برنـــامج ( لقاءات + طاقات ) .. كل ماهو جديد يوضع هنا

تاتيا · #**791** (**permalink**) 02-09-2014, 03:43 PM

ليتني ماسجلت بذا الطاقات ضاق صدري من اللي اسمع
دايم يعرضون علي وظايف ماتناسب اختلاط اهلي لو اموت مايرضون وفي مقابلات مارحت لها لان اهلي رافضين وفي مقابلات رحت لها ومانادوني الحمد لله
وش اقول للمشرفة حقتي تعفيني من هالوظايف وبتالي ماينقص راتبي لحافز اللي لسى ماجا <خريجة حديثة
الله يسعد كل من يرد

خريجةنظم · #**792** (**permalink**) 12-09-2014, 04:42 PM

ياجماعة انا استدعوني مركز طاقات عن طريف حافز
وفتحت الموظفة لي ملف بالنظام اللي فيه معلوماتي و السي في
وصار كل اسبوع تقريبا عندي دورة واجتماع مع المستشارة تبعي
بصراحة ابد ما استفدت كل الكلام اللي بالدورات اعرفه يعني اتمشور على الفاضي خصوصا المواصلات عندي صعبة مرة
افكر اكلم المستشارة تقفل ملفي بس اخاف يوقفون عني حافز

هل حافز ينفطع اذا طلبت تقفيل ملفي؟

اللي عنده معلومة ياليت يفيدني

تغريدة الامل · #**793** (**permalink**) 16-09-2014, 03:23 AM

[align=center]السلام عليكم
اتمنى انكم تفيدوني وتنوروني
انا مسجله بحافز ومؤهله للتوظيف ..
وادخل موقع طاقات اون لاين وادور لي ع وظايف واقدم ع بعضها اللي تناسبني لكن مايردون علي ..كيف استقسر عالوظايف اللي اقدم فيها وش صاير عليها هل انقبلت فيها او لا ؟
الشيء الثاني اللي ابي اعرفه انا جتني مرتين رساله عالجوال مقابلة وظيفه من جمعية النهضه ومادري هي من حافز ولا من طاقات وبالمره الاولى رحت وكانوا طالبين بطاقة احوال وماكان معي فقالت لي الموظفه طلعي لك بطاقه وارجعي لنا بس سجلت موعد بالاحوال وطبعته ورحت لهم وقالوا انها راحت وانتي عندنا بياناتك واذا توفرت لك وظيفه نستدعيك ..وبالمره الثانيه مارحت لاني مابعد طلعت بطاقه ..
السؤال هل راح يترتب على تطنيشي لهم بسبب اني ماطلعت بطاقه اي اضرار ؟
وكيف انتوا تجيكم دعوات لمراكز طاقات وانا ماجتني الين الحين ؟
مع العلم اني من زماااااااااااااااان مؤهله للتوظيف واخذت الاعانه من حافز 1 كامله 12 شهر مع بعض الخصومات ..

افيدوني ..[/align]

رجيت عفوك ياكريم · #**794** (**permalink**) 16-09-2014, 05:52 AM

صباح الخير ...
كل ماجيت افتح موقع طاقات عشان اشوف الوظايف المتاحة وعدل بسيرتي الذاتية ينكتب لي لايمكن الدخول الا للمؤهلين لخدمات التوظيف وانا مؤهلة ومن زمان احد يعرف وش مشكلتهم

مافي ا · #**795** (**permalink**) 20-09-2014, 02:26 PM

الله المستعان

م ح مد · #**796** (**permalink**) 20-09-2014, 07:51 PM

اقتباس:

المشاركة الأصلية كتبت بواسطة خريجةنظم

ياجماعة انا استدعوني مركز طاقات عن طريف حافز
وفتحت الموظفة لي ملف بالنظام اللي فيه معلوماتي و السي في
وصار كل اسبوع تقريبا عندي دورة واجتماع مع المستشارة تبعي
بصراحة ابد ما استفدت كل الكلام اللي بالدورات اعرفه يعني اتمشور على الفاضي خصوصا المواصلات عندي صعبة مرة
افكر اكلم المستشارة تقفل ملفي بس اخاف يوقفون عني حافز

هل حافز ينفطع اذا طلبت تقفيل ملفي؟

اللي عنده معلومة ياليت يفيدني

منجد يمشورون الواحد ع الفاضي اجل تعال تعلم كيف تستعد للمقابله الشخصيه ؟ ههههههه
بثريـن والله

انا اللي اعرفه حافز يحولونا عليهم عشان يلقون لنا وظايف
وهذا هو المفروض عندك وظيفه لي اتصل وابشر اجيك .. اما كذا لا والله ماراح تشوفوني اتعنى وادق مشاوير ع الفاضي

انا عن نفسي خلاص بسحب عليهم سواء بيخصمون او لا لاني لقيت وظيفه وماني بحاجتهم

ونتي يَ اختي اسحبي عليهم مره وشوفي وش الوضع لو جاك إنذار بحافز .. معناه لك كم انذار وبعدها خصم او يقطعونه عنك
ولو ماجاك انذار كملي سحبتك حتى لو ابثروك بـ اتصالاتهم ورسايلهم

لان هي انت وحظك ناس تقول لو ماحضرت لطاقات يخصمون عنك وناس العكس تقول ماتحضر ومايجيها لا خصم ولا شي

اتذكر قبل فتره لقيت واحد يقول يتصلون عليه طاقات يقولون له تعال ويرد عليهم بالوجهه انا موب جاي انتو نصابين ماعندكم وظايف

وع كلامه صار له اكثر من 3 شهور يستلم بدون خصم

مسوقة عن بعد · #**797** (**permalink**) 01-10-2014, 05:57 PM

بوركتِ, لكنني لا أجد الموقع هل يمكن أن تعطيني إياه؟

فيونكه ورديه · #**798** (**permalink**) 13-10-2014, 06:25 AM

كلموني طاقات ورحت لهم وليتني مارح
قمه اﻻستهتار تطلع لي وظائف بقلعه وادرين وتقولي روحي لهم
المصيبه الوظائف تحتاج تخصصات غير عن تخصصي وقلت لها بس ماش تقولي روحي جربي حظك بس تبي تمشورني على الفاضي وكل شوي متصله علي وانا مغير اسلك لها اسبوع مقابله مع المستشاره واللي بعده تحظرين دوره واللي بعده مع المستشاره كل اسبوع وانا عندهم وبعدين معهم افكر اسحب على ام جابتهم بس اخاف يقطعون عني حافز ﻻني اللي استلمه الحين صعوبه الحصول على عمل
حسبي الله عليهم