خيتوو مرسم الامال

تقدرين تروحين لاقرب مركز طاقات وتقدمين لهم السيره الذاتيه

عشان يلقون لك وظيفه وتبلغينهم انك مسجله في حافز

وتعطينهم البيانات اللي انتي تبينها مكان العمل بعيد او قريب وكم تبين الراتب وطبيعه العمل اختلاط او لا

او انك تنتظرين منهم رساله عشان تروحين لهم

وهم صايرين يفتحون مراكز طاقات حتى بالمجمعات انتي اسالي عنهم يمكن يكون قريب منكم وانتي ماتدرين

السلام عليكم ورحمة الله وبركاته
أختي رغد الحياة
ارسلو لي لقاءات على ايميلي مرتين في يومين ورى بعض

وهذا نص الرسالة

لقد تم إختيارك لحضور فعاليات برنامج’"لقاءات" للتوظيف. إحدى المبادرات المشتركة بين وزارة العمل و صندوق تنمية الموارد البشرية.
لكي يتسني لنا إكمال إستمارة التسجيل الخاصه بك و إرسال الدعوة الشخصية لحضور ملتقى "لقاءات" للتوظيف الرجاء الدخول لحسابك الخاص بالنقر هنا مستخدما المعلومات التاليه
البريد الإلكتروني:.........
كلمة المرور:.......
لن يستغرق إكمال الخطوات أكثر من 5 دقائق بعد ذلك سوف يتم إرسال الدعوة الشخصية الخاصة بك لحضور ملتقي "لقاءات " مرفق بها معلومات إضافية لحضور الملتقى.
الرجاء الإنتهاء من تعبئة طلب التسجيل بأسرع وقت ممكن حتى يتسنى لنا إرسال الدعوة الشخصية.
مع اطيب التحيات.
فريق لقاءات
.
لقاء الطاقات و تجاوز التحديات


المشكلة الرابط حقهم ما يفتح عندي حاولت بكذا طريقة ايش اسوي الحين كيف ادخل واكمل الإستمارة؟

الله يساعدكم ساعدوني وجزاكم الله خير.

انا اليوم وصلت لي رساله من طاقات اني احضر لهم معاي الهويه والسيره الذاتيه

ممكن اعرف معلومات من اللي جاتهم الرساله وراحوا ..

حبيت اسال اللي حضروا برنامج لقاءات واعملوا اختبار كيف نعرف نتائجنا ..

او هو برنامج بس على الفاضي

بالتوفيق حبيبتي

انا صار حكاية مع ذا الطاقات ؟؟ اتصلوا علي و كلمتني الموظفة بسرعة سألتني عن اسمي و مؤهلي و فيه وظائف كول سنتر قالت لي تناسبك قلت لها اختلاط ما ابغا إلا ع طول قالت اوكي طيب مع السلامة ؟؟؟؟
ما عرفت ايش وضعي المهم رجعت دقيت عليها و استفهمت قالت لي تعالي بكرة و ادتني موعد رحت لهم كانوا جيدين لا بأس و قابلت مشرفة حاولت تقنعني بالكول سنتر و انه بنات معهم ماجستير و يشتغلون ؟؟؟
المهم انا مؤهلاتي جامعية تربوية و اترمي ذي الرمية
المهم الموظفة قالت لي لو طنشت راح نشيل اسمك من النظام لكن مالنا صلاح ب حافز كذا او كذا حافز بيستمر معاك سنة كاملة احنا شركة منفصلة و كل اللي نسويه ناخذ فقط اسمائكم و ارقامكم و نعرض عليكم الوظائف و مالنا دخل ب قطع الإعانة ؟؟ مدري كلامها صحيح و لا ؟؟؟لأنها ساعة جالسة تأكدلي كان عندي موعد السبت و عيالي مرضوا و ماقدرت اروح و بأشوف بكرة

و سؤال ثاني لما جيت بأطلب راتب 4000 ضحكت و قالت لي مافي و انتِ ما عندك خبرات و من هذا الكلام و اقنعتني اطلب 3000 هل اقدر بكرة اقولها غيري؟؟

عجبي جامعية تربوية و اخرتها كول سنتر