27-03-2012, 05:50 AM
|
عضو جديد
|
|
تاريخ التسجيل: Mar 2012
المشاركات: 3
معدل تقييم المستوى: 0
|
|
السلام عليكم ورحمة الله وبركاته
يؤسفني اني اقول ان والله ويشهد علي رب الكعبة انا ماسجلت الا عشان احذركم من هدولا الناس الكذابين
زوجي اتصلوا عليه قبل اسبوعين وقالوا له مقابلة شخصية على وظيفة مدير استقبال وعمل المقابلة وقالوا كل شي تمام تعال بكرا
قابل المدير ويروح تاني يوم في الموعد ويقابل المدير وكل شي تمام على وظيفة مدير استقبال وقاله راتب 4000 ريال قابلة
للزيادة وقال طيب مو مشكلة قاله المدير خلاص احنا نتصل فيك وبعد اسبوع كلموه عشان يعبي استمارة توظيف وقابل المدير
تاني واذا بقدرة قادر الراتب يصير 3000 ريال طيب مو كان 4000 ايش اللي اتغير رد عليه المدير لا معليش اول كانت غلطة قال زوجي مو مشكلة
خير وبركة جهز الاستمارة وتركها وبعد كم يوم بالتحديد السبت الماضي يعني قبل يومين اتصلوا به قالوا له بكرا دوام
فرحنا واستبشرنا خير وراح الاحد يداوم سأل عن قسم شئون الموظفين وجاه واحد قاله انت فلان اتفضل معايا بس العمارة الثانية مافيها موظف
ونبغاك تغطي لانه في لجنة عشان السعودة وقال زوجي اتوكلنا على الله وراح غطى كموظف استقبال مو مدير وبعد ماجات اللجنة
وانتهى الموضوع جاه واحد تاني قاله يلا نرجع المبنى الرئيسي نكتب العقد ونعمل البصمة واثناء قراءة العقد وفي نهايته
وبخط صغير الوظيفة موظف استقبال براتب 2000 ريال وبعد شهر تصير 2500 وعند الرجةع للمدير للمناقشة
السكرتير قاله المدير مايقدر يقابلك بس هذه الوظيفة المتوفرة تبغاها اوكي ماتبغاها دور غيرها! !!!!!!
هذا ماحصل وبكل امانة نقلته من حرقة قلبي منهم بعد مافرحنا واستبشرنا خير لكن
حسبي الله ونعم الوكيل فالناس ليست اداة ولعبة لتغطية تلاعب الفندق مع لجان السعودة ومكتب العمل
والكذب على الناس والتلاعب بمصيرهم نهايته سيئة
نصيحة لا تروحوا لهذا الفندق ولا تقدموا فيه
|
العرض العادي
