تسلمين ياروحي على الرد لبى قلبتس وبلاش حزن فديتك

اختي زهرة الغالية قدمت اعتراض بتاريخ 23-1وبنفس اليوم راجعت الجوزات وحدثو بيناتي وقالو اني داخل المملكة ولست بالخارج وبياناتي موجودة بالجهاز صحيحة
وبعد اسبوعين وصل لحافز اني حدثت بياناتي حتى يوم كلمتهم قالولي انه وصلهم افادة الجوازات اني راجعتهم واثبت تواجدي وبعد شهرين اتصلت علي موظفة حافز تبي البرنت ورحت اطلعه قالولي مانقدر نعطيك وكلمت حافز قالو خلاص حنا نخاطبهم وانتي ارسلي لنا صورة الجواز لما نرسلك ايميل

وشهر2 ماشملني وقالو نفس السبب وراجعت الجوازات قالو كل بياناتك سليمة وكلمت حافز قالو انتظري اتصال وشهر3 نفس الحكاية لين كلمتني الموظفة يوم الاثنين الماضي وراجعت الجوازات ورفضو اعطائي برنت ولا وصل ايميل حافز الى الان

انا قالو بعد حافز بيرسلون ايميل بس ماارسلو روحي للجوازات واطلبي برنت وقولي ابيه ضروري ولو تخلين ابوك او اخوك يروح افضل
بس انا لما كلمت كذا موظف من حافز قالو لي مجرد ماتصحح الخطا على طول يتم التاهيل بس انتي اطلبي البرنت من المنفذ وانشاءالله يعطونك خليه احتياط عندك
بس لاتخلينهم اتصلي عليهم باستمرار

الله يعينكم على حافز

حالي من حالكم للاسف نحن فئة معينة مرتبطين بمديرية الجوازات ونعتبر رقم لا بأس به
يعني لا بد من حافز ان يتحرك ويحل الموضوع كل شئ يثبت وجودنا داخل المملكة ولو عملو ربط مع المديرية كل شئ يوضح اتمنى الاسراع بحل اعتراضنا رافعينه من محرم وحى الان لم يبت فيه ...........

انا طلع الخطا من الجوازات وبنتظر لين الاربعاء اذا ماتاهلت برجع اتصل عليهم وبشوف وش السواة
واذا يبون برنت ماعندهم مشكله بس يرسلون الايميل

خيتو زهرة البيلسان اخوي راح 3 ايام للجوازات وتهاوش معهم قالو ممنوع من وزارة الداخلية جايهم امر مايعطون برنت وطلبو ان حافز يخاطبونهم ويرسلونه لهم

وزوج صديقتي بالجوازات سال قالوله ممنوع من وزارة الداخليه

وخلو حافز يخاطبونا وحافز كلمتهم قالو خلاص حنا نخاطبهم وانتي لاجاك الايميل ارسلي صورة الجواز

لكن هذا الحين الدفعة الرابعة يمقن تشملنا ويمقن لا

الى الان مارسلو ايميل

اذا ربي كاتب لنا حافز بتجينا مالنا الاالصبر وش بيدنا ماسويناه

يااااااااااااااااااااااااارب الصبر من عندك

هذي الدفعة الرابعة
يعني 3 شهور وزود

الله كريم

اهلين اخواتي والله انا نفس مشكلتكم بالضبط

قالو اني مو مؤهله لتواجدي خارج المملكه اكثر من شهرين

وراح زوجي اول مره وقالو البيانات هنا تقول ان اخر مره طلعتي قبل سنتين

واتصلت عليهم وقالو بيتحققوو وطلع الشهر الثاني برضو غير مؤهله

وكلموني حافز وقالو نرسل لك ايميل وارسلي فيه برنت من الجوازات

وراح زوجي للجوازات وقالو البرنت من من عند ادارة المنافذ وراح لأداره المنافذ وقابل ضابط برتبه عقيد قال له

العباره هاذي( حافز يصرفونكم حنا ما نعطي برنت واكثر من واحد جانا ما عطيناه)

وكلموني بعدها بيوم وقلت لهم ان الجوازات رافضين يعطوني برنت عاد الموظفه تقول فيه ناس ارسلو لنا برنت

والله العظيم صرنا لعبه بيديهم ما ندري من نصدق

حتى الايميل اللي قالو بيرسلونه للحين ما ارسلوه

الله يعين بسس