مشرووع محل تصوير نسائي

black355 · #11 (**permalink**) 08-03-2008, 08:33 AM

لقيت لك معهد في الرياض نسائي يعطي دبلوم تصوير فوتوغرافي هذا عنوانة
معهد المهارات والفنون

ص.ب. 341198
الرياض 11333

هاتف: 2011549 - فاكس (تحويلة 110)
بريد إلكتروني: info@artsandskillsinst.com

وهذا ويب سايت

http://www.artsandskillsinst.com

ويارب يوفق الجميع

محضوضة · #12 (**permalink**) 08-03-2008, 03:07 PM

ممكن اخ

black355 تعطيني فكرة عن شركات التصوير الي تعطي امتياز التجاري وكم اسعارها وهل تعطيني دورات اوخبرات وش سالفتها

أم قصي · #13 (**permalink**) 08-03-2008, 03:37 PM

وانا بعد نفسي اخذ خلفيه عن الموضوع

black355 · #14 (**permalink**) 10-03-2008, 09:50 AM

اقتباس:

المشاركة الأصلية كتبت بواسطة محضوضة

ممكن اخ

black355 تعطيني فكرة عن شركات التصوير الي تعطي امتياز التجاري وكم اسعارها وهل تعطيني دورات اوخبرات وش سالفتها

محظوظة وام قصي والكلام للعموم

فية شيء اسمة امتياز تجاري يعني مثل الوكالة ولكن بشكل مختلف . كيف ؟

يجي شخص يبغى يفتح مطعم او ملابس او معهد تدريب او محل تصوير او حتى ورشة سيارات يروح يبحث عن شركات تقدم نفس النشاط اللي في بالة وتكون لها اسم وسمعة وعندها برامج الامتياز ,, يخاطبها صاحبنا ويتفق معها فتعطية امتياز باستخدام اسمها وشعارها وكل شيء ويدفع لها سنويا مبلغ محدد مقابل استخدام اسمهم وفية شركات تاخذ نسبة سنوية من المبيعات .

وش الفايدة لك انت ياللي ماخذ الامتياز ؟

الاستفادة من سمعة الماركة وشهرتها وبالتالي الثقة في منتوجك تكون اعلى من اسم مجهول وجديد في السوق .

هل يعطون دورات ؟

نعم .. وتجي عندهم للشركة ويورنك كل شيء ويفهمونك كل شيء والدورات تختلف من نشاط الى اخر من اسبوع الى بضعة اسابيع حسب نوع الشركة والنشاط .

وفية متابعة لك سنويا ويشوفون مبيعاتك واذا شافوك ردي ممكن يلغون الامتياز لانة يهمهم اسمهم وسمعتهم .

طبعا الفكرة مكلفة ولاتناسب شباب او بنات في بداية حياتهم لان بعض الامتيازات تكلف نصف مليون الى مليون واكثرتدفع سنويا للشركة الام .

فية اتحاد دولي للامتياز التجاري يعمل ندوات ومؤتمرات .

من الاسماء الموجودة عندنا بنفس الفكرة : ماكدونالد وهارديز وكنتاكي باسكن روبنز ودانكن دونات ومقاهي ستار بكس في الاطعمة وزار وليمون ونكست وجميع الماركات في شركة الحكير وشركة الشايع بنظاام الامتياز او مايسمى بالانجليزي ( الفرانشايز)

هاذي فكرة الامتياز باختصار شديد وفية شركة في جدة مختصة بهذا الشيء اسمها شركة الامتياز التجاري وفية معرض يقام في دبي كل سنتين بهالاسم .ولمن اراد المزيد يدور في قوقل .

موفقين لكل خير واللي ودها تفتح محل تبدا صغيرة وشوي شوي تكبر ... ولكن ماتجي وحدة وتقرا كلامي وتيأس ... لالا . كل شيء يبدا صغير ثم يكبر .

في امان الله

محضوضة · #15 (**permalink**) 10-03-2008, 01:35 PM

black355 مشكور

دمعة التوت · #16 (**permalink**) 10-03-2008, 05:41 PM

اقتباس:

المشاركة الأصلية كتبت بواسطة black355

طيب اذا مافية سوق نسائي اكيد فية ملاهي للعوائل هذي ممكن تكون بديل مناسب ..واذا غلبت الروم ومافية حتى هذي مالك الا تستاجرين دكان في موقع مناسب ولو يكون في مكان قريب من جامعة البنات او كليات البنات علشان يشوفونة في طريقهم ويجونك لما يحتاجونك .
انتي الان لاتستعجلين في التنفيذ ادرسي الفكرة وابحثي في النت وان شاء الله خير.

انتي كم حاطة في بالك راس مال كبداية ؟

ربي يوفقك ,,,

انا قاعده ابحث واستفسر واحاول اجمع افكاري
اكيد اذا بديت ببدأ بدايه متواضعه
يعني على قولهم حبه حبه
ويمكن ماسوي محل بالبدايه
ابشتغل حسابي لين اكون زباين
وبعدين اشوف حسب الوضع

دمعة التوت · #17 (**permalink**) 10-03-2008, 05:43 PM

اقتباس:

المشاركة الأصلية كتبت بواسطة ســلــيــمــانــ

مشروعك ناجح جدا بإذن الله بشرط الدعاية في جريده الوسيله
خصومات ببداية الافتتاح
ديكور ابداع يجلب الزبائن
حسن الاستقبال وعدم اهمال الزبائن
الامانه والسريه التامه في عدم نشر صور النساء
كذلك البحث عن الآلات التصويريه الجيده والمواهب وماقصر اخي place355 في تقديم آرائه

بإمكانك ان يكون مشروعك بدل ماهو للتصوير فقط ان يكون شامل خدمة نسائية مثل خدمة الطالبه مع التصوير وزيادة اشياء اخرى نسائية

والله افكارك حلوه وقيمه
واكيد الامانه والسريه اهم شي بهذا المشروع
والآلآت ماعندي خبره فيها بس جاري البحث عن افضل الآلآت التصوير

دمعة التوت · #18 (**permalink**) 10-03-2008, 05:47 PM

اقتباس:

المشاركة الأصلية كتبت بواسطة أمل عمري

تكفون تكفون انا من جدة واحب شيء اسمة التصوير النسائي ونفسي افتح محل بس مااعرف شيء في التصوير الفتوغرافي ولا اعرف الكميرات المناسة..انا عندى كميرا بس والله مااعرف الا اضبط الصورة وتشيز واطقها بس يعنى موهبة ونفسي اطورها وافتح محل عندى راس مال بحدود العشرين الف

هلا وغلا امل عمري

بالعكس عندكم بجده كل شي متوفر مو زي الطائف
يعني انا اسمع ان عندكم محلات ومشاغل معروفه
تسوي دورات تصوير كل فتره وكمان الجمعيات الخيريه
واتوقع ماهي غاليه كثير
وانا لو اقدر كان من زمان جيت جده واخذت دورات بس الشكوى لله
ماعندي احد بجده

واهم شي بالتصوير دورات الفوتوشوب
يعني شي اساسي وكمان الفوتوشوب اكثر شي حرافه وموهبه
يعني خوذي دورات واعتمدي على الفوتوشوب
او حاولي تجربي على صور عندك وحطي خلفيات وحركااات
وانا سمعت افضل الكاميرات هي الرقميه

دمعة التوت · #19 (**permalink**) 10-03-2008, 05:53 PM

اقتباس:

المشاركة الأصلية كتبت بواسطة حزن الأصايل

دمعة التوت موفقه يالغلا
طيب وش رايك انا عندي فكرة حلوة
ممكن نتعاون انا وانتي ونسويها
اذا موافقه راسلني خاص

انا ماعندي مانع من ناحية التعاون بالعكس اتشرف وربي

دمعة التوت · #20 (**permalink**) 10-03-2008, 05:57 PM

اقتباس:

المشاركة الأصلية كتبت بواسطة black355

لقيت لك معهد في الرياض نسائي يعطي دبلوم تصوير فوتوغرافي هذا عنوانة
معهد المهارات والفنون

ص.ب. 341198
الرياض 11333

هاتف: 2011549 - فاكس (تحويلة 110)
بريد إلكتروني: info@artsandskillsinst.com

وهذا ويب سايت

http://www.artsandskillsinst.com

ويارب يوفق الجميع

يعطيك العافيه ياعسل
وربي هذا العشم فيكم ياأعضاء البطاله
والله لايحرمك الاجر ويجزاك الله خير
شكرا لتفاعلك بالموضوع
سعدت بتواجدك وبمعلوماتك
واستفدت كثير منها

مشرووع محل تصوير نسائي

قسم مشاريع وأفكار

ياليت اللي عنده خبره في هالمجال يفيدني وابي رايكم بالمشروع بشكل عام مع اني ليست لدي اخبره في هذا المجال ولكن من الفضاوه فكرت فيه وراح ابدأ ابحث عن كل...

مشرووع محل تصوير نسائي

تسجيل الدخول

مشرووع محل تصوير نسائي

قسم مشاريع وأفكار

ياليت اللي عنده خبره في هالمجال يفيدني وابي رايكم بالمشروع بشكل عام مع اني ليست لدي اخبره في هذا المجال ولكن من الفضاوه فكرت فيه وراح ابدأ ابحث عن كل...

مشرووع محل تصوير نسائي