المشاركة الأصلية كتبت بواسطة عبودي طفشت

عبدالله قسم بالله العظيم اني ودي اكمل وأصلن انا هاوي العسكرية وخاصة الطوارئ لاكني اللي كرهني بالعسكرية وكرهني فيهاا الله لايوفقه بحياته كلها وياجعل الله يسلط عليه من مدرب عندنا

طبعا انا اول مادخلت ورب البيت معنويااتي فوووق ماتتصور بعض العساكر يجون يسفلون فيني ياكلب يالوح يابسطار ياجزمة يادلخ اذا قلت تعبان ياجعلك للموت ياجعلك للكسر اللي مايتجبر ومثل كذا ونا معنويااااااااااتي عاااااالية فووق ماتتصور معنويااتي قووية ولاهمني كلامهم

الجزاءات العسكرية اكلتها زحف ودردبه بالطين والمويه وكذا ماعندي مشكلة معنويااتي عاااااااالية وقووويه

لاكن المدرب الاخير اللي جزاني يوم الجمعه اللي شفت الموت قدام عيوني كاان وقتها الجو برد شمالية والله ماتقدر توقف ولا ثواني وغبار الجوو ..خلاني انزع الستره اللي علي ماخلى علي ولا فنيلة بس البنطلون البدلة ويجيب اللي حق الموية اللي مثل حق المطافي طلعه برى ويجي يرش على التراب والحصا الموية خلها كانها مسبح طين قالي إمتد يالوووح ونا والله خايف اول مره كذا قلت برد قال يادلخ امتد وجي امتد وتقلب بالموية والطين قالي انهض ويثبتني قدام الهواء البارد مافي رحمه هذا الجزاء يضر بالصحه المفروض مايسويه لي والله واثبت ونا اتنافض ويجي عندي يقوول ياكلب انا اقولك ثابت ماقول تنافظ عندي قلت امرك ونا والله العظيم اني جالس اصيح اقول ارحمني قال الدلع هذا عند اهلك مو عندي والله اني اكلمه ونا اصيح قال ثابت ويروح يجلس والله ان خشمي دم واغمى علي يوم شلوني وصحيت والله العظييم جزء جسمي الايسر ما احركه كأني مشلول ورب البيت كرهت العسكرية كلهاااا خلاص ماعاد لي فيها خاطرررررررر ابد ابد ابد اللي جرب الشي مو مثل اللي ماجرب ويقول اصبر يابن الحلال هذا رزقك صحيح كلامكم لاكن اللي ماجرب هالشي يقول هونها تهون لاكن لو احد بيجرب هالشي اقسم بالله ان مايكمل ولا اسبوع عندهم

والله يكتب اللي فيه الخير لي ويعوضني بخير منهااا يارب