مشرووع محل تصوير نسائي

دمعة التوت · #1 (**permalink**) 02-03-2008, 09:58 AM

ياليت اللي عنده خبره في هالمجال يفيدني
وابي رايكم بالمشروع بشكل عام
مع اني ليست لدي اخبره في هذا المجال ولكن من الفضاوه فكرت فيه
وراح ابدأ ابحث عن كل شي يخص هالموضوع
من الموهبه بالتصوير وحتى الاجهزه والالات والكاميرات
ياليت تعطوني ارائكم

عطالي بطالي · #2 (**permalink**) 02-03-2008, 10:19 AM

الله يوفقك يا رب هي فكرة حلوة
وخصوصاً انها مش موجوده
عندنا بكثرة انشالله يفيدك الي
عنده خبرة انا دخلت اتمنى
لك التوفيق والنجاح بمشروعك

black355 · #3 (**permalink**) 02-03-2008, 05:58 PM

مشروع ناجح جدا بشرط حسن الادارة

اذا انتي في الرياض مري على جليمر شوت اللي في عماير السيركون ومري على المحلات المشابهة لة .. وكوني فكرة وممكن تستفيدين من العاملات في هالمحلات في الاجابة على استفساراتك .

ادخلي المنتديات النسائية واساليهم بتلقين عندهم معلومت افضل لانهم يتعاملون مباشرة معهم .

سوي بحث في جوجل عن بنات طالبين وظايف وتخصصهم تصوير وتعرفين عليهم واساليهم عن تخصصهم وعن نوعية الكاميرات وربما اذا عزمتي على التنفيذ تجيبين هالبنت تمسك لك الاستديو .

طبعا انتي لازم تسوين علاقات مع الفنادق وصالات الافراح ليدلون المعاريس عليكي علشان التصوير مو فقط ضوئي وانما حتى فيديو .

النشاطات النسائية اللي تسويها بعض الجمعيات الخيرية تحتاج احيانا لتصويرها للتوثيق واقصد مثل المعارض وخلافها .

المدارس الخاصة البنات يحتاجون التصوير في توثيق حفلات البنات في اخر العام الدراسي .

فية شركات عالمية تعطي وكالتها لمن يرغب مقابل رسوم محددة ويعطونك دورات ويسمونها ( الامتياز التجاري) ومن اللي مسوينها جليمرشوت اللي ذكرتة لك في الاول

دوري في قوقل على الامتياز التجاري وفية شركة في جدة اسمها شركة الامتياز التجاري وصاحبها فلان بادحدح ممكن البحث عن رقمها من غرفة جدة او الشيخ قوقل

الزبدة انك تشتغلين على التصوير الضوئي وتصوير الفيديو

لكن انتي لازم تقولين لنا كم راس المال وماهيا خلفيتك في المشروع .

اعذريني اختي على التشتت في الكلام لاني اكنب مباشرة من راسي بدون تنسيق فارجو المعذرة في عدم تسلسل الافكار .

المهم انتي جاوبي اسئلتي واذا عندك شيء ودك تسالين عنة ماراح نقصر باللي نعرفة والله ولي التوفيق

في امان الله

black355 · #4 (**permalink**) 02-03-2008, 06:00 PM

نسيت اذكر لك ان انسب مكان هو سوق نسائي مغلق

انتي في اي مدينة ؟

دمعة التوت · #5 (**permalink**) 03-03-2008, 02:20 AM

عطالي بطالي مشكور على مرورك والله يوفقك

black355
مشكوره على الافكار
انا بالطائف وماعندنا سوق نسائي مغلق
بس بحاول ابحث وادور وانتي اذا عنك معلومات جديده ياليت ترسلي لي على الخاص
وانا بشوف ناس مهتمين بالموضوع واخذ خبره منهم

black355 · #6 (**permalink**) 06-03-2008, 04:38 AM

اقتباس:

المشاركة الأصلية كتبت بواسطة دمعة التوت

عطالي بطالي مشكور على مرورك والله يوفقك

black355
مشكوره على الافكار
انا بالطائف وماعندنا سوق نسائي مغلق
بس بحاول ابحث وادور وانتي اذا عنك معلومات جديده ياليت ترسلي لي على الخاص
وانا بشوف ناس مهتمين بالموضوع واخذ خبره منهم

طيب اذا مافية سوق نسائي اكيد فية ملاهي للعوائل هذي ممكن تكون بديل مناسب ..واذا غلبت الروم ومافية حتى هذي مالك الا تستاجرين دكان في موقع مناسب ولو يكون في مكان قريب من جامعة البنات او كليات البنات علشان يشوفونة في طريقهم ويجونك لما يحتاجونك .
انتي الان لاتستعجلين في التنفيذ ادرسي الفكرة وابحثي في النت وان شاء الله خير.

انتي كم حاطة في بالك راس مال كبداية ؟

ربي يوفقك ,,,

دمعة التوت · #7 (**permalink**) 10-03-2008, 05:41 PM

اقتباس:

المشاركة الأصلية كتبت بواسطة black355

طيب اذا مافية سوق نسائي اكيد فية ملاهي للعوائل هذي ممكن تكون بديل مناسب ..واذا غلبت الروم ومافية حتى هذي مالك الا تستاجرين دكان في موقع مناسب ولو يكون في مكان قريب من جامعة البنات او كليات البنات علشان يشوفونة في طريقهم ويجونك لما يحتاجونك .
انتي الان لاتستعجلين في التنفيذ ادرسي الفكرة وابحثي في النت وان شاء الله خير.

انتي كم حاطة في بالك راس مال كبداية ؟

ربي يوفقك ,,,

انا قاعده ابحث واستفسر واحاول اجمع افكاري
اكيد اذا بديت ببدأ بدايه متواضعه
يعني على قولهم حبه حبه
ويمكن ماسوي محل بالبدايه
ابشتغل حسابي لين اكون زباين
وبعدين اشوف حسب الوضع

لــيــن · #8 (**permalink**) 03-03-2008, 02:36 AM

الله يوفقك يارب

وماشاء الله على اخوي black355 ماقصر بصراحه

ســلــيــمــانــ · #9 (**permalink**) 06-03-2008, 10:43 AM

مشروعك ناجح جدا بإذن الله بشرط الدعاية في جريده الوسيله
خصومات ببداية الافتتاح
ديكور ابداع يجلب الزبائن
حسن الاستقبال وعدم اهمال الزبائن
الامانه والسريه التامه في عدم نشر صور النساء
كذلك البحث عن الآلات التصويريه الجيده والمواهب وماقصر اخي place355 في تقديم آرائه

بإمكانك ان يكون مشروعك بدل ماهو للتصوير فقط ان يكون شامل خدمة نسائية مثل خدمة الطالبه مع التصوير وزيادة اشياء اخرى نسائية

دمعة التوت · #10 (**permalink**) 10-03-2008, 05:43 PM

اقتباس:

المشاركة الأصلية كتبت بواسطة ســلــيــمــانــ

مشروعك ناجح جدا بإذن الله بشرط الدعاية في جريده الوسيله
خصومات ببداية الافتتاح
ديكور ابداع يجلب الزبائن
حسن الاستقبال وعدم اهمال الزبائن
الامانه والسريه التامه في عدم نشر صور النساء
كذلك البحث عن الآلات التصويريه الجيده والمواهب وماقصر اخي place355 في تقديم آرائه

بإمكانك ان يكون مشروعك بدل ماهو للتصوير فقط ان يكون شامل خدمة نسائية مثل خدمة الطالبه مع التصوير وزيادة اشياء اخرى نسائية

والله افكارك حلوه وقيمه
واكيد الامانه والسريه اهم شي بهذا المشروع
والآلآت ماعندي خبره فيها بس جاري البحث عن افضل الآلآت التصوير