[align=center]السلام عليكم ورحمة الله وبركاته
مــســاء \ صباح الخير على الجميع .
احذركم من ارقام تدق عليك وتقولك انت فزت معنا بمبلغ وقدره كذا او فزت بسياره .
واحد من اصاحبي اليوم يقولي دق علي رقم وانا نايم واقوم وارد عليه قالي انت فزت بمبلغ 200 الف <
الولد انهبل قام من النوم ابو الشباب وقالو له شرط انك تاخذ ال200 الاف لازم تسدد الرسوم اللي عليك قال لهم كم الرسوم قالو له 2000 ريال . قال شلون اسددها قالو جب لنا 7 بطاقات ام 300 ريال . يقول وانا اللي اقوم واشغل الموتر وصاروخ على اقرب بقاله واخذ 7 بطاقات ام 300 وارسلها لهم . يقول يوم ارسلت لهم 2300 ريال . قالو لي باقي 4000 ريال . يقول يوم قال باقي 4000 وانا انتبه للموضوع < بدري يالخو .
يقول وانا ادق ع موبايلي قلت لهم عندكم جوائز قالو لا ماعندنا واي رقم يدق عليك من برى ترى موب تبعنا . يقول وانا ادق على الرقم اللي دق علي ( طبعا الرقم من شركة موبايلي ) قلت له انا مابي جائزتكم بس رجعو لي فلوسي قالو له مالك عندنا شي قال طيب مابي الجائزه قالو ولا هلله ترجع لك .

< الحين هو شوي وينتحر . ( والله ياهو منقهر ) < القانون لايحمي المغفلين .

فا انتبهو عشانه كثرانه هاليام . الحركه هذي عشان اعانة حافز .
قد اعذر من انذر .
دعوااتكم لي . [/align]

الله يعوضه
والركاده زينه

والله مسكين رحمته ..

بس الرسايل اللي مثل كذا صارت واضحه للجميع محد يرسل لهم شيء

لانهم نصابين ..

وياكثر مايرسلون لي ربحت وربحت اشوفها من هنا وامسحها من هناا

مابي جوايز .. مو مضمونه ولا شاركت فيها كيف ربحت مدري

يكذبون ع العالم .. حسبي الله ونعم الوكيل

الله يرزقه ويرزقنا وان شاء الله محد يطيح فهالموقف
شكر اعلى التنبيه

الفرحه غطت عليه وربي مسكين

الله يعوضو