يا بنات أنا مو خايفه إلا من مشكلة المقابله الشخصية

لأن الموظفه تقول ممكن يسوون لك المقابلة رجال أو حريم أو رجال وحرمة ..ترا هذا طاقات اللي بمكة طبعا

والوظيفة مصنع وايش الاسئله اللي بيخترعونها يعني .. وبصراحه المفروض نوقف لهم على هذي الحركات الله يكفينا شرهم بالغصب ولا بالطيب يبون الاختلاط ساري المفعول في مناطق اللمملكة. يعني صعبه والمفروض أنه الحريم هم اللي ييوم المقابلات الشخصية للبنات والله مسخرة بصراحه
وانا بروح اسحب أوراقي من عندهم .. اروح افرفر على المدارس وأماكن التوظيف أبرك لي

قاهريني في حركة المقابله الشخصية

السلام عليكم ورحمة الله وبركاته .

ممكن إستفسار وصلتني رسالة في حافز أنه لابد أذهب لفرع طاقات وحاطين لي رقم
إتصلت عليه أسبوعين ما يردون .

وجاني يوم إتصال ورسالة من رقم تلفون ، ورجعت أتصل عليه بلغتني إن لازم أروح لهم في مركز طاقات اللي في الرياض اللي في العثيم مول تقول وجيبي شهاداتك ومؤهلاتك .

إستفساري هل لابد أروح ؟ وإلا بيخصمون عليّ حافز؟ وخصوصاً لسى مانزل لي ؟
وهل ينفع أروح لفرع ثاني لطاقات وإلا نفس الفرع اللي قالت لي تعالي له ؟

وهل فعلاً فيه وظائف للجامعيات واللي شهاداتهم ومؤهلاتهم كويسة وإلا مجرد أشياء عالفاضي؟

ياليت تفيدوني أو تقولون لي تجاربكم وبكون شاكرة لكم .

الله يعطيكم العافية

أي فعلا حتي أنا قالت لي انتي تخصصك تربية أسرية وتخصصك هذا بيكون في المصانع ....نعم نعم نعم ..فيس مستغرب ..... يعني بالعربي الفصيح يبون يمشون حكاية السعودة علينا ويبونإ نشتغل غصب في المصانع ويبونا نختلط غصب مع ال جال في الأسواق ....الله يكافينا شرهم

طاقات مرسلين لي وظيفة كاتبة أستعلامات سياحية
شركة الباب السابع لخدمات الحجز الالي المحدودة

هذه الشركة وين موقعها وهل أحد يعرف عنها شيء ؟!
قدمت عليهم من شهرين ولا ردوا علي والحين أرسلوا لي من جديد !

قدمت مرة ثانية ومكتوب :
عذراً، لا يمكنك تسجيل الدخول إلى موقع طاقات للتوظيف الالكتروني وذلك لأنه تم تحويلك لاحد مراكز طاقات للتأهيل والتوظيف القريبة منك والذي سيتواصل معك لاحقاً.
لمزيد من المعلومات نأمل زيارة موقع مراكز طاقات

هل معناته لازم أروح لهم ؟!

حسبي ونعم الوكيل فيهم