السلام عليكم ورحمة الله وبركاتة
كيف الحال جميعا ؟ان شآء الله تمام ولا مرتفع الضغط بعيد الشر بسبب عدم الاعلان عن الاهلية
حقيقة ترددت كثيرا قبل كتابة هذا الموضوع بس صراحتن مقهورة كثير من حافز اذا وجد المشرفين فيه اعادة وتكرار ماعليهم الا يقفلوا الموضوع بالمفتاح
اولا ياجماعة الخير اتصلت انا ومجموعة بحافز نسأل متى راح يتم الاعلان عن الاهلية قالوا لنا ان امس اعلنوا عن دفعة واليوم وبكره راح يتم الاعلان عن الدفع الباقية انا صراحتن ماخليتها بنفسي قلت لها متى اعلنتوا امس اذا كل الناس والاعضاء بالمنتديات يقولون ماطلعت الاهلية كيف تقولين الا طلعت؟
قالت انتي بس اللي تعرفينهم ممكن ماطلعت اهليتهم بس هالدفع على مستوى المملكة وامس طلعوا < ياسبحان الله انا اللي اعرفهم ماطلعوا بس طيب انا مثلا من الشرقية والاغلبية ماطلعوا مثلي والرياض هنا بالمنتدى كثار ماطلعوا طيب ياليت اهل الجنوب والشمال وباقي المناطق يعلمونا مدري هي تستهبل ولا غبية خلقة المهم من القهر اللي بداخلي سكرت التلفون بوجهها ماخليتها تكمل لا واول مااتصلت عليهم ثنتين يتهاوشون من تكلم !!!!حسيت نفسي متصلة على بيت ومكلميني بزارين مومتصلة على حافز
المهم يااخوان واخوات حافز جالس يلعب على المكشوف واي صحيفة راح ترسلون لها عن الاهلية ماطلعت راح يقولون نفس ماقالوا لي طلعت الاهلية وعلى دفعات
نفس الاسلوب والتسكيته اللي استخدموها للدفعه الماضية قالوا لهم انتظروا لحتى 27 بعده سحبوا عليهم وقالوا لهم قدموا اعتراض وبعده بتتأهلون الشهر الجاي راح يمارسونه مع كل الدفع سوآء الاولى اول ماتاهلوا او غيرها مثل مالعبوا بعد بالالفين وخصموا على الضمان بعده اكلوها ببطونهم راح يلعبوا على الكل
المفروض هالمرة مانسكت لهم نهائيا واهليتنا غصبا عليهم تطلع حنا مانشحت منهم نطالب بحق من حقوقنا حنا العاطلين هذا امر ملكي مو من جيوبهم
لازم نراسل كل الصحف ونثبت لهم ان حنا جميعا ماتأهلنا هالشهر واللي يقول تأهل يثبت لنا بصورة موضح فيها التاريخ وشهر ربيع الاول اتمنى جميعنا مانتساهل معهم ونغثهم مثل ماغثونا وماطلونا
دايما استهتار واختلاس واللي يطيح فيها المواطن المسكين
آخيرا حسبي الله ونعم الوكيل عليه الله المنتقم الجبار نشكيهم لرب العالمين ياخذ حقنا منهم
لجميع من يمر بالموضوع واعذروني على العصبية بس حافز ماخلى فينا شيئ صاحي

كفووو طلعتي اللي بسبدي الله ينتقم منهم فقعوا مرارتنا ويماطلون عيني عينك
الله يرزقنا بلا منتهممم

حسبي الله ونعم الوكيل

حلوه ذي اهل الجنوب والشمال
مدري وش يحسون فيه
اصلا موظفين حافز
بآين انهم ضآيعين
ماعندهم جواب مثل الناس
ولا عمري كلمتهم وصدق كلامهم
خرابيط بخرابيط

الله المستعآآن

صًح كلامك مثل مقالو لي انزلت دفعه قلت لها مانزل حق احد تقول ال نزل قلت لها ماعندك ماعند جدتي هههههههههه

وسكرت عليها

يااويلهم من الله

حسبي الله عليهم

ماعندهم ماعند جدتي

وراجء خاص لاحد يجي ويقول موعد الاهلية هاليوم او هالساعة

وبلاش يامشرنا معلومات عن حافز تحط موضوع خاص بالاهلية وتثبته وانت اصلا مو عارف لهم شيء

وحنا اول ماتطلع اهلياتنا هذا اذا طلعت اصلا بنجي ونطرح موضوع مباركة


خلاص تعبنا منهم ومن المشرفين هنا ومن العطالة ومن الكذب ومن كل شيء

من جد مماطله واستهزاء
الله يكفينا شرهم بس
احس تعبت منهم
حسبي الله على من كان السبب