السلام عليكم ورحمة الله وبركاته
يومكم سعيد برضا من الله
أحببت أن أسألكم وأستفيد من تجاربكم
ما رأيكم بعملية الليزك أو ما يسمى تصحيح النظر والاستغناء عن لبس النظارة ؟؟
لعمر فوق الأربعين ...سؤالي للوالدة الله يحفظها لاني أخاف عليها من تبعاتها أم الضوء أو تردي النظر أكثر !!
لأنها طفشت من النظارة والسبب الأقوى من الطفش هو لون أثر النظارة عند العينين ؟
ما تجاربكم أو نصائحكم ؟؟

بسيطه يااختي والعالم تسويها بنص ساعه وانا والله انى اعاني من سواد تحت العيون بسبه النظاره الشمسيه موفقه ومعافيه ان شاء الله الوالده

سلامتها ماتشوف شر

وعليكم السلام ورحمة الله وبركاته

ربي يسعد ايامك

أختي في ناس كثير سوتها وارتاحت معها وانا من ناحيتي كنت بسويها لكن رحت لأكثر من مستشفى وبعد الفحص قالوا لي :حتى لو سويتيها مارح تنفعك مرة الافضل لك تلبسي النظارة لحد ما تتحسن تدريجيا وبعدها نعملها


المهم روحي وديها لمستشفى معروف بهالشيء وممتاز مثل الحبيب تقريبا عنده ب7000 ريال

لأن العين خطر تجازفين بها في أي مستشفى

لاتنسي الإستخارة

ربي يشفي والدتك وجميع المسلمين

رأي تبقى على النظارة لانه قدتعمل عملية ليزروماتستفيد
لانه قدتخسرمبلغ وقدره وترجع على النظارة ولدخالي سواها
بحدودثمان الاف ورجع على النظارة والمستشفيات تختلف
ربي يعافي الوالده ويطول بعمرها

__________________
"لله دُر أمي إذا ابتسمت
تهادت جروح قلبي والتئمت"

أختي العزيزة :


الله يشفي الوالده ويكتب لها اللي فيها خير ، بخصوص تصحيح النظر مستحيل احد يفيدك بالموضوع أكثر من الدكتور ، قبل ما افكر اسوي هالعملية لأجل التقديم بالعسكرية كنت اسأل واسأل وبصراحه ضعت بين كلام الناس لأنهم مو سوا ، أول ما سويت رحت للعيادات واستفسرت عن الاسعار بحكم الميزانيه السيئه ، لقيت مستشفى سمعته طيبه( مستشىفى الدكتور سليمان فقيه ) والاستشاري سعودي صاحب كفاءة عاليه اسمه الدكتور : ياسر المزروعي ، قالي العملية ما ادري ولا اي شخص يقدر يقول تقدر تسويها فيه فحص بالاول لازم تسويه طبعا الفحص يشوف مقاس النظر بالتمام لأن هالقراءات تتثبت بالعملية وسوا لي فحص القرنيه تقريبا ذي كلفتني 750 ريال طلع فحص القرنيه جيد ومؤهل للعملية حدد لي موعد العملية بعدها بأسبوع جيت ومعي الوالد وسويت العملية اللي ما اخذت طبعا اربع دقايق لكن قبلها ننتظر علشانهم يحطون قطرات مخدر ، وانا حاليا بالشهر الثالث ومبسووووط لأني اشوف افضل من النظارات والعدسات وكل شيء طبيعي والحمد لله ،،


اللي حاب اوصله لك الاول تسوي كشف القرنيه وهم يحددون لها المناسب والله يوفقها ويكتب لها اللي فيه خير وما تشوف شر ان شاء الله


دمتي بود

زيارة بسيطة لأقرب مستشفى متخصص في عمليات تصحيح النظر تعطي الاجابة الشافية .

ومن خلال الفحوصات المبدئية والنظر في كل المعطيات للوالدة حفظها الله ,يظهر للطبيب مدى نجاح العملية والتوفيق من الله سبحانه وتعالى .

النصيحة الاولى هي التوجة لـ دكتور ذو سمعة طيبة ومجرب من قبل احد معارفكم . . النصيحة الثانية ان كانت الكشوفات تؤيد العملية ولايوجد شك في قدرة الدكتور أستعينوا بالله ومن ثم بالدكتور واجروا العملية , اما أذا كانت الفحوصات فيها مجال للشك اذهبوا لطبيب آخر معروف في منطقتكم . . للأطمئنان على التشخيص المبدئي ومدى صحته .


والله الشافي ونسأل الله ان يشفي جميع مرضى المسلمين والمسلمات .

عـلى حـد علمي ان الـوآآحـد اذا تعدى الثلاثين من العمر لايعملوون له عمليية ليـززك ,,