02-03-2008, 04:34 AM
|
|
Guest
|
|
تاريخ التسجيل: Mar 2008
الدولة: SoON ..Virginia..Or..Texas
المشاركات: 7,366
معدل تقييم المستوى: 0
|
|
قــال وث رايـك تثـــــابق ؟؟؟
أحبتي : الشاعر/ محمد عويضـه يعاني إعاقـه منذ طفولتـه ، تقتلـه نظرة
الشـفقه في عيون النـاس ، ورغم شجاعته ورباطة جأشـه إلاّ أنه وبعفويه
يخرج على لسانه شعراً أو نثـراً ما يصوّر معاناته ، أقرأوا معي معزوفتـه
وهــو يقـــول :
( قال وث رايك تثــابق ؟؟؟ )
الطفولـه ..
أحلى مافي هالحياه
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني ...
بسمه فينا ترتســم
كنـّا نركض خلف كوره .... لا لا أنا ماكنت معهم؟
وحدي بس بعيد عنهم ... كنت أضحك من ضحكهم ...
جالس لحالي أهذري... جالس أحسب كم( كوبري )...
صلـّحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... لا لا أنا ماكنت معهم !
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلاّ( ماجد ) !
كان مثلي حيل ضايق ...
بس حزنـي كــان حارق
كان يسألني ببراءه ! ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وث رايك تـثــابق) ؟
وراح عنــّــي ... !!
كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شيٍ أجهله ؟
وإن تعبت من الإجـــابه...
أحظن الحيـــره وأنام .
مرّت سـنين وكبـرت ..
صـار همّي اليوم أكبر
حتى دمعي صار أكثر
للأسف تـوِّي قدرت ..
أفهم إني شخص ( عاجز ) !
يعني بيني وبينـكم
مليون حاجـــز !!!
صدقوني ذي حقيقه ..
لا طلعت السوق .... كل مامشي دقيقه
القى كل شوي أبلَـه !
يمشي ويناظر صديقه ..
ويغمـز لـه ...
يقول : ناظـر...!
وش يناظـر ؟؟
ويتفجّــر في خفوقي
ألف ضيقـه
ووحده في وسط الزحام ..
طالعتني باهتمام ...
بنت في عمر الزهور .... أي رشاقه .. وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توّي افتكرت ...
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـتمـتم بطيبه
( يكـسـر الخاطــر حـــرااااام ) !!!!!
وتركت دمعه غريبه ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لاغدا الرجـّـال يكـسر ... خاطر انثى
كيف ينسى ؟؟؟
جاوبوني !
وزاد همّــي ..
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ..
مهما طالب ... لويلف ولو يدور
زين لو حطـــّوه كــاتب
لا ... وعلى بنــد الأجـــور ...
ماهو رسمي !!!
( منقوووووووووول )
|
العرض المتطور
