21-02-2012, 12:33 PM
|
 |
|
|
تاريخ التسجيل: Jan 2012
المشاركات: 3,102
معدل تقييم المستوى: 21474869
|
|
|
المال .. يابن حنيف ملعون .. ابو المال
[align=center]لاصرت تنشد يارفيقي .. عن الحال
مالي على .. كتمانها عنك .. حيله
الصبر عن بوح الاحاسيس .. قتال
والبوح في بعض المواقف ، فشيله
لو كل مايطري على البال ينقال
ماكان شفت ان الثقيله .... ثقيله
ابطيت اكافح ضيقة البال بالبال
وادفع بلا .. هاجوسها كل .. ليله
لين اقبلت مثل .. السحابه بهمال
تشفي غليل اللي .. تزايد غليـله
مابي .. تناقلها هل القيل والقال
وتصير من بعد القصيره .. طويله
اشيل حملٍ .. لو يشيلنه .. جبال
الله ، وامانه .. غير تصبح نثيله
أرمي .. من هموم الزمن .. واسحب أدبال
وانزل عن ( الجوكر ) وغيري يشيله
من كثر ماشفت بحياتي من انذال ....!!
بديت اشك ان النذاله ... فضيله
ماطاح من عيني رجل ..!! طاحوا .. رجال
ورجال ( يابن حنيف ) ماهي قليله
اقرب من اللي قالهم ضمن ماقال .. :
راكان بن حثلين .. راعي الجزيله
( هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله )
سبحان منهو يابدر غيّر الحال ..!!
وحط الجفا بين الخليل .. وخليله
هذا الزمن يبغاله .. لسان دلاّل .. !
من يستحي هالوقت .. واعزتي له
وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!
ومن كان ساسه للردى مضرب امثال
اليوم .. يحسب من كبار القبيله ..!!
المال .. يابن حنيف ملعون .. ابو المال
ذل العزيز .. وعز .. ناسٍ ذليله ...!!
[/align]
منقول
التعديل الأخير تم بواسطة ديرتي الجبيل ; 21-02-2012 الساعة 12:35 PM
سبب آخر: خطا
|
العرض العادي
