14-02-2012, 03:25 AM
|
|
Guest
|
|
تاريخ التسجيل: Jul 2011
الدولة: بيتنا
المشاركات: 839
معدل تقييم المستوى: 0
|
|
[align=center]
اقتباس:
المشاركة الأصلية كتبت بواسطة دوسري مطنوخ
[align=center] السلام عليكم ورحمة الله وبركاته
اخواني جتني فكرة للفتح مغسلة ملابس في الرياض
ابي منكم تعطوني افكاركم للمشروع و كم احط ميزانيه للمشروع و من وين اجيب المعدات و مواد التنضيفات و العلاقات و النايلون و كل شي يتعلق في المغسلة
و الطلب الثاني يا أخواني ابي منكم تقولون لي اشلون ادير المغسلة و ادقق الحسابات علشان العمال ما يسرقوني و ماهو الخدمات اللي تنصحوني اسويها للزبائن للكسبهم
و الطلب الثالث ماهي المعدات المطلوبة للمغسلة وبكم اسعارها..؟
و اخيرا ابي رايكم بكل صراحة في المشروع و اي عماله تنصحوني بها الفلبين او البنقلادش او الكيرلا و كم عامل احتاج و كم اعطيهم رواتب للي عنده خبره و الجديد كم الراتب اللي يستحقونه
و ممكن يا اخواني تقترحون لي موقع مناسب للمغسلة في الرياض ..؟
و ماهو الأسم اللي تنصحوني فيه لمغسلة ملابس..؟
اشرايكم بخدمة التوصيل
مسامحه طولت عليكم في الموضوع بس لتلوموني ابي نصائحكم المفيده للمشروع و ابي اعرف المشروع مربح و لا غير مربح
تحياتي لكم
[/align]
|
هلابك يا دوسري مطنوخ
باختصار
الافكار
خل بالمغسلة خدمتين خدمة عادية وخدمة في اي بي يعني خاصة
بالنسبة للخدمة العادية على اسمها غسيل وكوي عادي
الخدمة الخاصة حط عليها عروض مثلا
1- لكل عميل تزيد فاتورتة عن 300 ريال الشهر يحصل على كيس مقوى وحافض للملابس كيس من القماش والنايلون المقوى
2-خياطة الازرة الناقصة يعني اي ثوب او جاكيق ناقصة زرار اوطايح منه زرار تضع له زرار مجاني من عندك
3- العميل اللي يندرج تحت هذه الفئة يحصل على ملابسة بعد نص ساعة من استلام الملابس
4- تبخير الملابس بعود كمبودي اصلي اذا رغب الزبون
5- غسل ملابس العميل بشكل خاص ولا تغسل مع اي ملابس اخرى
هذي بعض الافكار وانت عاد اجتهد في الباقي
* حط جلسة صغيرة داخل المغسلة للزبون اللي ينتظر ملابسة اما كوي ولا غسيل مستعجل وغرفة تبديل ملابس صغيرة بعد
ولا تنسى كاسة شاهي وموية بنص
تخلي الزبون يوصخ ملابس عامد عشان يجي يغسل عندك
بالنسبة للتكلفة
الادوات اذا جديد مو اقل من 65000 ريال
اذا مستخدم من 25000 الى 40000
بالنسبة للعلاقات اقرب مغسلة اخوي وخذ رقم المصنع معلى كرتون العلاقات وصلى الله على محمد
الاكياس اقرب مصنع نايلون وبلاستيك قريب منك وياكثرهم وافضل شي انك تطلب منهم يطبعون لك شعار واسم المغسلة على الكيس
مواد التنظيف محلات الجملة اي ثلاجة تبيع جملة تلثى عندهم اللي تبي
العمالة انصحك بالهندي ولا تدور غيرة
التوصيل ضروري وخاصة للعزابية
المعدات المطلوبة
كواية ملابس وحده عادي وحدة بخار
غسالتين اقل شي
نشافه ملابس
خزان ماء عشان البخار
مكينة خياطة
اشلون تدير المغسلة
اخوي هذي عاد
اول شي دفاتر فاواتير مرقمة وثلاث نسخ
الاولة للزبون والثانية للمحل والثالثة لك انت تمر كل يوم وتسحب الفواتير المخلصة وتخلي الجديدة
ثانيا لا زم تعود العمال انك تجيهم باوقات مختلفة وتجلس بالمحل على الاقل ساعة واي زبون يجيك يطلب ملابس تتاكد انه ياخذها بالفاتورة واذا حصل خلاف ذلك لا تفوتها للعامل اخصم عليه نص يومية او يومية وخلك صارم معه مره ثنتين ثلاث وبيتوب
حط لوحة تحذيرية بالمحل ان الملابس لاتسلم الى بالفاتورة وان المحل لايلتفت لشكوى اي زبون مالم يكن يحمل الفاتورة واكتب اخلى مسئولية
احرص ان الفواتير تكون صادرة من دار طباعة بعيده ولا يدلها العامل وحط خلف كل فاتورة علامة مائية للمؤسسة اللي طبعت عندها الفواتير عشان يصعب على العامل الحصول على فواتير طبق اللي عندك
الحساب اخوي
كل يوم بيومة واودع في حساب خاص بالمغسلة كل يوم تودع الدخل
بالنسبة للاسم اخوي
شف اسم شبابي وهادف
وركز على ان اللوحة تكون واضحة من بعيد ولا فتة للنظر
الديكور بدع فيه وركز الانارة داخل المغسلة
ولو تحط انارة نيلية اي ابيض نيلي يزين المنظر
المهم اخوي لو حصل ان صار هناك مشكلة من قبل الزبائن احرص دائما ان تكون في صف الزبون حتى لوكان غلطان ولا زم ترضية
وخل عمالك يلبسون جنتل ويكشخون ويكونون اخلاق مع الزبائن وش النتيجة
هذا الي اقدر افيدك به اخوي والله يرزقنا وياك من واسع فضلة [/align]
|
العرض العادي
