مساء الخير ..

اذا سمحتوا ابغى ضروري ضروري مساعدتكم

ابي افتح محل اكسسوار نسائي والامور الحمدلله تمام من ناحية المحل لانه برى الرياض بس محتاره من وين اجيب

البضاعه لاني رحت للجمله في المرقب البضاعه مهيب ذاك الزود مع انها رخيصه بس وش اسوي ماادري وين اروحو إذا فيه اماكن في غير الرياض تبيع جمله تكفون علموني وابغى اسم يكون حلو بالانجليزي ولو بغيت الديكور فيه مواقع تساعدني او احد يعرف عن هالشغلات لان وقتي ضيق تكفون ابغى اخلص بسرعه وافتك

تكفون لاتهملون طلبي وتسلمون

شكراا..

ياهلا فيك اختي.....اذا تبين الجملة مالك الا جدة..وعندك الاخ فتى نجد...ان شاء الله مايقصر معك...بالنسبة للديكور عندك اختنا سحر العيون...ما شاء الله عليها فاهمه في الديكور ومثل هالشغلات....واذا تبين اسم بالانجليزي عندك pearl يعني لؤلؤة.....

هذا اللي في خاطري الان....واي خدمة ما احد بيقصر معك

مشكور اخوي الدبلوماسي ..

وان شاء الله الاخوان يساعدوني لاني متوهقه من جد

شكراا..

بسم الله الرحمن الرحيم

ياليت تجاوبيني على اسئلتي :

1- من اي مدينة انتي
2- بصفتك انثى وشلون راح تديرين المحل ومن اللي راح يتقضى لة ؟
3-ليش فكرتي بمحل بدلا من البيع من المنزل او بالانترنت او البيع على الحريم في تجمعاتهم

ارجع لكلامك .... الاسم اظن يوزرك مناسب لنشاط خاص بالنساء . فكري فيها

المرقب فية اشياء غالية الحبة فوق المية والبيع مفرق ب150 واكثر لكن التجار يخبون بعض البضائع الزينة علشان التقليد والمنافسة ومايعرضونها الا على زباين مخصوصين ومعروفين لهم .

شوفي اكبر تاجر في المرقب منصور المنصور روحي لة وبتلاقين شيء زين ايضا المحلات اللي في مواقف السيارات روحي لها

وش باقي بعد ... اية .. كم راس مالك وهل عندك خلفية في البيع والشراء .


واي سؤال لاتستحين انشدي باللي في خاطرتس..

سلام عليكم

نسيت اقول لك تجار الجملة في جدة في الخاسكية( البلد ) بس فيتس شة للسفر والروحة والردة

الا على فكرة ليش تقولين متوهقة ... التجارة مايبي لها قلب رهيف لازم تكونين قوية وصبورة علشان تنجحي ...

شكرا اخوي black355

اما بالنسبه للأسئله انا من مدينة الرياض بس ابفتح المحل برى الرياض

بالنسبه لادارة المحل اخوي بيقعد فيه وانا اللي ابتقضى البضاعه تعرف لازم ذوق حريمي يدخل في الموضوع وفكرة المحل عندي احسن لاني مو فاضيه والله ولا كان فكرت في الانترنت وهالشغلات واسمي مااعتقد ينفع اسم محل كنت ابغى اسم انجليزي اوفرنسي اوايطالي كلمه تكون كذا لها معنى وحلوه عاد انا فكرت بكم كلمه

المرقب والله درته بس لقيت بضاعته حليوه ماعليها بس مش واو يعني لازم انوع تعرف الناس اذواق حتى محلات المواقف درتها بس اللي استغربته ان البضايع اللي في المحلات نفس الشي تشبه بعض مهيب زي اللي اشوفها في هالمحلات ولا الاسعار والله ماعليها زينه

والله ماعندي خلفيه بيع وشراء بس اخوي عنده خلفيه
ولو سمحت اخوي منصور المنصور وين القاه فيه وبالنسبه لجده عادي نروح لها اذا ابلقى فيها غرضي بس اهم شي القى ومشكور اخوي مرة ثانيه..

ومازلت بحاجة اراءكم

اختي انا ممكن اساعدك اجيب لك من الصين

يعطيك العافيه راح نتواصل على الايميل