بسم الله الرحمن الرحيم
السلام عليكم ورحمة الله وبركاته
اخباركم يامعشر حافزز
طبعن يااخوان واخوت
احنا ياحقين حافز ممكن ناكل مقلب هالشهر
لكن ان شاء الله نتأهل جميعنا بس الي ابي اوصله
هو تجيينا الـ2000 ريال ممكن مبلغ زهيد نقدر نجمع منه ولو 5000
نسوي لنا مشروع صغير او يدخل شريك
مع احدهم حتى ماناكل مقلب كبير هو اننا مانجد وظيفه
من حافز
----
هو لنقاش لااكثر بس فكرو فيها ولو اني قبل كم يوم كنت عند احد لاخوه قالي ان ثلاثه يعرفهم
احدهم فكر انه يشتري له باص طلبه والثاني فكر بسوق المواشي والاخر يبي سياره حتى ( يكد)
تفكير سليم من وجهة نظري
--------
اما بخصوص البنات .... الله الله بطباعة الكتب الي تخص الطبخ ..... والله مدري بس اطروحو مشاريكم يالبنات حتى تستفيدو وتبلورون فكره في عقل فتاة

الجميع يناقش احسن من تندمون .....والله يوفقكم

تفكير سليم يدل على ثقافة عالية

للاسف اكثر الناس ماتقدر تجمع ماترتاح الا اذا صرفت الفلوس كلها لكن عن نفسي اتمنى ان اجمع مبلغ وادرس بمعهد لغه انجليزيه في نيوزليندا مع السكن مع عائله نيوزلنديه ست شهور او ثلاث شهور ب16 الف ريال مبلغ زهيد ومنها تمشيه

كنت أفكر في هذا الموضوع كثير

و توصلت أني أصرف 500 ريال شهريا و أجمع الـ 1500 إلى أن ربنا يفرجها و نتوظف

موفق بإذن الله ... لك مني أجمل تحية .

وعليكم السلام ورحمة الله وبركاتة
اولا ان شآء الله خير ومتفائلين ومتاملين بالله خير ان راح يتأهل الجميع هالشهر والرزق على الله اولا وآخيرا مو من احد
والله فكرة حلوة ان الواحد يجمع من حافز مبلغ حلوو ويسوي له مشروع
يقدر يقضي وقت فراغه فيه ومنها له مردود مالي
مثلا عندك بعض البنات تقدر تشارك بدورة تجميل وبعدها تشتغل بمشغل او تاخذ دورة حاسب وانجلش وتشتغل بمستوصف موظفة استقبال او بالبنوك
او ممكن بعضهم عندهم مواهب بس ناقصهم الدعم المادي برايي لو جمعت تقدر تفتح مشروعها بكل سهولة ممكن اللي تبدع بالكب كيك وحلويات ومقليات ومعجنات تسوي وتبيع او اللي تبدع بالاشغال اليدوية والتزيين مثل تزين الكيك بحفلات ومناسبات او عندها افكار تزيين لمناسبات الولادة او تلبيس الكراسي بالقاعات راح يجيها على كذا مردود مالي كبير ومنها تنمي موهبتها وطموحها وتشغل وقتها فيه بنات بالمناسبات يسوون لك كل اللي تطلبينه وياخذون بالليلة الوحده6000 واعتقد هالمبلغ بليلة موقليل حلو كثير
واللي ياخذ من حافز سنة كاملة 24 ومجمعها اعتقد يقدر يسوي فيها اي مشروع يبيه والله يوفق الجميع


بس للاسف لحد اللحين ماجمعت شيئ وعندي مناسبة ان شآء الله بعدها اجمع

وعليكم السلام ورحمة الله وبركاته

فكرت الموضوع حلوه .. نستفيد من أفكار بعض

بالنسبة لي الشهر اللي فااات أول مره تجيني >> سافرت فيها سفره قصيره لمدة يومين على البحر غيرت جو واستمتعت فيها الحمدلله .. وباقي لي 1000 خليتها على جنب عشان أكملها من هالشهر وأشتري لي جوال لأن جوالي منتهي الصلاحية

وبرضه عندي مناسبتين أشتريت الأساسيات من مصروفي اللي من عند زوجي..والكماليات بكمل لها من فلوس حافز للشهر هذا والشهر الجاي بإذن الله << لأن راتب زوجي مايبقى منه شئ لآخر الشهر بسبب القرض وجاني حافز فرج من ربي بهالوقت بالذات <<الحمدلله على كل حال

وبعدها بشتري لاب توب جديد ...
واللي بعد بإذن الله أبدأ اجمع وأفكر لي بمشروع مستقل ....

الله يرزقنا من واسع فضله ويديم علينا نعمه

انا ودي بمشروع بس مااحب الطبخ ولا اعرف بتنسيق الحفلات

حتى لو توظفنا المشاريع دخل زايد وحلو

ياليت احصل عندكم افكار لحافز