31-03-2012, 12:15 PM
|
عضو سوبر
|
|
تاريخ التسجيل: Sep 2011
المشاركات: 345
معدل تقييم المستوى: 308364
|
|
اقتباس:
المشاركة الأصلية كتبت بواسطة داعي الذكرى
[align=center]
السلام عليكم جميعا"
الصراحه موضوع قمه في الروعه وقصص مشوقه وهادفه
ألف شكر لك يالوالي الله يجزاك بالخير ,,
أنا قريت موضوعك وأعجبني أشد إعجاب والحقيقه هاضت قريحتي بقصيده
تفاعلت معها مشاعري حسب موضوعك سأطرحها هنا ,,,,
أتمنى أن تنال إعجابكم .....
يامرحبا أعداد صرف الدنانير
لحضرة الوالي مع متابعينه
ترحيبتن غنت على لحنها الطير
تنعش بها كل الليالي الحزينه
إهداء للوالي تحيه وتقدير
تحيتن مثل النجوم المبينه
من حارثي دارت براسه تفاكير
مازان له حظه من أول سنينه
موضوع حضرتكم يفوق أي تصوير
ياكاتبه ياجعل تسلم يدينه
أنا أشهد إنك خير قاصد بها خير
لاشك في ذلك ولا به ظنينه
بالوصف مايكفيك لو كان تعبير
شديت إعجابي من أقصى عرينه
شبابنا يحتاج نصحن وتنوير
يوم الفرص ملك اليدين اللعينه
السوق به خيرات كثر الأزارير
ياناس وين اللي يشمر يدينه
الراتب المحدود ماغير تصبير
ياخوك ماينفع لساكن مدينه
ليه الكسل والدين عند المطافير ؟؟
ليه التشاؤم كلنا عابدينه ؟؟
ليه الحواجز حاجزه كل تفكير ؟؟
ليه الخلايق بالأمل مستهينه ؟؟
ليه النجاح أصبح كتاب الأساطير ؟؟
ليه الصبر عن عزمنا مبعدينه ؟؟
ليه الطموح أحلام وأحلامنا غير ؟؟
ليه التمني كلنا عايشينه ؟؟
ليه العزيمه ميته فالمغاوير ؟؟
ليه التحطم كلنا مشاهدينه ؟؟
ليه التساهل سار ميزه وتقصير ؟؟
ليه الفشل قدامنا راسمينه ؟؟
ليه البطاله وهم والوهم تعزير ؟؟
ليه البلا فينا وحنا نعينه ؟؟
إن كنت أنا غلطان هل فيه تفسير ؟؟
هل التساؤل بالتجاهل ندينه ؟؟
قم ياسعودي سخر المال تسخير
وانفض غبار الفقر منت بسجينه
عقلك سلاح اليوم يحتاج تحرير
لاتشغل أفكارك على أكل العجينه
إنهض بفكرك خل عنك المعاذير
توكل على اللي كلنا مرتجينه
قم شغل الموتر وعشق له القير
برد المكيف غير صوت المكينه
الشغل ماهو عيب ياباغي الخير
غوص البحر من دون تركب سفينه
طعم الحلاوه والهنا فالدنانير
أحلى وأحلى يوم يعرق جبينه
إبدا بكل إصرار من دون تأخير
ومن هو يريد الرزق ربي يعينه
لابد ماتلقى بدربك تعاثير
لكن قوي العزم ما شي يلينه
ياخوك طب السوق واجمع تقارير
والتجربه برهان متعلمينه
خلك فطين ولا توافق بتغرير
حط الذكا مقلب على دارسينه
بكره تشوف الرزق مافيه تزوير
يكثر ويتبارك بثروه ثمينه
أقولها بإصرار فاق المعايير
ماني مبالغ والكذب كارهينه
ناوي لها ناوي ولافيه تغيير
ناوي التجاره واللعب خابرينه
من بعد ست أشهر لي إجراء تدبير
مبطي وأنا لهموم وقتي رهينه
ياحضرة الوالي عوافي وتكفير
يشفيك ربي بالدعا نستعينه
وختامها مني تحيه بتعطير
لحضرة الوالي مع متابعينه
وسلامتكم ...
أخوكم الشاعر ( داعي الذكرى ) ....
[/align]
|
استاذ الشعر والفصاحه الشاعر ( داعي الذكرى )
الف شكر لك على هذه الابيات الرائعه
سأنسخها واحفظها ولو انها كثيره في حقي
وشرف كبير لي ان تخصني بهذه الدرر
والف شكر لك ولا تحرمنا من طلتك
|
العرض العادي
