لاحول ولاقوة الا بالله
الله يصبركم ويصبرنا ويرزقكم كل مافية خير

بعد مايصير الصك في يدك خلاص ارسلي على البريد ادخلي موقع الصندوق شوفي كاتبين هالشرط هويتك وصك الطلاق

لايابنات لازم من الحين المفروض من زمان رحتو المحكمه لانهم يلطعوووون يعطونك اقرب موعد اقل شي بعد 4 شهور مو اقل الا اذا لكم واسطه

طيب أنا عندي صك الطلاق بس فيه بنات يقولون لازم اروح البنك العقاري عشان يعطوني ورقه للمحكمه هل هال كلام صحيح عشان يعطوني رقم طلب وجزيتم خيرا والله يفتح على قلوبكم

اللي اعرفه انك تروحين للعقاري عشان يعطونك خطاب تروحين فيه المحكمه وعلى اساسه يعطونك موعد مع الشيخ عشان يعطيك صك اثبات الطلاق وهو يختلف عن صك الطلاق
اللي بيعطيك الشيخ هو اثبات انك مازلتي مطلقه وعليه شاهدين ومزكيين يشهدون بذلك خذي اخوك واقاربك
بس ترى مايعطونك موعد للشيخ بدون خطاب العقاري روحي خذي خطاب من العقاري اول
ولازم يكون جديد يعني مايعدي عليه اسابيع خذي الخطاب من هنا ومري خذي موعد مباشرة افضل
انا كان قديم تعبوني الين اعطوني موعد وكانوا بيرفضون بس الله سهلها ومشوني

لو تلاحظون يابنات ان الدوائر الحكوميه بسبب بعض المفسدين يعرفون انك مازلتي مطلقه او تزوجتي بدون الرجوع لك زي الضمان الاجتماعي وغيره من حقوقهم علينا اذا تزوجت المطلقه حدها شهر شهرين وتنقطع عنها معونة الضمان لان الحق لهم مااحتاجو راينا واثباتنا للزواج طقو الحاسب وطلعوا البيانات وعرفو ان فلانه تزوجت اذن نقطع المعونه عنها لكن لاصار الحق لنا يقولون جيبي اثبات انك مطلقه
مااقول الا حسبي الله على بعض المفسدين اللي مايحسون فينا كحريم تصعب علينا الروحه والجيه والمرمطه
وش يضرهم مايتبعون نفس الاليه ويعرفون كل اللي يبون بضغطة زر يريحونا ويريحون انفسهم

السلام عليكم
ينفع اخوي يروح ويجيب لي الورقة من الصندوق العقاري
او اجباري حضوري
!!
خاصة من ردود فهمت انه قسم رجالي

ذهب اتوقع مايحتاج بس مو متاكده لانهم ماكلموني كله ابوي يتكلم

طيب انا قدمت وتم قبولي طلبي لكن مو موظفة عندى بس الضمان؟؟