السلام عليكم ورحمة الله وبركاته
يسعدلي صباحكم / مساكم

اخواني حبيت استفسر
سجلت قبل شهرين تقريبا في شركة الكهرباء السعودية (( سكيكو ))
في نفس اليوم سوو معي مقابلة مع 3 اشخاص واخذوا الوزن والطول
وقبل 3 ايام اتصلوا علي قالوا تحضر بكره الساعة 9 الصباح
رحت لهم ومعي اوراقي واعطوني نموذج بيانات المتقدم
عبيت النموذج وسألت الموظف شلون الطريقة قال مدري خلك على اتصال وبس
بصراحة ماصرت اتهنى في نومي كل ساعة صاحي اشوف الجوال اتصلوا او لا
ارسلوا مسج او لا .. مع العلم اني عاطل 5 سنوات لاتلوموني اذا هلوست

ياجماعه ابغى استسفر متى النتايج متى يتصلون وهل الوظيفة اكيدة او يبغالها فيتامين واو
تعبت نفسيا من البطالة احس اني مهمش مالي اي قيمة في الحياه عمري 26 سنة وللحين جالس
الله يكتب اللي فيه كل خير

الرزق بيد الله اجل حنا وشنقول اصبر ماباقي الا القليل

اخوي لو سمحت
وين مقرهم الي رحت له انا سجلت بموقع الشركه السعوديه للكهرب ونسيت رقم الطلب
الي كلموك وين مبناهم لاهنت

رجل غيور
المشكلة ان الموظف يقول مو اكيد التوظيف عشان كذا جالس احاتي

مايهمني لقب
لك رسالة عالخاص رديت عليك

تكفون ياجماعة اللي عنده خبر يعلمني

غريبة منتدى بطالة كامل مايدرون ؟؟
وينكم ردولي خبر ياهل الشرقية

لو سمحت اخوي شرقاوي كيف التقديم طفشنا ملينا

التقديم راح الحين فرز
مامعي واسطة .. واسطتي ربي
اللي يعرف احد بمقر الشركة تكفون لاتبخلون
والله اني في امس الحاجه لهذي الوظيفة

موفق بإذن الله

اذا انت مع اللي سوو الفحص الطبي قبل اسبوع في الرياض انت مقبول نهائي
انت وين قدمت بالشرقيه ولا بالرياض

انا قدمت في الشرقية واعطوني نموذج تعبية طلب وعبيته واعطيتهم اوراقي
قال خلك على اتصال
الكلام هذا يوم الاثنين او الثلاثاء اللي راح
ابغى استسفر متى يردون لنا خبر وكيف اعرف انا مقبول نهائي او لا
مع العلم قالوا اوراقكم تروح لوزارة الداخلية
يالربع ساعدوني اللي عنده خبر لايبخل الله يجزاكم الجنه يارب