يعطيك العافية ماجد مش عجلة ولاحاجة بس نبي نحسسهم بالموضوع ومدى اهتمامنا بتعديل الرغبة نخاف اليوم قالو لنا بكرة نخاف نفس الشي يجي بكرة ويقولون لنا لي بعده وانت تعرف الوزارة لذالك بجد اقول خلونا نطلع عندهم بمكتب شؤون التوظيف نشكل ظغط ونحسسهم بسرعه البنت في امرنا

بسرعه البت في الموضوع ام يعدلونها او يخلونا نباشر وخلاص للاهمية يا شباب لاحد يباشر قبل مايطلع ونعرف وش صار بموضوع الرغبات حتى مايلغو المعروض الي تقدم فية كل واحد فينا هذا كلام الموظف ويعطيكم العافية وياليت حد يتصل فيهم الحين ويشوف وش الجديد لان والله الموظف انزعج من كثرة اتصالاتي واستفساراتي للموضوع

انا جيتهم اليوم من القصيم مشيت الفجر وصلتهم الساعه 10
عطيته سجلي المدني قال خلاص انت بالقصيم انشالله بس باقي توقيع المدير وتعال بعد الظهر
انا طبعا بغيت اطر من الفرحه واقعد قدام الوزاره بالملز لين صلاة الظهر واروح لهم قالوا تعال بكره
وجاني احباط الحين الله يسترر لابتوهونا ونضيع

المشكلة مدير التوظيف بيدة بس يوقع ونخلص من سالفة تعديل الرغبات من عدمها اليوم مش موجود بكرة يقول الموظف بيكون موجود ان شاء الله يوقع علية ونخلص بس ياريت لو نروح بكرة عندهم ونزعجهم بالمكتب ويحسون فينا ومدى اهتمامنا بالموضوع

الحين بالنسبه للمهله حقت المباشره تنحسب من تاريخ اصدار القرار او من تعديل الرغبه؟
الان الموضوع مقلق بالنسبه لي

سالت الموظف قال لاتخاف بس يتوقع تعديل الرغبة عندك 15 يوم تطمن بس المهم ان يتوقع بكرة التعديل ونخلص

ياللله تسهلها يارب
انا بالنسبه لي اخذت شقه بالرياض وقاعد الى بكره
بكره الصباح الل يقدر يجي يجي

الله يسهلها ويجيب العواقب سليمة وتفرح قلوب الكل اجمعين الي يقدر يجي للوزارة الصباح عند مكتب شؤون التوظيف يجي ياشباب الهمة حتى يصدر التوقيع باسرع وقت ونخلص

أخوي بروفشنال ... أنت قدمت معروض وأرفقت معه أسباب تعديل الرغبه ولا بس المعروض؟

بصراحه تفائلت يوم قالك أنك حولت القصيم وتغيرت رغبتك ... يارب كلنا تتعدل رغبتنا للاولى

الله يكتب لكم ما فيه الخير ،،