طالبه فزعتكم ووقفتكم معي

اخت الجميع · #1 (**permalink**) 03-03-2008, 03:28 PM

بسم الله الرحمن الرحيم
السلام عليكم ورحمه الله وبركاته
انا موضفه بقطاع خاص وراتبي الفين وميتين
وناويه باذن الله اخذ سياره تقسيط وابيعها واستفيد من فلوسها بس مدري
ودي شي مضمون ابي اشتثمرها
اقدر اخد سياره غماره قسطها شهريا الف وبيعها يكون بسبع وثلاثين الف
واقدر اخذ سياره غمارتين قسطها الف وخمس ميه وبيعها بخمسين الف

ان شاء الله لو قدر الله واخذت سياره وبعتها كيف يمكن استثمر الفلوس ابي شي مضمون خطوصا ان الوضيفه مو مضمونه وابي اقسط السياره من الارباح
انا بسالكم ناس قالو لي حطيها بالقطريه للاستثمار عن كل عشر الالف بيجيك الف شهريا بس مدري راس المال مضمون ولا لا
خايفه اتورط
وناس يقولون شغليها بقطاع البنوك
وناس بالاسهم بس الاسهم مو مضمونه ومابي اتورط فيها
امانه الي عنده اي فكره
لايبخل علي تروني ناخيتكم كلكم

mnw · #2 (**permalink**) 03-03-2008, 03:34 PM

والله يا أختي ما أقدر أفيدك لاني ما عندي خلفية وان شالله الاعضاء يفيدونك

دعواتي لك بالتوفيق والنجاح

أختك منو

درة البحر · #3 (**permalink**) 03-03-2008, 03:36 PM

والله ماعندي خبره عن الاستثمار
لكن لك مني دعوه في ظهر الغيب
الله يرزقك وييسر امورك ويجعل ربحك اضعاف مضاعفه
واوصيك بالصدقه لانه في حديث عن الرسول صلى الله عليه وسلم
فيما معنى الحديث(ما نقص مال من صدقة بل يزيد)

النشمي · #4 (**permalink**) 03-03-2008, 06:47 PM

وعليكم السلام ورحمة الله وبركاته

اختي ياليت تفكري ألف مره

قبل ان تتورطي بالاقساط

لان راحت البال مكسب ولن تحسي بذلك الا بعد ان تتورطي بالاقساط

وان كان لابد من ذلك فياليت تمسكين ورقه وقلم

وتحسبيها صح تشوفي المشروع الذي يتناسب مع نصف رأس مالك وهو الذي راح تبنين عليه مشروعك ولا تلجئين للنصف الاخر الا لفك الازمات

تقبلي اختي فائق احترامي

المستشاره · #5 (**permalink**) 03-03-2008, 08:14 PM

موفقة يارب.... ولاتنسي تتاكدي اذا كانت الاسهم ربوية ولا .... يمحق الله الربا ويربي الصدقات...
المستشاره.....غير....

الباحث عن دراسة · #6 (**permalink**) 03-03-2008, 09:20 PM

موفقة إنشاء الله ...
فيه عرض لشركة نيسان وياليت تطلعي عليه ويقول العرض تستطيعين شراء أي سيارة بدون دفعة أولى ويدفعون لكي قسط أول شهرين وأقساط مريح جدا جدا 999ريال شهريناً ومدة القسط تصل إلى 48شهر......
أرجوا من الله إني أفتك ....
وهذي دعوة من القلب أسأل الله بأن يوفقك ويكثر من مالك ...

الباحث عن دراسة · #7 (**permalink**) 03-03-2008, 09:25 PM

أنصحك بالإبتعاد عن الديون لأنها كسرة ظهر وإسئلي المجربين من أقاربك والي حولك
وقبل لاتبدئين فكري مزبوط وأستخيري الله قبل عمل أي شي .....
وأتمنى لكي التوفيق والنجاح.................
ولاتنسينى إذا توسعة تجارتك وظفينا عندك...
ههههههههههههه....أرجو المعذرة

بدرخالد · #8 (**permalink**) 03-03-2008, 10:06 PM

هلا فيك اختي الكريمه الا خوذي السياره وبيعيها وشغلي فلوسها التجاره الله بارك فيها

بس التجاره ماتبي تردد .

فكري في مشروع يناسب وضعك واشتغلي فيه وان شاءالله تزين امورك

وباالنسبه لكونك جديده باالتجاره

الافضل انك تستثمرين في شي سهل وواضح وابعدي عن الاسهم وغيرها

وفي كم فكره سهله ممكن تنفعك

1 اشتري جولات نسائيه وقصديها على معارفك

2 شغلي المبلغ في تقسيط التايد او الشاي

3 اشتري ملابس نسائيه وغيرها وفي كثير عروض على النت عن اكواب مضيئه وغيرها
وانتي شوفي كم الجمله حقتها والقطاعي

لكن قبل كل شي اتاكدي من انك تقدرين تسوقين البضاعه على معارفك والمطلوب والماشي منها

واتمنى من الله سبحانه وتعالى يوفقك

جاسمريه · #9 (**permalink**) 03-03-2008, 10:36 PM

الله يسر لك امورك ويسهلها عليك

باحث عن وظيفه · #10 (**permalink**) 06-03-2008, 12:44 AM

الله يوفقك اختي بس بالنسبه للقطريه للتقسيط تاكدي من ناحيتها الشرعيه قبل الدخول فيها ..
بصراحه وضعهم غريب مع اني اعرف زميل لي اخذ50 الف من البنك اقساط وراح عطاه القطريه وصارو يعطونه كل شهر 5000 ريال شهريا طبعا
عقد انك ماتسحب المبلغ لمدة سنه وبعد سنه تسحب مبلغك اذا اردت واذا اردت الاستمرار فلك ذلك ..زميلي له الان سنه واربع اشهر طبعا جاه راس المال والان مستمر معهم وينزل بحسابه نهاية الشهر 5000 ريال ولكن السوال الذي يطرح نفسه هل هي حرام ام حلال؟؟ ..