[align=center]
السلام عليكم ورحمة الله وبركاتة




بصراحه انا عندي مبلغ وناوي احطه بالاسهم و ماراح اتابعها بشكل يومي او اكون حريص عليها بس بجرب بمبلغ بسيط والله يوفق الجميع يارب

الي له خبره ياشباب في الاسهم الله يرزقه ويوفقه وييسر امره يفيدني ~


_ ابي اعرف كم المبلغ المعقول الي ادخل فيه للاسهم ؟
_ ابي اعرف وش الشركات الي اسهمها حلوه وان شاء الله ارباحها طيبه ؟
_ وغيرهـ .....الخ

[/align]

الله يرزقك من فضله

بس انتبه وانا اخوك من الشركات اللي اسهمها ربويه او مشبوهه

ترا المليون وهو مليون لو كان حرام يمحقه الله ويروح
والريال وهو ريال لو كان حلال يطرح الله فيه البركه

صدقني انها محرقه المحارق تربح يوم وتخسر عشر ايام وعلى المنوال من كم سنة مدري يمكن عشان الفلوس قليله

ومن حيث خبرتي ارى ان دخول الاسهم للناس اللي عندها فلوس بحيث مايتعلق ويقعد يتفرج يعدل ويعدل واتوقع افضل مبلغ
من 150 الف ومافوق والا تبي تروح دراهمك

[align=center]
الله يعطيكم الف عافية ياشباب

انا ناوي ادخل تقريبا ب15 او 20 الف كبدايه وماراح اجلس اتابعها يوم بيوم لا بنساها بالشهور حتى لو خسرت الاسهم انا مو مستعجل ابيع وابي الرزق بيوم وليله بنساها بالشهور مثلا كل شهر ونص او شهرين استفسر عنها .

من له خبره في هالمجال لا يحرمني من مشورته ولو بالقليل

[/align]

شف ونا اخوك مساله انك تشترى وتنساها انصحك بتركها لاكن اذا ناوى تدخل عالم االاسهم الاسود فكن مضارب ومتابع طول وقت التداول مثلا تشترى ب ريال وتعرض بريال ونصف فى نفس الوقت بحكم انى كنت مشرف صاله اسهم تحيتى لك

سوق الندامة لا اللي يشري يفرح ولا اللي يبيع يفرح
تشتري ينزل السعر تتحسف ياليتني صبرت عشان اشري بارخص
همن يجي يوم تبيع وتربح او تخسر فيرتفع السهم اكثر تقول يووووه الصبر زين ليتني صبرت
وما بعت لما يرتفع اكثر عشان اكسب اكثر


الله يرزقك من واسع فضله ويدلك ع الخير

ولو يالمتقاعده شكلك شكلك ماكله علقه فى الاسهم

ابعد عن سوق الاسهم وانت بخير

كل من دخل لسوق الاسهم طلع خسران والضغط والسكر مرتفع عنده

شفلك مشروع صغير لو " كشك " أفضل مليون مره من الاسهم

السلام عليكم ورحمة الله وبركاته

سوق الهم والغم والضغط والسكر ممحوق البركة اذا ماعندك مرارة ولا بنكرياس ادخلة ولا تشاور احد 20 الف رايح تسير 6000 قبل الخصم