السلام عليكم ورحمة الله وبركاته
انا قصتي قصه سجلت بحافز سويت تحقق من الاهليه وفجأه طلع اسمي موجود بسجلات احدى الجامعات واللي يقهرك اني فاصل من 2008 من جامعة حائل يعني اكثر من 3 سنوات واسمي موجود بالجامعه واللي يقهرك زياده اني رحت الجامعة بحذفه رحت لهم وقلت انا فاصل من 2008 واسمي عندكم احذفوه قالوا حاضر حبيبي هات شهادتك من البيت رحت جبتها وحذفوه وارسلوا لحافز رساله ع الايميل قلت شكرا رحت وبعد اسبوع سويت تحديث فجأه طلعلي اني طالب ولازم انتظر 6 شهر من سحب الملف اللي يقهر اني ساحبه من 2008 لكني اعتبرت وللاسف اني سحبته وفصلت قبل سبوعين يوم احذف اسمي من الجامعه بالله شريكم يعني خطأ من الجامعه الزفت يخليني انتظر 6 شهور مع 3 شهور حقت الاعتراض ع بال مايتصلون علي يعني 9 شهور والله هذ1 اكبر ظلم بعينه ياجامعة حايل .!

والله يقهرك زياده سويت تحديث قبل اسبوعين طلع لي بخانة الضمان 2306 ريال .!!!!!!!!!
وانا ماستلم ولا ريال وانا اللي بيجي لي اصلا اذ1 كنت مسجل 200 موب 2306.!!!!!
مع العلم ان اختي نفسي بس ماطلع لها شي وجالها حافزززززززززززززززز

الحين انت فصلت من الجامعه بدون سحب ملفك

طيب وش الشهادة اللي جبتها..؟؟


هل انت متخرج والا سحبت على الجامعة بدون ما تسحب ملفك..!!

الله يعينك اصبر ثلاث شهور وبعدين سجل بالحافز

شوف ياخوي دام رحت وسحبت ملفك واخذت اخلاء طرف امورك تمام

اتصل عليهم وقدم اعتراض
وقول انا ساحب من 2008 وانتم حاطين انتظر 6 شهور ليه..!!
وازعجهم وخذ رقم طلب عشان تتاكد انهم رفعو لك طلب

على العموم هم يقولون الاعتراض ياخذ 90 يوم ولكن شغله الطلاب يعدلونها بسرعه
وباذن الله تنحل مشكلتك بسرعه لانه يتسجل بالجامعه انك ساحب من 2008 ما يخفى عليهم

الله يعينك من جد حاله

الله يعينك
وعلى فكره فيه قضايا فساد بالطريقه هذه
طلاب كثير فاصلين او متخرجين من فتره
لكن في نفس الوقت تُصرف لهم مكافاءت وطبعاً المكافاءت يكون لها هوامير تحصلهم في كل الجامعات

وخوفك انك من 2008 وانت تصرف لك مكافأه