سلام عليكم ورحمة الله وبركاته

ياخوان : الحين انا فتحت ملف اخوي ولقيت [ شروط جديده تعجيزيه ] وجايبينهن ب صيغة ثـانيه !!

يعني مايبون يقولون ذولا شروط صرفوها وقالوا [ اخطار واقرار ] وي جماعه الخير افهموها ولا ابي احطمكم حآفز ماراح ينزل ولا يبي ينزل" لآاحد طالب ولا احد قابل ملك ولا امير" عشان يوصلن شكاوينآ ب هالتلاعب اللي صاير ذا ..

واحب اقولكم ان اول ماجاء برنامج " حافز " صرح العساف ان [ الاشاعات اللي يجن بالبلاك بيري واليوتيوب والمنتديات : عن شرط انك راح تسدد حافز اذا توظفت وقال العسآف انها اشاعه ولا هي صحيحه !! ]

طيب الحين ابي انزل لكم { بـند من البنود اللي بالخانه الجديده " اكمال البيانات " وابي رايكم فيها }

11- أن للوزارة و للصندوق الحق في مطالبتي بأي مبلغ سبق وأن استلمته من إعانة البحث عن عمل إذا تبين للوزارة أو للصندوق لاحقاً عدم صحة أي من البيانات أو الوقائع الواردة في استمارة التسجيل أو النماذج أو الإقرارات والمستندات والوثائق المقدمة من قبلي.

وش يعني هذا ي اخوان !!! يعني راح يآخذون من رواتبكم للي لـه راتب او اللي ماله رأتب ؟ شلون يعني !!

انا اقولكم شلون ..مثلآ ابوك ب الضمان او احد اخوانك او اي احد من اهل بيتك لـه دخل راتب رآح يخصمون منه وراح يقولون ذا حق حأفز !! بس وين المشكله ي اخوان ؟؟ [ المشكله انك مأخذت حافز منهم ولا حتى طلع لك مؤهل !! ] ويبتعذرون ويقولون اخطاء بالموقع لين تقلب الموجه ..

بدال مايعطونآ نصير نعطيهم حنآ

وبالاول والاخير العسأف ربحآن هو والمسؤليين اللي تحت هالقصه ذي كلهآ ..

وترآ من حقه يسوى كذا لآن [ لابرقيآت ولا شكاوي ولا اي شي بس كلام منتديات ويوتيوب وجرايد ]

وفـيه بعد شرط " اقصد " اقرار . ثاني وهو تخويفي وتعجيزي بعد !!

يعني من جدهم يبون يشكونآ بالمحاكم وننسجن عشان حافز ؟؟ او تصير لنآ سوابق ب المحكمة وعلى شان وش ؟؟ عشان ان حنآ نبي ه/ الاعانه !!

اقروا معي هالبـند ذا ..
10- أن للوزارة و للصندوق الحق في اتخاذ جميع الإجراءات القانونية التي تقررها بما في ذلك استبعاد طلبي هذا، إذا تبين للوزارة أو للصندوق عدم صحة أي من البيانات أو الوقائع الواردة في استمارة التسجيل أو النماذج أو الإقرارات أو المستندات أو الوثائق المقدمة من قبلي.

!!!!!!!!!!

يعني صارت من اعانه لـ اهانه ؟؟ وين كلام العساف ب التصريح ؟؟ وين كلامهم يقول كلها اشاعات ؟؟

ي اخوان والله ان حنآ تعبنآ جلستنآ بدون طآري حأفز ارحم لنآ من هالمؤال ..

انا والله اني ب آسحب اسم اخوي من حأفز بعد " موافقة طبعآ " لاننآ عرفنآ انهم راح يآكلوونآ فيمآ بعد

والله اقوى من الظالم وعليكم ب الدعاوي علي كل من وقف برزقنآ وقطعنآ من هالفرحه ..

والله يعز [ ال سعود ] ماقصر الملك امر وقال هالامر بدون شروط او قيود واخر شي المسؤلون يتلاعبون فينآ

واللي يسون كل هالاشياء ذولا مايخأفون ربهم فينآ بس م قول الا
لاحول ولا قوة الا بالله العلى العظيم ..

والله يغنيكم بحلاله عن حرامه ..

حسبي الله وكفى عليهم

الله يكون بالعون احس انهم ذلونا بحافز هذا والله حاله

طيب البنود اللي قلتها مو تعجيزيه ماطلبوا منك الا تكتب بياناتك وما تكذب او تتلاعب فيها

وهذا الامر طبيعي

وعليكم السلام

هذي النقاط تفسيرها واحد

إذا انت كذبت عليهم و معلوماتك تزوير و هم قبلوها و اعطوك مؤهل

وتبين لهم بعد فتره إنها مزورهـ يحق لهم استرجاع مبلغ الإعانه منك

الشرط واضح ولا فيه اي غبار ,,

واثق الخطوهـ يمشي ملكاً و بالتوفيق ..

والله مادري

اصلا انا اللي شفته اهلو دفعه وحده فقط واللي اهلوهم الشهر اللي راح تابعين للدفعه الاولى يعني تصحيح اخطاء فقط

غير كذا احسهم كذابين فيه هنا بنات لهم مسجلين من شهر 1 ولا جاهم

واتوقع لو بيأهلون احد هالشهر ممكن 5 او4 اشخاص بس ممكن اذا كان عن طريق واسطه خخخخ

يااخوي صقر الطوارئ هدي من نفسك شوي الشروط قديمه بس انت يمكن مانتبهت لها وانت مستوفي الشروط وامورك فالسليم لاتخاف وتطمن والشروط هاذي للناس اللي مسويه تزوير يعني مثلا هذا مثال والامثله كثيرمثلا واحد موظف ومزور على انه غير موظف يعني الشاهد من هالشروط للناس اللي مزوره فالاوراق الرسميه
اتمنى تكون فهمت علي وحافز حق من حقوقكم الين يحصلون لكم وظيفه وهي كلها سنه وتنقطع وهذا اذا ما كان اقل بس توكل على الله وتعوذ من ابليس
موفقين يارب

موفق بإذن الله ... لك مني أجمل تحية .