هم قالوا اللي ماتاهلت بسبب العمر تلقى وظيفة
اوكي فين الوظيفة
طيب وجدارة والديوان يبغو خبرة
والمدارس الخاصة اما ممتاز وجيد جدا مع دبلومات مع خبرة

ياهوه من فين الخبرة
واذا قلنا نبغى وظايف قالوا هاتو اوراقكم وراح ندق عليكم
تمر سنوات ولا يدقو

كل الموضوع ان اللي يتكفل بشي يكون قد مسؤليته
النصابين كثير ف هالبلد
ربي يجزاهم من عنده ع نصبهم
هم مبسوطين ورايحين جايين ولعب بالفلوس واحنا يالله يالله ندور تكلفة حجة لبيت الله
الحمد لله ع النعمة الخير فيه بس مو كل الناس تقدر تحج


وينك يا ملكنا وينك
اصرخ من هنا لمتى وانا ادور ع وظيفة
ولما جاء حافز فرحت وقلت فرجت
الا يجون ويحطون هالشرط حسبي الله عليهم
وحسبي الله ع المسؤؤل ف الديوان وفي جدارة وفي كل شيء يخرب فيه اخواني واخواتي

واذا قلنا وسبينا ف اللي يصير يقولوا لا اسكتو حنا بلد خير

ربي ينتقم لنا من اللي حدد الشرط تبع العمر واللي حددو شروط الوظايف التعجيزيه

الحين هم يقولون هذا عدل
طيب وين العدل اذا كانوا يخافون من الحرام
يعطون ناس مايعرفون من المدرسة الا الاسم بس
يعني اميين ) حنا مانقول لاتعطونهم اعطوهم الله يرزق الجميع
هذا خير وطنا بس وين العدل تعطون ناس وناس مسخوط عليهم
كل الخريجين والخريجات معاهم شهادات دبلومات وبكالوريوس ودورات
مساكين من تخرجوا وهم كل سنة يقدمون ويركضون وتصوير اوراق ومن ديرة لديرة
طايرين نبي اي وظيفة واي راتب وننتظر بس متى تطلع اسامينا
ويكفي قومة الصبح والباص >> آخ بس
والحين بهالوقت هذا يجي حافز ويحرمنا من خير بلدنا ويتكاثرون علينا 2000 ريال
وحريمهم بس الشنطه تشتريها 2000
ليش ليش خافوا ربكم ماراح ينفعكم تجميعكم هذي دنيا زائلة
اموالنا راح تسألون عنها يوم القيامة وتنشب بارقابكم
الله لايسامح كل واحد كان السبب في هالشرط

مراحب والله
اللحين العدد زاد شوي
طيب مين اللي يكتب الشكوى واحنا نمر عليها ونأكدها
وابغاها شكوى قويه ...
لأن الحق معناا
انتظركم

فعلآ ظلللللم ... على انه انا ماتعديت ال 35
بس جد جد حاسه فيييييييييكم وبمعاناااااتكم ..
وانتم أحق .. لأنه راحت سنين من عمركم هباءآ ..
بس المفروض مايكون فيه اعتراض على اللي توهم متخرجين ويستلمون
هي أرزاااااااااااااق من رب العبااااااااااد
الله يكوووون بالعووووون ويسهل امرنا وامركم

[align=center]لحد يسكت عن حقه

أنا توني مقفله مهم وقدمت اعتراض

كنت مؤهله الشهرين الماضيه و الشهر هذا طلع لي جاري المعالجه

يعالجون ايش ؟

طلعو ثلاثه اسباب :
1- الهويه الوطنيه منتهيه - - - - والصحيح ان تاريخ انتهائها هو سنة 1442 هـ
2- العمر يا اقل من 20 او اكثر من 35 - - - - والصحيح انه لا هذا ولا هذا صحيح
3-موظفه في القطاع العام - - - - والصحيح اني طالبة انتساب وادرس على حسابي الخاص

من المسؤول ؟

اقصد من هو الحرامي المستفيد من هالحركات ؟

يبون يشغلونها في الاسهم ؟

بأي حق ؟

ومن حللها لهم ؟

اللي كان مؤهل اصبح غير مؤهل باسباب اختلقوها بانفسهم

واللي ماكان مؤهل حطوه مكان اللي شالوه عشان يتوفر لهم اكبر مبالغ ممكنه !!

حسبي الله ونعم الوكيل في كل خبيث , الله لايوفقه ويجعل كل قرش حرام يدخل جيبه يدخل عليه بالشر و قل العافيه ز

انا ماراح اسكت برفع عريضه للملك مو عشان محتاجه لحافز وبس لا بس عشان يعرف شكثر الشعب مظلوم مع هالبطانه الفاسده اللي مثل نار جهنم مهما تاكل ما تشبع وجعلهم فيها هالحراميه .

السموحه بس جد شيء يقهر

موفقين اخواني وخواتي جميعاً ولحد يسكت عن حقه[/align]

حسبي الله عليهم هذا عين الظلم ليش الي عمره خمسه وثلاثين وشهر مايقدر يشتغل
الملك الله يحفظه كلامه واضح قال للعاطلين لم يحدد عمر معين
ماشاء الله قمة الاخلاص لو كل المشاريع عملوا فيها كذا كان وفرنا الاف المليارات للدوله وكان الجميع عاش في رغد
ودمتم سالمين

انا 36 نزلت المكرمه وعمري 35
وش اسوياستبعدوني حسبي الله عليهم

حسبي الله عليهم عسىاللي حدد العمر يتحدد رزقه اللهم امين ولايبارك له فيه

على الاقل كان زادوا شوي لحد 40 او 45

حرام والله حرام وهذا شرط تعسفي وظالم والمفرووض ماينسكت عليه واذا سكتنا راح حقنا وراح تعبنا

هباء منثورا

حرام عليكم تتهمون اللي حصلوا على حافز بالجهل و التقاعس و الصفات الجارحة اللي اخذوها اخذوها عن استحقاق هم عاطلين و باحثين و انطبقت عليهم شروط البرنامج ايش الحسد اللي فيكم عرفتوا الحين ايش سبب عدم الرزق ؟ طهروا قلوبكم من الحسد و ثقوا بأن الله هو الرازق لا حافز ولا جدارة و لا اي وزارة تملك مفاتيحه معكم بأن نطالب بحقنا في حافز لكن مو بهذا الاسلوب الغير أخلاقي ولا إنساني .
شموخ السحاب خريجة من 15 سنة بكلوريوس+ دبلوم+ دورات+ خبرة عمل =عاطلة من حينها غير مستفيدة من هالبرنامج.

[B][SIZE="6"]شرط العمر المفروض يلغى يعني والله حرام عليهم يستبعدون اللي اعمارهم فوق 35 سنة .المفروض يعوضونهم .ليش هالظلم هم الحين حسسوهم انهم فئة منبوذة من المجتمع يعني لالهم لا حقوق ولا شيء كمواطنين .وبرأيي المفروض يقدمونهم اولا مو ياخرونهم .