خانة الضمان بالدخل الثابت صارت اصفار بعد ماحطو رقم الشهر الماضي

قويدره · #1 (**permalink**) 19-02-2012, 05:05 PM

السلام عليكم

انا اول شهر حطيت اصفار بخانان الدخل الثابت وتفاجئت الشهر اللي بعده انهم حاطين رقم

في خانة الضمان الاجتماعي ومتوسط الدخل وفهمت انهم خصمو علي من حافز

الحين دخلت قبل شوي اشيك ولقيت الخانه حقت الضمان رجعت اصفار ومافيها اي رقم

يعني افهم منهم انهم وصلتهم شكوانا وماعاد بيخصمون على اللي ابوهم في الضمان

ولا ايش السالفه بالضبط

رغد الحيآة · #2 (**permalink**) 19-02-2012, 05:12 PM

ايه الحمد لله حبيبتي

عدلو الخطأ

قويدره · #3 (**permalink**) 19-02-2012, 05:17 PM

متاكده اختي .. يعني نزل خبر بهالشي

رغد الحيآة · #4 (**permalink**) 19-02-2012, 05:20 PM

حبيبتي مانزل خبر

بما ان كاتبين لك بخانه الضمان صفر

يعني انتي ماتدخلتي بالشيء هذا

هم اللي تدخلو فيه وصححوه

فهمتي علي

بحر الهلاك · #5 (**permalink**) 19-02-2012, 07:12 PM

اقتباس:

المشاركة الأصلية كتبت بواسطة رغد الحيآة

حبيبتي مانزل خبر

بما ان كاتبين لك بخانه الضمان صفر

يعني انتي ماتدخلتي بالشيء هذا

هم اللي تدخلو فيه وصححوه

فهمتي علي

ياترى كم لهفو مليون

سووها حجة الضمان وما ادراك مالضمان

لكن دعوات المظلومين مستجابة

مملكة عمري · #6 (**permalink**) 19-02-2012, 05:21 PM

انا استلم من الضمان وللحين الرقم الي يخصمونه مني موجود

هل انتي قدمتي اعتراض؟؟

ولا فقط الي يستلم ابوهم من الضمان هم الي عدلو وضعهم غير الي هم مستفيدين من الضمان...؟؟!!

قويدره · #7 (**permalink**) 19-02-2012, 05:42 PM

اقتباس:

المشاركة الأصلية كتبت بواسطة مملكة عمري

انا استلم من الضمان وللحين الرقم الي يخصمونه مني موجود

هل انتي قدمتي اعتراض؟؟

ولا فقط الي يستلم ابوهم من الضمان هم الي عدلو وضعهم غير الي هم مستفيدين من الضمان...؟؟!!

لا ماقدمت اعتراض .. انا قلت حسبي الله ونعم الوكيل وبس

عبدآلله آلجهني · #8 (**permalink**) 19-02-2012, 05:22 PM

وعليكم السلام ورحمة الله وبركاته

فعلآ أختي انا في البدايه كنت مثلك ..

الوالد يستلم من الضمان الاجتماعي وطبعآ الضمان يصرف للمتقدم بعدد افراد الأسره وكل فرد بـ رقم السجل المدني حقه ..

المهم الشهر الماضي حطو بخآنة الضمان 284 ريال ..وفعلآ نزلي حافز 1715 ريال خصمو منه المبلغ الي يستلمه الوالد من الضمان ..

بنفس الوقت قدمة اعتراض إنه الي يتقاضا ها المبلغ هو الوالد ومن شروط الضمان انه يعطونك على عدد افراد العائله وبرقم الهويه لكل فرد وإنتم وضعتم ها المبلغ انه انا الي استلمو ..

المهم قالت رفعت الاعتراض ... ومافادتني بشي ...

بس اليوم شيكت بخانة الضمان لقيتها 0 مو محددين اي مبلغ مثل الشهر الماضي ..

وفي واحد من اصحابي نفس حالتي بس ماقدم اعتراض والحين خانة الضمان اصبحت 0 مثلنا

اعتقد ها التأخير كله لنا خيره فيه .. اولها انهم شالو المبلغ حق الضمان .. والخير قادم بـ إذن الله

اعتقد بعد انه جميع الي خصمو عليهم قبل راح يستلمو الاعانه كامله ها الشهر .. بـ إستثناء المطلقات والارامل ..

وبتوفيق للجميع ..