اخر المستجدات بمكتب العمل لابد تنتظر 3 اشهر بعد تسجيل السعودي بالمنشاة ايا كان نوعها وحجمها ان شالله خباز تميس انتظر 3 اشهر وبعدين يصدرون لك التاشيرة

ابي اعرف شي واااااااااااااحد وشلون ها الشركات تجيب عمال بالهبل ادخل اي مطعم يمني مندي او مظبي شف العالم جوووووووووا وشلون طلع لهم تاشيرات ؟؟؟

من يعرف مطعم المكي اللي بالدائري الشرقي امام متحف صقر الجزيرة بعد مخرج 11

اللي يروح هناك يناظر جو المحل اذا هم 70 عامل يمني شوي

وحنا طلعوااااااااا عيونا

حبيت اوضح للاخوان حطوا بالكم 3 اشهر اضافية خساير لين تطلع تاشيراتك

السلام عليكم
طيب لو ابسجل واحد من الاهل وبعد ما يعطوني التأشيره وجيب العماله اطلعة من التأمينات
*بعد ما شيله من التأمينات يكنسلون على التأشيره ولا ايش بالضبط ؟؟؟؟؟؟

اخي واللي بيفتح كوفي شوب سيارة وش تنصحه فيه

انا مهنتي طالب هل اغيرها ولا لا

واسمي موجود في التامينات

افتح الكوفي باسمي ولا ادور لي حد عنده مؤسسة

جزاك الله خيررر والله ماقصرت

وبالتوفيق للجميع

تخيل المشروع ما نجح وهذا وارد مع ارتفاع الإيجارات

واللي يبغى يفتح محل على قدر حالة مثل مغسله حلاق وو الخ

السؤال


الموظف السعودي وين موقعة من الأعراب

في حاله فشل المشروع
او في حاله الدخل البسيط
او المحل للتقبيل

هل يفضل مقيد بالتامينات على حسابي
بالنهاية راسي وراسه مطالبات ودعاوي

انا طلعت سجل تجاري مؤسسة مقاولات باسم الوالده لاني موظف قطاع خاص واستاجرت المحل اليوم وابروح أأثثه واحط اللوحه ومتحمس وعندي وكالة بس صراحة اشوف الامور مالها الا تتعقد ..
الله ييسر الامور والله احباط ما بعده ولكن الله الرزاق