السلام عليكم ورحمة الله وبركاته

اخواني واخواتي احب اقول لكم ان الطلاق له اسباب كثيره وللاسف الضحيه الاطفال ومن الاسباب عدم تحمل الزوج المسؤليه فللاسف فكثير من الازواج بعد الزواج يمارسوون مراهقتهم تجده يسهر خارج المنزل و طول وقته بالمكالمات والرسائل وغير النت الله يعطينا خيره ويهمل زوجته والله اعرف كثير من النساء تحملووا وصبروا علشان اولادهم ولكن الزوج كان السبب بالطلاق فالمراءه لاتتحمل زوجها يخونها اذا كانت مو مقصره معاه في شي لا وللاسف بكل جراءه يقولها انتي الاساس مالي غنى عنكي وهم مجرد تسليه بالله هذا رد ايش هذي المكافئه الي قدمها لها على اخلاصها وحبها له وتقدير ظروفه الصعبه وسفرياته التافهه..

اما من ناحية الرجل فحرام لانذكر محاسنهم والله فيه رجال خلوقين ويخافون الله في حريمهم ومو مقصرين معهم في شي ونجد الزوجه تبذر وتسرف وتتذمر منه وتتشكى ويحاول انه يعيش حياة سعيده معاها لكنها نكديه فيضطر يطلقها او يتزوج علشان يريح راسه .
لكن المشكله الاساسيه هم الاطفال والله مالهم بذنب بهذي المشاكل والله اذكر وحده في المحكمه طلبت الطلاق لان زوجها رفض يطلقها اما تعطيه من راتبها او تتنازل عن اولادها فتنازلت عن اولادها مقابل الطلاق ليه ويش ذنبهم والله حرام مافي مثل الام لاولادها والي يقهر كيف يجبرها تتنازل عن اولادها علشان يطلقها ولا اخذ راتبك ليه هذا مو حقها مو تعبها الله جل جلاله قال فامساك بمعروف اوتسريح باحسان ياليت توجد الرحمه والموده في قلب كل زوجين ويؤدون حقوقهم وواجباتهم على اكمل وجه علشان اولادهم والله يكتب التوفيق والخير للجميع.

لن يحد الطلاق كل تلك القوانين ياصاحبة الموضوع ... لأن الوضع الإجتماعي الموجود في السعودية
يجبر البنت على استضعافها واستذلالها في كثير من الأحيان وإن أخطأت ولو خطأ يسير أصبحت لاتختلف
عن بائعات الهوى في نظر أغلب الأزواج إلا من رحم ربي ....

خطأ الولد = طبيعي وعادي وممكن استدراكه بل من الممكن التمتع حاليا والتوبة عند بلوغ ال60
ولو أدركه الموت تجوز عليه الرحمة
خطأ البنت = الويل والثبور لها في الدنيا وتصبح منبوذة في مجتمعنا ولاتختلف عن بائعات الهوى في
نظر المجتمع إلا من رحم ربي ..

90% من الزواجات تتم ولا أحد شاف الآخر ولاعرف عنه شيء . إن لم تكن 99%

انا من رأيي مثل ماتم الزواج برضاهم بتوقيع الزوجين في العقد يكون الطلاق نفس الشي يعني اذا الراجل يبغى يطلق مايتم الطلاق الا بموافقة الطرفين
لان بنت الناس ماهي لعبة في ايده وقت مايبغى يطلق يطلق
استغرب في الخلع ولا فسخ العقد اذا الزوجة تبغا الطلاق يجلسو يماطلو فيها اما الزوج على طول يتم الطلاق

هدا شي مايتم الطلاق الا بناء على موافقة الطرفين

والشي التاني الطلاق من غير سبب يعني اسباب تافهه يصدر حكم علييه صرف نفقة شهرية عليها وعلى اولادها ويعطيها شقة تسكن هيا واولادها

اما مو يطلق وهيا اللي تتحمل مسؤلية سكن واكل وتربية الراجل شايل يده من كل شي لامسؤلية وعايش حياته والمطلقة هيا اللي تتحمل كل شي

لازم يضعو حد للرجال واغلبية الطلاق عدم تحمل المسؤلية واستهتار ولامبالاه وسهر واصحاب وعدم الاحترام وعدم التضحية

مايهمهم الا نفسهم وبسسسسسسسسس

لوعملو الشروط دي تقل نسبة الطلاق الناس تفكر الطلاق لعبة عادي يتزوجويطلق ويتزوج ويطلق ماعندهم اي مشكلة

......................؟