير

الله يوفقك يالغالي ويسهل عليك

جد شي يقهرر

لاتتحطم ولاتمل انت واثق من قدراتك شف قطاع خاص

الله يوفقك بالوظيفه ويوفقني معك

مستشفى الحبيب في العليا طالبين موظفات وموظفين كثير وبيكون التوظيف في فرع الجديد في التخصصي قدم عندهم

موفق بإذن الله ... لك مني أجمل تحية .

مشكورين على الردود
والله يوفق الجميع

اخوي صدقني لو انك ممتاز في الشبكات تعال المدينة زيارة بس وقدم على فنادق المركزية راح تشوف عليك الطلب كيف اقل راتب 6 الاف اتوقع تصدقني راح تكفيك كبداية وبعدين اشتغل في كم فندق شبكات

عندك سابك او أرامكو اذا انت بالشرقية و أرامكو افضل طبعا