السلام عليكم ورحمة الله وبركاته

كيفكم يامنتدى البطالة

ندخل في الموضوع

انا دخلت شريك مع واحد لبناني في محل للعطورات

بشرط كل واحد يدفع 100.000 ريال

لاستيجار المحل والديكورات والبضاعة

ارجوكم افيدوني

ابي اضمن حقوقي لو سمح الله هرب او صارت بيني وبينه مشكلة

واعتذر اذا كان موضوعي في المكان الخاطى

بانتظاركم

بس شغلكم اكيد على سجل تجاري ولا لا؟ خذ سند قبض بكامل المبلغ وعقد اتفاق مختم بختم السجل وصدقه من الغرفه التجاريه هذا اذا ما كان السجل باسمك

وكذلك المعرفه والمتابعه اول باول والكفاله اذا امكن

وليه تعطيه الفلوس .. انا مستغرب صراحه ..

شوف حبيبي ... أول شي تسويه بعد ماتطلع الرخصه تحول اللبناني على اقامتك وجواز سفره يصير عندك

عاجبه اهلا وسهلا .. موعاجبه يضرب راسه باكبر جدار ويطلع بره . هذا اهم شي اهم شي اهم شي .

ثانيًا الفلوس كلها تصير عندك وانت المسؤول عنها وانت اللي تتفق على الديكورات ( ابي هذا ومابي هذا )

ملاحظه : ترى اغلبهم يجيبلك راعي ديكور متفق وياه ويرفع عليك السعر .
بمعنى انت اللي تختار مع راعي الديكور وانت اللي تكاسر وانت اللي تتفق واللبناني يصير مشرف على التركيب والمتابعه . واي متطلبات اخرى كذلك مثل علب العطور وغيرها .. انت تتفق وتختار مع الجهه وهو يراجع ويشرف على النقل والعدد و والتخزين وغيره .
ومايمنع انك تشاوره في بعض الامور وتاخذ رأيه

بمعنى انت اان الاداره المركزيه عندك .. و الاداره التنفيذيه عليه هو وخلك دقيق في المراجعه معاه .. ويحمد ربه

وتذكر انه هو المحتاجك مو انت اللي محتاجه .. انت صاحب البلد وصاحب الرخصه وصاحب الاقامه واذا مو عاجبه

يدور له واحد غبي ينصب عليه .

الخلاصه هو موظف عندك قبل لا يصير شريكك .

غير هالكلام لا تفكر .

اخوي خلك من الشراكه والله المشاريع كثير بأقل من مبلغ 100الف

ولحالك وانت صاحب المال وفيها بركه وربي

كنسل الشراكه مع اللبناني نصيحه اخويه
واياك ثم اياك ثم اياك

لايغرك انه لبناني وشكله حلو
200000 على محل عطور ! سلامات

انت متأكد انه بيحط معك 100000؟؟

و الله لو يدفع اللبناني مية الف ان يخليك تكتب له بيتك رهن استغفر الله العظيم

محل العطور ما هو مشروع نادر عشان تحرص على شراكة اجنبي معك تقدر تحطه موظف او عامل في المحل اذا له خبرة تفيدك عطه راتب طيب .

بالتوفيق

الحل بسيط جدا جواز السفر هي تمثل العائق البسيط له
في حال انه نوى ينصب عليك هذا
والشي الثاني لاتستحي منه مهما كان خل شخصيتك
قويه لان شايف من اسلوبك انك مستحي اخوي هذا
حلالك بس ليش 200 الف في محل عطور؟؟؟