روح وجرب ام الشحططه الله يعينك كل يوم بداوم عندهم
علشان يطفشونك
واسالني انا من واقع تجربة

رجعنا لكم بعد ان ذهبت الى المقابلة لكم ان تتخيلوا وياليتي مارحت من البارح لانوم زي الناس ولا يهم يحزنون وفي الاخير صدمة ماتتخيلونها اولا رجت للموقع اللي فيه المقابلة كان في شركة تعرض وظيفها واغلب الحضور عندهم شهادات جامعية ومنهم من عندهم كمان ماجستير حضروا دخلنا المسرح وطلع المسؤل عن الموارد البشرية طبعا(مصري الجنسية) وركزوا فيها بالله شركة وطنيه وصاحبها من كبارات رجال الاعمال ومشهور ويشار له بالبنان وحط مدير موارد بشرية مو سعودي وعلشان يوظف ابن البلد والله كارثة المهم طلع يشرح عالمسرح عن الشركة ومميزاتها والدورات الدريبية اللي تقدم للمستجد الجديد لا وازيدكم كمان الموضوع فيه كفيل غارم اذا تركت العمل وبعد البربرة المعروفة حقت المصريين جاء دور الوظائف المعروضة وربي الكل كان حانق على حافز قصدي عاجز على الوظائف هذي بالله تخيلوا ايش هي اول وظيفة جرسون ثاني وظيفة حمال حقائب ثالث وظيفة مغسل اطباق في مطعم ...بالله ايش تتوقعوا من عاجز

نسبة 90 بالمية شال حالو وخرج من المسرح من الصدمة والكل يسب ويعلن وضيع وقتوا على شي مايستاهل لكم الحكم اخواني ...

ايوة يالغالي انا جامعي وتخصصي هندسة طائرات من الولايات المتحدة والشكوى لله

ممكن اسالك اخوي انت استلمت كم دفعه يعني بعد كم دفعه ارسلو لك المسج؟؟

استلمت يالغالي دفعتين يعني بعد الدفعة الثانية ارسلوا المسج والدفعة الثالثة اتوقعها ناقصة والله ماهمني تزيد تنقص بقدر مايهمني وظيفة زي الناس مو زي وجههم صدق اللي قال الرازق في السما والحاسد في الارض

يعني انت متخرج من جامعااات امريكا واعرضو عليك ذا الوضايف؟؟؟؟
ماأأأأأأأصدق
اجل اشلون لو دارس في جامعاتنا

شهادتك ترفع الراس فكر بالهجره لقطر او الامارات الله يرفنا وياك