الله يفرحكم بالقبول النهائي يارب

لكثرة الاسئله على الخاص عن قوات الطواري الخاصه سوف اشرح معلومات مهمه ومفيده لهذي القوه
اول شي تسمى قوات الطواري بصقور نايف ودرتهم 6 اشهر مقسه للآتي
4 اشهر فرد اساسي مستجد وشهر دورة شغب وشهر على حسب احتياج القوات اما دورات عمليات خاصه واما دورة غازات تختلف على حسب المنطقه والحاجه
طبعا افضل دوره للطواري لما تنعقد بالرياض واخس مكان لما تنعقد بمكه او الشرقيه
اما الراتب على النحو التالي
3220 راتب اساسي مع 600 بدل خطر و 500 بدل نقل بالاضافه لبدل مكافحة ارهاب 805 وبدل امن 805 وفي بدلات غيرها على حسب التخصص بس انا ذكرت الاشياء الاساسيه فقط يطلع المجموع تقريبا 6330 ريال وليس كل الراتب هذا راتب الاربع الاشهر الاولى فقط لسى في زياده بعد الاربع اشهر
بعد الاربع اشهر تقدر تصنف شهادة الثانويه 300 ريال واعاشه كامله 500 ريال اذا كنت بالقياده فقط
اما اذا كنت بالقوه تأخذ 275 ريال ليصبح المجموع تقريبا 7130 ريال
طبعا اللي عنده دورة حاسب لاتقل 6 اشهر يوجد صنف 750 ريال
يعني يضرب راتبك تقريبا حوالي 7850 ريال بالراحه ويمكن يزيد كم عشره بعد عام ونصف من الخدمه ممكن يوصل راتبك 8000 الاف ريال

انا الحين جندي اول مظلي ومسجل بالصاعقه بتجي قريب راتبي 8987
بعد الصاعقه يوصل تقريبا فوق 9300 بالراحه بس اذكرو لله الله يرحم والديكم
طبعا دورتهم اول اسبوع دورة صاعقه مصغره ياهم بيطلعون عين ابو جدك الله يعينكم بعدها عادي ممكن تتعرض للتعذيب النفسي اكثر من الجسدي بس والله دخلنا وحنا رمم وطلعنا عن 100 رجال والله ياهم يعلومنك الرجوله والشده والصبر وقوة التحمل
هي في الباديه متعبه ونفسيه وبعد التخرج فله
طبعا اقسامها كثيره والله راسك يتعب وفي بعضها ماعمري سمعت فيها
عندك دوريات امنيه وشغب وقناصه شرطه عسكريه ومكاتب اداري وفي زي تخصصي اقتحام ومداهمه وهو اصعب واخطر تخصص بقوات الطواري استلم يوم واسلم 3 ايام بس جوالي مااقفله ممكن يدقو في اي وقت ومتعود والله لو يدقو علي في عز نومي لجيهم هوى وفي كامل الاستعداد لاي مهمه يسندونها لي
طبعا التعيين على حسب حاجات القوات والنقص في المناطق
وزي ماقلت افضل ماكان للتعين لما تكون بالقياده عشان بدل اعاشه كامله اللي هي 500 ريال بس للي عنده واسطه بس عيبها ماتقدر تفحط من العمل كثير بس الاماكن الباقيه لا صرت تمام مع الريس والافراد يارجل فحط زي ماتبي بس لاتمون كثير خلك حقاني
طبعا في ناس تستلم يوم وتسلم يومين في ناس تستلم 8 ساعات في اي وقت يعني (( خفاره )) وتريح يوم كااامل وكل 3 ايام تاخذ 3 ايام اجازه
اتمنى اني افدتكم بهذا الشرح الوافي واتمنى التوفيق للجميع

السلام عليكم ورحمة الله وبركاته

مساكم الله بالخير حبيت استفسر ياشباب للي لهم خبره (( يوم أروح لطوارئ القصيم بخصوص انهم بيحددون موعد دورتي اللي فالرياض .. مستغرب من أمر إنهم ماقلولي متطلبات الدورة اللي هيالاغراض اللي اشتريها علشان الدوره بس قالولنا روحوا يوم السبت حضروا هناك بطوارئ الرياض

سألت العسكري قالي بالرياض يعلمونكم عن كل شي قلت يعني اروح بثوب وشماغ قالي انت مفصل بدله عسكرية ميدانية صحراوي مدري وشي قلت لا قال فصل وخلها معك

يعني اذا رحنا يوم السبت للتحضير بمركز طوارئ الرياض بيعلموننا ايش نشتري ومتطلبات الدوره ؟

هل على طول بيبدون بالدورة او يقولون لنا روحوا اشتروا الاغراض وتعالوا بعد يومين كذا او من بكرة ؟

هذا اللي حبيت اقووله واستفسر عنه يحباايبي

دعاء ضيق الرزق للشيخ صالح المغامسي حفظه الله
حسبنا الله سيؤتينا الله من فضله انا الى الله راغبون

السلام عليكم ورحمة الله وبركاته

حبيت استفسر الحين الواحد اذا خلص الـ 45 يوم قوات الطوارئ يخلونه يفصل البدله الرسميه اللي لها هيبتها ايام التدريب حتى يخلص الـ6 شهور او تفصيل البدله الرسمية بعد التخرج من الـ 6 شهور

والله يا انا انتظر يوم السبت يجي ابغااهم يحجروني عندهم ويلعنون خيري راضي بكل شي يسوونه فيني بس اهم شي بعد الـ 45 يوم يخلوني افصل البدله حقت الطوارئ ههههههههه داري تتضحكون تتقولون اكبر همك تلبس البدله ههههه والله يابدلة الطوارئ اخق عندها لدرجة اني يوم اروح اقدم العسكري يكلمني ونا اطالع البدله ههههههه

يارب توفقني وتيسرلي امري ويوفقكم يارب ويرزقكم (( لاكن مثل ماقلت البدله الرسمية يخلوني افصلها بعد الـ 45 يوم او بعد التخرج من الدورة كلها الـ6 شهور ))

*

السلام عليكم ورحمة الله وبركاته

هالحين ياعبودي وش الرتبة الي عطوك؟؟؟

موفق بإذن الله ... لك مني أجمل تحية ..