السلام عليكم ورحمه الله وبركاته
طبعا هذا الشاب حلمه كحلم اي شاب يكمل تعليمه واي تعليم وهو ان يكون حامي للوطن وان يقدم روحه فداء له هو شاب في العشرين من عمره فرح عندما علم انه تم قبوله في امن المنشات بتبوك ولكن الفرحه لم تكتمل فموعد مقابلته في 26-3 اي يوم الجمعه اي بعد غد يعني راح تحطم الامل طبعا والامل بالله كبير القصه ومافيها انه صح لازم يجيب شهاده دبلوم حاسب اقل شي ست شهور هو توه مخلصها ولسى ماستلمها وبيروح يستلمها من الغرفه التجاريه بالمدينه المدرس حقه مصري الله يسامحه مايعرف ويش قبيلته مدري يمكن هم لخبطوا من عندهم لمى جوا بيطبعونها او يمكن خيره له حطوا باسمه انه مثلا عنزي طبعا والنعم فيهم وبكل القبائل بس هو ماهو عنزي هو من قبيله ثانيه قالوا يبغالها علشان تنعدل يومين ثلاث مدري يمكن اكثر ياخي خل الشهاده تقعد عندهم ويشيسوي فيها وموعده بعد بكره والله حرام كان قبلها حاسس ان مافيه امل هوووووو مستوفي الشروط بس شيسوي الله يعوضه ادعوله ان الله يفرج همه وييسر امره وهل اللي ماراحوا بنفس الموعد يقدرون يعطونهم موعد ثاني ومين صارله كذاااااا مثله تكفون لاتنسونه من دعائكم

وعليكم السلام ورحمة الله وبركاته
وفقك الله وفرج همك

عددل امورك ورح والله كريم وخذ اوراقك والله يوفقك

دام ان الغلط منهم قل عطولي مشهد رسمي عليه ختم إني مخلص دبلوم كذا كذا في تاريخ كذا كذا ويستغرق ثلاث أربع ايام لحين جاهزيتها واستلامها لظروف تخص ( مرجع الشهادة )

ترى قدمنا بمشاهد زمان ومشت دام ان المشهد رسمي ومذكور فيه ان حصلت على شهادة بمعدل كذا وكشف للدرجات وكذا

يعتبرونها شهادة المشهد لحين استلام الاصل الرسمي وشكراً

او بقولك شيء خيره واختارها الله
وعسى ان تكرهوا شيئا وهو خيرا لكم

يمكن الامر ذا صارلك يمنع عنك مصيبة او شيء مايرضيك
( فلو علمتم كيف يدبر الله أموركم لذابت قلوبكم من محبتة )

ماتدري يمكن فيها خيره لك

ترى ربي المتكفل بالارزاق وهو على كل شيء قدير

فخل الامور تمشي على ماتبي لين ربك يفرجها

موفق بإذن الله ... لك مني أجمل تحية .