ظلمني حافز بسبب خطـأ موظف

جروح وين ما روح · #1 (**permalink**) 21-02-2012, 03:38 AM

السلام عليكم

قصتي مع حافز بدت من الدفعه الأولى وكنت فيها غير مؤهله والسبب ان كنت خارج المملكة لمدة أكثر من شهرين ...
مع العلم اني ماسافرت خارج السعودية من سنتين
طبعا رحت للجوازات علشان اشوف وش صاير قالوا لي وين سافرتي آخر مره قلت لهم البحرين قالوا اجل موضوعك بجسر الملك فهد روحي عندهم ويعلمونك ثاني يوم رحت للجسر ورحت قسم الجوازات هناك تخيلوا
وشو الغلط فيه ؟؟؟؟؟
قبل ثلاث سنواااات حضرة جناب الموظف اللي في جوازات الجسر ما سوى لي دخول للسعوديه أكتفى بأنه القى نظرة على جوازي !!!!!!!
طبعا الموظف الثاني قالي خلاص سويتلك دخول للسعوديه من ثاني يوم لخروجك والحين وضعك بالسليم وراح نرسل بيانتك لحافز وراح يتم قبولك ان شاء الله
الدفعه الثانيه طلعت وانا غير مؤهلة ورجعت للجوازات وكل اللي قالته الموظفه خلاص تم تعديل بياناتك طبعا بعد الانتظار أكثر من 3 ساعات عندهم

تخيلوا من الدفعه الأولى الى الدفعه الثالثه وانا غير مؤهله لهذه السبب !!!
يعني غلطة موظف او بمعنى أصح أستهتار موظف دوله يحرمني من حقي في برنامج حافز الله لايسامحه لا دنيا ولا آخره

واليكم المشهد الأخير من الأهليه

تاريخ التحقق 27 ربيع الاول 1433
حالة الأهلية غير مؤهل
السبب تشير سجلات المديرية العامة للجوازات بأن المتقدم لم يكن متواجد في المملكة لمدة أكثر من شهرين خلال ألاثني عشر الشهر الماضية. لمزيد من المعلومات الرجاء التوجه إلى صفحة الأسئلة المتكررة
__________________

*لمعالجة السبب المؤدي إلى عدم تأهلك الرجاء مراجعة الجهة المختصة والمذكورة في سبب عدم التأهل. وفي حال عدم استيفائك لشرط الإقامة الدائمة في المملكة الرجاء التوجه إلى صفحة الأسئلة المتكررة لمعرفة المزيد من المعلومات عن ذلك.

محتارمتردد · #2 (**permalink**) 21-02-2012, 03:42 AM

زيني امورك عند الجوازات واذا خلصتي قدمي اعتراض وربي يسر امرك ويعينك

جروح وين ما روح · #3 (**permalink**) 21-02-2012, 03:49 AM

رحت للجوازات وقدمت أعتراض من الدفعه الاولى وبعد اعتراض بالدفعه الثانيه والثالثه والى الآن مافيه اي رد
مافيه احد كلمني من حافز واليوم كلمتهم وقالو انتظري لحد مايتصلون عليك

رغد الحيآة · #4 (**permalink**) 21-02-2012, 03:51 AM

الله يعينك اختي

ومثل ماقال متردد شوفي وضعك مع الجوازات وضبطيه

وبعدين سوي اعاده طلب عشان يتحققون من بياناتك

ذاكرة المدائن · #5 (**permalink**) 21-02-2012, 04:00 AM

خيتو اذا عالجوازات خذي وخلي ... متعودين نتمشكل حنا نروح كل اسبوع وطلاب ومع هذا يغلطووون يقول لك الموظف بكل برود انتي متى طلعتي من البحرين؟؟؟اقول له الخميس يقول مو مسجل لك خروج اجل لف ياشيخ واطلع القسم اللي تبع الخروج سجل وارجع من ثاني ادخل البحرين هههههههه

جروح وين ما روح · #6 (**permalink**) 21-02-2012, 04:05 AM

جد شي يقهر اذا كان موظف دوله وماعنده اي مسوؤليه والحمدلله ان خلال السنتين هذي ما سافرت كان
راح يرجعوني من المنفذ اللي بسافر منه سواء بر او طيران وحرام الان أتحمل غلطه مالي ذنب فيها

الخآلدي · #7 (**permalink**) 21-02-2012, 04:07 AM

الله يكون في عونك

قدم اعتراض مدري شكوى

حبيبي حمودي · #8 (**permalink**) 21-02-2012, 04:12 AM

اختي شوفي تاريخ الدخول متى يمكن الموظف اللي سجل الدخول كتب التاريخ خطأ

جروح وين ما روح · #9 (**permalink**) 21-02-2012, 04:17 AM

ماكتب اصلا تاريخ دخول دخلت وجلست في السعوديه سنتين ويوم قدمت على حافز أنكشف الموضوع

يوم رحت للجسر قالوا لي ما سوى لك دخول وانا طلعت من السعوديه الصباح ورجعت الساعه 12 ونص

بعدها سوا لي موظف جوازات الجسر دخول يعني طلعت بتاريخ 4 ودخولي بتاريخ 5