بسم الله الرحمن الرحيم
السلام عليكم ورحمة الله وبركاته

يالربع لي 3 اشهر من يوم تعينت في الحرس الوطني ولهالحين مانزل الراتب

رحت للمحاسب وسالته , قال لي تأخرنا برفع مباشرتك ويقول بعد ماظن ينزل الشهر هذا شي


ابي اعرف وش السبب لان اخوياي يقولون اذا تاخر رفع مباشرتك ماتقعد 3 شهور
ينزل راتبك الشهر الثاني من رفع مباشرتك


الله لايهينكم بانتظاركم وجزاكم الله خير

أتمنى يجي من يفيدك

جزاك الله خير

الله يغفر لك ولوالديك ووالدي ماتقدم من ذنبهم وما تأخر آمين

[align=center]وعليكم السلام ورحمة الله وبركاته


المفروض انهم يرفعون مباشرتك على طول ولا يتأخرون في رفعها
خصوصا قبل يوم 5 من كل شهر
لان هذا وقت رفع المسيرات للرياض هذا طبعا نظام الجوية واتوقع كل القطاعات نفس الوقت او ممكن الى يوم 7 ما يزيد عن هالتاريخ نهائيا
مع ان اللي متاكد منه هو يوم 5 من كل شهر ترفع مسيرات الرواتب للرياض


اذا رفعت مباشرتك بعد هالتاريخ ينزل راتبك بالشهر اللي بعده
اخوي ياليت لو تاخذ صورة من خطاب المباشره وتراجع فيه الماليه وتشوف
اذا مرفوعه مباشره ومسجله بالنظام او لا
وهم اللي بيفيدونك متى راح ينزل او اذا فيه مشكله عشان تقدر تحلها من بدري ،،
طبعا هالكلام لو ما نزل لك راتب هالشهر ،، انتظر الى يوم السبت لو ما نزل راتبك ،،
سوي اللي قلتلك وخلص امورك من بدري عشان تحلق تخلص إجراءاتك وينزل الشهر الجاي


بالتوفيق لك اخوي[/align]

الله يجزاك خير

يابو نادين وابشر بسوي اللي قلت عليه بس الماليه اللي تقصدها عندنا في الكتيبه ولا الرئاسه؟


بانتظار لاهنت

بيض الله وجهك والله يجزاك خير ويحقق لك ماتمناه آمين

فهمت المقصد والماليه فيه مكتب لهم عندنا في الكتيبه وهم اللي تأخرو برفع المباشره وقالولي يمكن ماينزل الشهر هذا اللي هو شهر 3

انا فكر اروح للرئاسه بس مدري فيه هناك قسم مالي او اي مكتب مسؤول عن الرواتب ولا لا؟

على العموم ماقصرت والله يعطيك العافيه وبانتظار البقيه بارك الله فيهم

الله يعين وانا اخوك مالنا الا الصبر

الله يعطيك العفيه ماقصرت