مهور البنات

ضاع العمر · #11 (**permalink**) 12-02-2012, 09:00 AM

ودك بالمغربية ,, اقرب طيارة !

حي السفارات · #12 (**permalink**) 12-02-2012, 09:10 AM

اخوي المهور تختلف على حسب العادات والتقاليد المرتبطه بكل قبيله معينه بعض المناطق والقبائل تحصل المهور عندها مرتفعه جداوبعض الناس مايهم المهر اهم شي يكون رجال قد المسوؤليه وهذا الاهم من وجه نظري لانه لو دفع مبلغ كبير مهر وشهر وهو مرجعها لبيت اهلها وش الفائده!
والمهر بيني وبينك ودك يكون شوي كثير لاتنسى مشتريات البنت وتجهيزها للزواج يكلف في ضل ارتفاع الاسعار مو مثلنا ياشباب كم ثوب وشماغ وعطر واشياء بسيطه وانتى الموضوع

سفير الود · #13 (**permalink**) 12-02-2012, 12:26 PM

اقتباس:

المشاركة الأصلية كتبت بواسطة عاطلة مش بطالة

5000 × 12 = 60 ألف × 5 سنوات = 300 ألف ريال

والمهور في السعودية عند الناس الفاهمة وهم الغالب والحمد لله ما تتخطى 70 ألف من مجاميعه !

300000 - 70 ألف = 230 ألف

30 ألف تستأجر قاعة ( أعرف أن كثير صار توجههم للزواج العائلي )

بـ 100 ألف تقدر تستأجر وتأثث بيت على قدك ( باعتبار أن باقي 200 ألف اشتريت فيهم سيارة + بعزئة ( وأنا كثرت هالمبلغ ))

= النتيجة النهائية زواج من زوجة تعرفها + راحة بال

اللي ناوي فشخرة وفندق و....... المظاهر هذا هو اللي يشكي من المهور

واللي وده يتزوج أجنبية ( الله يسهل عليه ) هو اللي يشكي من المهور

واللي طبيعة عائلته ارتفاع مهور بناتها عليه أن يحارب هالشيء ويبدأ بأخواته !

الخلاصة مو الكل لهم نفس الوضع اللي تعاني منه

الله يسهل عليك

أوووووووووووووووووووووووووووووووف

أنا لو بسوي كذا كان ما تزوجت إلا بعد 20 سنة

طيب على افتراضك راتب أبو 5 آلاف و أجمعه في خمس سنوات <<< مدري وش قصة الخمسات

طيب وين راحت المصاريف الخاصة في الخمس سنوات.. من أكل و شرب و مواصلات و مسكن و إيجارات و أقساط ..؟!

راتب أبو 5 آلاف ما يصفى منه إلا 2000 ريال نهاية الشهر

أو تبينا نحبس نفسنا عن المصاريف

amani · #14 (**permalink**) 12-02-2012, 12:40 PM

ضحكتني بعض الردود
بس انت شكلك معصب من جد واحد قريبي راح المغرب تزوج وحدة بمهر قليل بس بعد الزواج خسر اللي وراه واللي قدامه واشك انهم سحروه فخليك على السعودية احسن ولا تفكر في الدول الثانية وهذا مو انتقاص من الدول الثانية بالعكس بس زي ماقلت مافي زي بنت بلدك اللي تفهمك وتفهم ثقافتك
واذا على المهر دور زين وبتلقى الزين

ملامح عاطل · #15 (**permalink**) 12-02-2012, 02:01 PM

الله كريم وبعدين الحين كل شي صآر متيسر ومافيه أسسهل من الزواج بس
المشكله وين الشخص الجآد لا تكبر الموضوع بالمهر "

لدن المطيري · #16 (**permalink**) 14-02-2012, 05:54 AM

كم تبي المهر يكون!!!

بعدين والله البنت مالها شغل لاتحطون كل شي. علينا

الاهل وبذات الام !!!!

SIZE="7"][/SIZE]

حاضر غايب ماتفرق · #17 (**permalink**) 14-02-2012, 06:12 AM

اقتباس:

المشاركة الأصلية كتبت بواسطة روعة السنين

انت شكلك تبي مغربية او اردنية ؟؟

والاه الغريب انه المهر اللي تتكلم عنه هذا كم؟؟ مليووون؟
مافي عائلة تاخذ مهر اكثر من 40 الى 50 الا القبائل المتشددة اللي مازالت متمسكة بأن المهر يكون 100 الف ومافوق

انا تزوجت بـ 40 الف وزوجي عــــاطل بعد بس يشتغل اعمال حرة ع قدنا < فديت قلبه

والزواج اتفقنا يكون الحظور اهلي واهله فقطط
والرجال اخواني واخوانه وعيال العمومه
في استراحة ماكلفت الا 1500 ريال
وذبيحتين للرجال< ع زوجي
وبوفيه للنساء < علي انا

بالرغم انه من عاداتنا ان الزواج والمهر وشهر العسل والتأثيث كله ع العريس المسكين

بس انا كسرت القاااعدة

لانه ماتعجبني كذا

بلا عادات بلا تقاليد

في فترة الملكه قلت للهازبند .. اسمع ياولد الاجواد ..
زواج كبير وطقطقه واعزم ولد عم خال ابو جد جدي .. مااااابيه
ابي زواج هاديء بسيط وعااائلي ومختصر ..
رفض بالبداية بس مع اصراري .. اقتنع .. وحلف ماينساها لي لانه افتك من ديووون وضيقة صدر < فديت ئلبووو

والحمدلله عايشين ومبسوطين ربي يخليه لي ويخليني له

ع فكرة ترا بالقصيم اغلب العوائل هناك المهر فقط 40 ..
والزواج ع اهل البنت ..
خلك من المغربية والاردنية وخذ لك قصيمية تسوي لك كليجة حزة المغربية

لاتنسون

.. اذكرو الله

الله يسعدكم

عاطلة مش بطالة · #18 (**permalink**) 14-02-2012, 08:42 AM

اقتباس:

المشاركة الأصلية كتبت بواسطة سفير الود

أوووووووووووووووووووووووووووووووف

أنا لو بسوي كذا كان ما تزوجت إلا بعد 20 سنة

طيب على افتراضك راتب أبو 5 آلاف و أجمعه في خمس سنوات <<< مدري وش قصة الخمسات

طيب وين راحت المصاريف الخاصة في الخمس سنوات.. من أكل و شرب و مواصلات و مسكن و إيجارات و أقساط ..؟!

راتب أبو 5 آلاف ما يصفى منه إلا 2000 ريال نهاية الشهر

أو تبينا نحبس نفسنا عن المصاريف

الخمسات الأخ قال خمس آلاف وخمس سنين فحسبتها له بناء على خمساته !

والمصاريف أولا أمسك يدك أنت وراك زواج وبيت وسيارة !

ثانيا قبل الزواج نادرا يستقل الشباب السعودي عن أهله يعني الإيجار عالأهل الله يخليهم ومو الكل مستأجر ! أغلب المستأجرين هم الشباب اللي تزوجوا !

الأقساط تقسط لأي شيء وأنت ما زلت عازب ؟ او كل يوم بلاك وأيفون و... ؟

وبعدين انا تركت لك مساحة كبيرة للصرف والبعزئة !!! 150000 مائة وخمسين ألف ريال !! هل هي مبلغ قليل يصرفه شاب في مقتبل عمره على أمور غالبا مو أساسية ؟

وأنت قلت ما يبقى من راتب أبو خمس آلاف إلا 2000 شهريا !!

طيب اضرب 2000 × 12 × 5 سنوات كم يطلع ؟

120000 مائة وعشرين ألف ريال !

وهالمبلغ يزوجك لو ترغب صدقا !

وبعدين ما تشعر أن صرف 3000 شهريا لشاب على قده وما عنده مسؤوليات أنه شيء غير معقول ؟ وإسراف وسوء إدارة مالية ؟

راجع حساباتك في الصرف وضع لك جدول مصاريف واحسب حساب المستقبل وتأكد أنه يوجد ناس مرتباتهم 3000 ومتزوجين وعندهم سيارات ومبسوطين وكله من فضل الله ثم حسن التصرف !

طويلةبال · #19 (**permalink**) 14-02-2012, 02:08 PM

سبحان الله ..فعلا اللي يبي يتزوج ويفكر صح راح يجمع

لو راتب الواحد 4500

1200 ايجار سياره جديده منتهية بالتمليك خلال 5 سنوات مسدده
800 مصروف شهري
500 للظروف الطارئة
ــــــــــــــــــــــــــــــــــــــــــ
2500شهريا

2000 في حسابه توفير <<<بعد 5 سنين

بيكون في حسابه 120 الف +سيارة ملك+تخلصت من الاقساط

40الف مهر
25 الف تأثيث الشقة
25 الف ايجار شقة منتهي بالتمليك
+زواج مختصر3000
+20 الف هني مون

كم يكلف الزواج!!!!
<<<<<<ورا ماتعرسون

سار احمد · #20 (**permalink**) 14-02-2012, 05:25 PM

في بنات ياشيخ ترضى بالمال القليل في النهاية ترى الاخلاق الرديئة وعدم التقدير سواء من الزوج او اهله ولمعاير لو انك غالية عند اهلك ماكان باعوكي علينا ارخيصة الثمن وخذ وهات من المعاير