بسألكم الحين اذا تقدمت للوظائف من نفسي بدون مايعرضونها علي
تحسب علي الفرص المتاحه من طاقات والا ايش

السلام عليكم
اليوم جتني رساله على الجوال من طاقات......مع العلم ماعمري دخلت على موقعهم ابدااا

نص الرساله/ كفرصه اخيره لالتحاقك في برنامج طاقات للتوظيف لديك موعد السبت القادم الساعه 12 ظهراا احضر هويتك معك

حابه اعرف وين مكان طاقات الرياض

وشكراااا....

اذا عرضوا علي وظيفة ووافقت عليها عن طريق الموقع
هل يتم التوظيف بسرعه ولا كيف واذا رفضتها هل تعتبر من الفرص

وش صار ع برنامج عاجز ؟؟
ولا صار طي النسيان !

والله انا من يوم عرفت حافز وخويه طااااقات ماقد طلبوني لوظيفة ولا عرضوا علي شي ابد

بعكس خويتي ماشاء الله كل مره يعرضون عليها وظيفه

الشكوى لله

ماشفنا شي لاطاقات ولا لقاءات

مساء الورد ..

ياجماعه الخير انا من الدفعه الاولى لحافز ووقفوا عني من شهر 2
وطول فتره حافز محد دق علي ولا ارسل لي شي والان نفس الشي كثير بنات مثلي اعرفهم دقوا عليهم طاقات وانا ماحولك احد هل اروح للفرع حقهم واستفسر عن وضعي
وعندي مشكلة جوالي الموجود بحافز هو الرقم الصحيح لكن بالسيره الذاتيه بطاقات حاطين رقم جوال قديم عندي مو حاطين الجديد الموجود بحافز واحاول اعدله مااقدر لانه التعديل لازم يكون عن طريق حافز والرقم الموجود بحافز صحيح مايحتاج تعديل بس الرقم الموجود بالسيره الذاتيه لطاقات هو الغلط ايش الحل ايش اسوي حتى اعدله ...الله يرضى عليكم

بنات الي ما اتصلو عليها طاقات تروح لهم من نفسها .مكانهم في الرياض في مجمع العثيم مول الي بجنب اسواق المجد تدخلين من عند البوابه الاولى وتطلعين فوق تلقين مكتبهم على اليمين .وتاخذين معك سيرتك الذاتيه وبطاقة الاحوال او جواز السفر اذا ماعندك بطاقة . . ودوامهم من ثمنيه الصباح الى ثناتين الظهر..عادي روحو واستفسرو مافيها شي
وبالنسبه لي انا من اول دفعه لحافز يعني تميت سنه . وعلى اخر اربعه شهور ازعجوني طاقات اتصالات ورسايل .رديت عليهم مره وحده وعطيتهم موعد ولا رحت لان وقتها موقعهم كان بعيد في الصناعيه ولا لقيت احد يوديني ومن بعدها سحبت عليهم وحولت جوالي موجود .وكنت دايم القى مكالمات ورسايل بس مارديت لاني عارفه اسلوبهم ووظايفهم . حتى بعد سنه من حافز اتصلو علي من ثابت ورديت واعطيتهم موعد وكنت بروح بس سافرت وبعدها ماعاد اتصلوو ..

في معرض لقاءات الاسبوع الجاي في مكه
ايش طريقه ذا المعرض ؟؟
سمعت ان الي تروح له وتسجل فيه ينقطع عنها حافز
صح ولا ايش الهرجه ؟؟؟

ياليت مين يجي يفيدنا عن لقاءات التوظيف الأول بمكة
شنو الأوراق اللي ناخذها معانا ؟؟
وهل بلقى وظايف صاحية وإلا لأ؟؟؟